पिकनिकको ‘हव’ मणिपाल

जानकी मन्दिर भन्दा करीब ३ किलोमिटर उत्तर र दक्षिणमा रहेको मणिपाल (कभर्ड हल) अग्रेजीको नयाँ वर्षको पिकनिकको ‘हव’ बनेको छ । नेपालीहरुले बैशाख १ गते मनाउने गरेको नयाँ वर्षमा जति रमाइलो गर्नेहरुको भीड हुँदैन त्योभन्दा तीनचार गुणा बढी अग्रेजीको नयाँ वर्ष मनाउनेहरुको भीडभाड देखिन्छ  ।
ठूलो क्षेत्रमा रहेको मणिपालमा दिसम्वरको पहिलो हप्तादेखि नै त्यहाँ पिकनिक मनाउनेहरुको घुइचो लाग्ने गरेको छ । तर जनवरी नजिकदै जाँदा झण्डै पिकनिक र रमाइलो गर्ने युवायुवतीहरुको संख्या बढ्दै गएको हो । त्यहाँ नै खाना बनाउने,, गीतमा रमाउने र झुम्नेहरु विहानदेखि बेलुकासम्म हेर्न सकिन्छ ।
भारतको सीमावर्ती क्षेत्र तथा नेपालको परोसी जिल्लाहरुबाट पिकनिक बनाउनेहरुको संख्या मणिपालमा बढी देखिन्छ । नयाँ वर्षको सुरुवात सँगै रमाइलो गर्नेहरुको संख्या बढेको हुन्छ ।
जनकपुरधाममको दोस्रो पिकनिकको ‘हव’ धनुषाधाम रहेको छ । जनकपुरधामबाट करीब ९ किलोमिटर पूरव र उत्तरमा रहेको धनुषाधाममा पनि पिकनिक गर्नेहरुको संख्या बढी रहेको छ । पिकनिक गर्नेहरु धनुषाधाम मन्दिरमा पूजापाठ गरी भोजभतेर गरेर रमाइलो गर्ने गरेको देखिन्छ । मन्दिरभन्दा नजिकै रहेको जंगलमा पिकनिक हव समेत निर्माण गरेकोले त्यहाँ पनि अग्रेजीको नयाँ वर्षमा वनभोजन गर्नेहरुको संख्या उल्लेखनीय रहेको छ ।

जनकपुरधाममा ओर्लिदै पर्यटक

जनकपुरधाम, १४ पुस । धार्मिक ऐतिहासिक नगरी जनकपुरधाममा पर्यटकहरुको भित्र्ने संख्या विगतभन्दा कैयौ गुणा बढेको छ । धार्मिक नगरीका साथै प्रदेश नं. २ को राजधानी समेत जनकपुरधाम भएकोले नेपाल तथा भारत लगायत अन्य देशका पर्यटकहरुको संख्यामा उल्लेख्य रुपमा वृद्धि भएको स्थानीयहरुको कथन छ ।
नेपालमा तीन तहको सरकार गठन भएको दुई वर्ष नवित्दै भारतका प्रधानमन्त्री नरेन्द्र मोदी, उत्तर प्रदेशका मुख्यमन्त्री योगी आदित्यनाथ लगायतको धार्मिक भ्रमणले जनकपुरधामको धार्मिक नगरीको रुपमा पहिचान स्थापित तर्फ अग्रसर भएको हो । भारत सीमावर्ती क्षेत्रबाट करीब २० किलोमिटर दूरीमा रहेको जनकपुरधाममा विशेष गरी दिसम्वरदेखि मार्चसम्म भारतीय पर्यटकहरुको ओइरो लाग्ने गरेको छ । तर यसवर्ष नेपाल, भारत लगायत अन्य मुलुकबाट पनि प्रतिदिन सैयौको संख्यामा पर्यटकहरु आउन लागेका हुन ।
श्रद्धालु् पर्यटकहरु विशेष गरी धनुष सागर र गंगासागरमा स्नान गरी जानकी मन्दिर, संकटमोचन मन्दिर, स्वर्गद्वार लगायतको मठमन्दिर तथा सरसरोवरमा पूजापाठ गरेर धनुषाधाम जाने गरेको छ ।
त्यसैगरी नेपालको ओगलढुंगा, दांग, पोखरा, काठमाडौं, झापा, सिन्धुली, विर्ता लगायतका पर्यटकहरु जनकपुरधाम जानकी माताको दर्शन गर्न आउने गरेको छ । उनीहरु जानकी दर्शन र  धनुषाधाम दर्शन पश्चात् गणतव्यतिर फर्किने गरेको हो ।
एशियाली विकास बैंकको ऋण सहयोगमा जनकपुरधामको सडक, नाला निर्माण पश्चात् जनकपुरको स्वरुप नै परिवर्तन भएपछि आउने गरेको पर्यटकहरु अचम्भित हुने गरेको छ ।

