गरीब तथा विपन्न वर्गलाई निःशुल्क स्वस्थ्य विमा ः मन्त्री कुशवाहा

जनकपुरधाम, २७ भदौ । प्रदेश नं. २ का आन्तरिक मामिला तथा कानून राज्यमन्त्री सरोज सिंह कुशवाहाले गरीब तथा विपन्न परिवारहरुका लागि निःशुल्क बिमा गर्ने तर्फ राज्यप्रतिबद्ध रहेको बताएका छन् ।
राष्टिूय स्वास्थ्य बिमा बोर्ड, काठमाडौंद्वारा बुधवार आयोजित ‘स्वागत तथा सम्मान’ कार्यक्रममा मन्त्री कुशवाहाले वर्तमान अवस्थामा सबैलाई स्वस्थ्य बिमा गराउनु पर्ने अनिवार्य रहेको भन्दै राज्यले यसका लागि योजना बनाई रहेको र छिट्टै नै लागु गर्ने बताएका छन् ।
मन्त्री कुशवाहाले गरीब तथा अति विपन्न परिवारलाई निःशुल्क रुपमा स्वास्थ्य बिमा गर्ने प्रतिबद्धता जनाएका छन् । उनले असोजको पहिलो हप्तादेखि नै प्रदेश २ मा स्वास्थ्य बिमा लागु गर्ने सरकारको योजना रहेको बताएका छन् ।
बोर्डका अध्यक्ष उमा शंकर प्रसाद साहको अध्यक्षतामा भएको ‘स्वागत तथा सम्मान कार्यक्रम’मा मन्त्री कुशवाहालाई दोसल्ला ओढाएर सम्मानपत्रबाट सम्मानित गरेका छन् । सम्मान कार्यक्रममा फोरमका केन्द्रिय सदस्य नवलकिशोर यादव, लक्ष्मी महतो लगायतको उपस्थिति रहेको थियो ।