लक्ष्य अनुसार परिवार नियोजनको कार्य देखिएन ः मन्त्री शर्मा

जनकपुरधाम, २ असोज । सामाजिक विकास राज्यमन्त्री अभिराम शर्माले लक्ष्य अनुसार परिवार नियोजको कार्य नदेखिएको बताएका छन् ।
जनकपुरधाममा मंगलवार सामाजिक विकास मन्त्रालयद्वारा आयोजित ‘पाँचौ परिवार नियोजन दिवस’को अवसरमा मन्त्री शर्माले प्राविधिक क्षेत्रमा प्रदेश २ बलियो भएपनि उपयुक्त साधनको अभावको कारण समस्या देखा परेको बताएका छन् । उनले परिवार नियोजनतर्फ प्रदेश सरकारले कटिबद्ध रहने समेत बताएका छन् ।
मन्त्री शर्माले शिक्षा तथा जनचेतनाको क्षेत्रमा प्रदेश २ पछाडि परेको छ । प्रदेश सरकारले शिक्षामा विशेष ध्यान दिनेछ बताएका छन् । उनले भने ‘विश्वकै सुन्दर प्रदेश २ को भूमि रहेछ । यस भूमिलाई सदुपयोग प्रदेश सरकारले गर्ने छ ।’ इमान्दारी पूर्वक कार्य गर्नका लागि मन्त्री यादवले स्वास्थ्यकर्मीहरुसँग आग्रह समेत गरे ।
मन्त्रालयका निमित सचिव दानीकान्त झाको अध्यक्षतामा भएको ‘पाँचौ परिवार नियोजन दिवस’ मा मन्त्रालयकै महिला शाखा प्रमुख मिरा मिश्रले बैनरमा ‘किशोर किशोरीको सहभागिता परिवार नियोजन सेवाको सुनिश्चितता’लेखिएपनि एउटा पनि नारा अनुसारको उपस्थिति नहुँदा आक्रोशत व्यक्त गरेका थिए । उनले यो कार्यक्रम पैसा पचाउने उद्देश्यले मात्र गरिएको बुझिएको आरोप समेत लगाएका छन् ।
मिश्रले कार्यलाई प्रभावकारिता दिनका लागि सम्बन्धित निकायको उपस्थिति आवश्यक रहेको बताएकी छन् ।
त्यसै जनकपुर अञ्चल अस्पतालका डा. नागेन्द्र यादवले परिवार नियोजन संघको काम कर्तव्य इमान्दारी पूर्वक भएमा मात्र सफल हुने बताएका छन् ।  उनले ग्रामीण भेगका अधिकांश परिवारहरु परिवार नियोजनबाट वन्चित हुने गरेको भन्दै परिवार नियोजनलाई सफल पार्नका लागि गाउँ गाउँमा क्लिनिक सञ्चालन हुनुपर्नेमा जोड दिएका छन् ।
त्यस्तै डा. श्रीराम साह प्रत्येक व्यक्ति र दम्पत्तिले आफ्नो प्रजनन् चाहना अनुरुप प्रभावकारी परिवार नियोजन साधन अपनाएमा यसले प्रजनन दर व्यवस्थित बनाउन र महिला, बालबच्चा र परिवारको स्वास्थ्यमा सुधार गर्न मद्दत गरि त्यसबाट बचेको श्रोत र साधनबाट मानव विकासको लागि अति आवश्यक शिक्षा, स्वास्थ्य, बास, खाना, बाटो एवं अन्य आधारभूत पक्षहरुमा परिचालन गर्न मद्दत पु¥याई समाज र देशको समष्टिगत विकासमा मद्दत गर्ने बताएका छन् ।
उनले बच्चा र आमाको राम्रो स्वास्थ्यको लागि महिलाको उमेर २० वर्ष पुरा भएपछि मात्र गर्भधारण गर्नुपर्छ । एउटा बच्चा जन्मेपछि अर्को बच्चा चाहनेले कम्तीमा २ वर्ष सम्म गर्भवती हुनु हुदैंन साथै गर्भ खेर गएमा वा गर्भपतन भएमा ६ महिना पछि मात्र गर्भवती हुनुपर्छ । यस अवधिमा अनिच्छित गर्भ रोक्नको लागि परिवार नियोजनको अस्थायी साधन प्रयोग गर्न सकिन्छ । त्यसैगरि थप सन्तान जन्माउन नचाहने दम्पतीहरुले स्थायी विधि पुरुषले भ्यासेक्टोमी र महिलाले मिनिल्याप अपनाउन सकिन्छ । गर्भान्तरको लागि पुरुषले प्रयोग गर्ने साधन कण्डम, महिलाले प्रयोग गर्ने साधन खाने चक्की ( पिल्स, डिपोप्रोभेरा सुई, इम्प्लान्ट वा आइ.यु.सि.डी. स्वास्थ्य संस्थाहरुबाट निःशुल्क रुपमा उपलव्ध गराउनु पर्ने बताएका छन् ।
‘किशोरकिशोरी सहभागिताः परिवार नियोजन सेवाको सुनिश्चितता’ नाराका साथ मनाइएको पाँचौ परिवार नियोजन दिवसमा हरिभूषणले परिवार नियोजनका सेवाको पहुँच नहुँदा प्रजनन समूह (१५(४९ वर्षका उमेर समूहका महिला) को २० प्रतिशत अनिच्छुक गर्भधारण गर्न बाध्य भएको प्रस्तुत गरेको छ ।
परिवार नियोजन सम्बन्धी हरिभूषणले कार्यपत्र प्रस्तुत गरेका थिए भने त्यसमाथि डा.श्रीराम साह र नर्सिंग क्याम्पसका प्रमुख जेकेलाल कर्णले टिप्पणी गरेका थिए । पाँचौ परिवार नियोजन दिवसको अवसरमा आठवटै जिल्लाका परिवार नियोजनमा आबद्ध चिकित्सकहरुको सहभागिता रहेको थियो ।