तीन दिनभित्र सडक निर्माण शुरु नभए आन्दोलनको चेतावनी

जनकपुरधाम, ४ असोज । जनकपुर उपमहानगरपालिका वडा नं. ९ र १४ लाई जोड्ने मुजेलिया प्रहरी चौकीदेखि थापा चौकसम्मको बाटो तीन दिनभित्रमा निर्माण कार्य शुरु नगरेमा आन्दोलन गर्ने स्थानीयहरुले चेतावनी दिएका छन ।
स्थानीयवासीहरुले राम सुखित यादवको संयोजकत्वमा २१ सदस्यीय सडक निर्माण संघर्ष समिति गठन गरी निर्माण कार्य सञ्चालनका लागि जनकपुरधाम उपमहानगरपालिकाको कार्यालय, भौतिक आवास तथा शहरी विकास कार्यालय र जिल्ला प्रशासन कार्यालयमा समेत ज्ञापनपत्र बुझाएको छ ।
समितिका संयोजक रामसुखित यादवको नेतृत्वमा ज्ञापनपत्र लिएर गएको टोलीले बाटोको अवस्था एकदम्मै जिर्ण रहेको र सो बोटोको निर्माणका लागि ०७४ साल भादौ १२ गतेमा ठेक्का लागि सकेको छ । ठेक्का सम्झौता अनुसार अब केही दिन मात्र बाँकी रहेको तर कार्य गर्न नसकेकोले तीन दिनभित्रमा निर्माण कार्य शुरु नगरेमा बाध्य भएर आन्दोलन गर्ने चेताएको छ ।
ज्ञापनपत्रमा असोज ७ गते जउमनपा वडा कार्यालय १४ मा धर्ना,  असोज ८ गते उपमहानगरपालिकाको कार्यालयमा धर्ना, असोज ९ गते भौतिनक आवास तथा शहरी विकास कार्यालयमा धर्ना र असोज १० गते विभिन्न प्रकारको आन्दोलनको कार्यक्रमम सार्वजनिक गर्ने उल्लेख रहेको छ । आन्दोलनबाट हुने क्षतिको जिम्मेवार सम्बन्धित निकाय हुने पनि उल्लेख रहेको छ ।