जनकपुरधामको विभिन्न ठाउँबाट ५० बढी पक्राउ

जनकपुरधाम, २ असोज । असोज ३ गते संविधान दिवसलाई विरोध गर्ने तयारीमा रहेका मधेश स्वतन्त्र गठबन्धन (सिके राउत)का कार्यकर्ता सत्यनारायण मण्डल सहित पचास भन्दा बढी समर्थकहरुलाई जिल्ला प्रहरी कार्यालय धनुषाले पक्राउ गरेको छ ।
मण्डल सिके राउतका मुख्य सहयोगी रहेको जनाइएको छ । मण्डललाई मंगलवार दिउँसो सवा २ बजे पक्राउ गरिएको थियो भन्ने अन्य समर्थकहरुलाई बुधवार विहानैदेखि जनकपुरधामको विभिन्न चौकाबाट पक्राउ गरिरहेका छ ।

जनकपुर उपमहानगरपालिका ८ स्थित प्रहरी चौकी बलबाटोलबाट खटिएको सुरक्षाकर्मीले राउतका सहयोगी मण्डललाई उनको घरबाटै पक्राउ गरिएको थियो । राउतका स्वकीय सचिवको भूमिकामा मण्डल काम गर्दै आइरहेका थिए । पक्राउ परेका मण्डलसँग राउतबारे प्रहरीले सोधपुछ गरिरहेको बताइएको छ ।
राउतलाई खोजी गर्नका लागि प्रहरीले विभिन्न होटेल तथा लजमा सर्च अभियान जारी राखेको छ । बुधवार संविधानको विरोधमा ‘कालो दिवस’ मनाउन तथा शहीदलाई सम्मान स्वरूप श्रद्धाञ्जलि दिनका लागि विरोधसभा राउत सहभागी हुने बताइएको छ । राउतका कार्यकर्ताले गाउँगाउँबाट मानिस ल्याएर जनकपुर भर्ने तयारी गरेको छ । राउत विगत केही सातादेखि सम्पर्क्िवहीन भएका छन् । ‘चलु जनकपुर भरु जनकपुर’ नारा दिएर जनकपुरमा बुधवार राउतले शक्ति प्रदर्शन गर्ने तयारी गरेको बुझिएको छ ।
यता धनुषा जिल्ला प्रहरी नायब उपरीक्षक दीपेन्द्र शाहीसँग कुरा गर्दा यस सन्दर्भमा आफूलाई केही थाहा नभएको बताएका छन् ।
त्यसै राष्ट्रिय जनता पार्टी, धनुषा, मधेशी राष्ट्रिय परिषद र राजपा महिला संघले संविधानको विरोधमा प्रदर्शन गर्ने भएको छ । उनीहरुले विज्ञप्ति प्रकाशित गरी विरोध कार्यक्रम सार्वजनिक गरेका हुन् । बुधवार बेलुका २ बजे जनकपुरधामको जनक चौकबाट जम्मा भई विरोध प्रदर्शन गर्ने जनाइएको छ ।
त्यसैगरी महिला संघले बेलुका ३ बजे जनक चौकमा जम्मा भई नगरमा प्रदर्शन गर्ने विज्ञप्तिमा उल्लेख गरेको छ । बेलुका प्रदर्शन गर्ने र साँझ ७ बजेदेखि ७ः३० बजेसम्म ब्लैक आउट गर्नका लागि सबैमा आग्रह गरेका छन् । त्यस्तै मधेशी राष्ट्रिय परिषद केन्द्रिय संयोजक समितिका संयोजक श्रीचन्द्र मुखियाले नेपालको संविधान २०७०ले मधेशी जनताको अधिकार पुरा नहुने हुँदा असोज ३ गते विरोध प्रदर्शन कार्यक्रम राखिएको विज्ञप्तिमा उल्लेख गरेको छ । उनले मधेशी जनताको न्यायपूर्ण आन्दोलन र संघर्षबाट स्थापित समानता, स्वतन्त्रता र समावेशी समानुपातिक हक र अधिकारलाई नजर अन्दाज गरी स्वेच्छाचारी ढंगबाट संविधान घोषणा गरिएको आरोप पनि लगाइएको छ ।