आ“खा शिविरमा तिलगंगाका चिकित्सकहरु

जनकपुरधाम, १० पुस । धनुषाको शहीद नगर नगरपालिकामा आयोजित निःशुल्क स्वस्थ्य शिविरमा सैयौजना बिरामीले उपचार गराएका छन् ।
नेपाली सेना, रेडक्रस सोसाइटी तथा शहीद नगरपालिकाको संयुक्त आयोजनामा आयोजित ‘निःशुल्क स्वस्थ्य शिविर’मा धनुषा भरिकै बिरामीहरुले उपचार गराएका छन् । एक दिवसीय निःशुल्क स्वस्थ्य शिविर तथा दुई दिवसीय ‘आँखा शिविर’मा तीन सयबढी जनाले विभिन्न रोगको उपचार गराएका हुन् ।
चिकित्सकहरुमा नेपाली सेनाका चिकित्सक, तिलगंगा आँखा प्रतिष्ठानका काठमाडौका चिकित्सकहरु रहेको थियो ।
निःशुल्क स्वस्थ्य शिविरमा अधिकांश महिलाहरु देखिएका थिए । शिविरमा उपचार गराउन पुगेका बिरामीहरुलाई औषधी समेत निःशुल्क दिने गरेको थियो ।
स्वस्थ्य शिविरको उद्घाटन गर्दै शहीद नगरपालिकाका मेयर उदय बरबरियाले बढ्दो चिसोलाई मध्य नजर गरी यो निःशुल्क स्वस्थ्य शिविरको आयोजना गरेको बताएका छन् । उनले धनुषाकै सबभन्दा ठूलो स्वस्थ्य शिविर लागेको दावी समेत गरेका छन् । दक्ष चिकित्सद्वारा यहाँ बिरामी चेकजाँचका साथै निःशुल्क रुपमा औषधी समेत दिने गरेको उनले बताएका छन् ।
स्वस्थ्य शिविरमा बढी हार्डजोर्नी, मिन्स रोगी, घुडा दुखेको, डाइबिजी भएका, पेटका बिरामी तथा रुघाखोखीका बिरामीहरु आउने गरेको नेपाली सेनाका चिकित्सक विद्या कार्कीले बताएकी छिन् । उनले अधिकांश रोगीहरु महिला नै रहेको जिकिर पनि गरेकी छिन् ।
महिलाहरुलाई महिला चिकित्सकले उपचार गरेका थिए भने पुरुषलाई चित्ररंजन झाले उपचार गरेका थिए । नेपाली सेनाले आफ्नै क्याम्प खडा गरेको त्यहाँ चेकजाँच गराउने कार्य गरेको थियो । सेनाहरुको सक्रियतामा बिरामीहरुले लामबद्ध भएर निःशुल्क उपचार गराएका थिए ।
त्यसैगरी आँखा शिविरमा मोतीविन्दुको अप्रेशन सहुलियत दरमा भई रहेको छ । मोतीविन्दु भएका रोगीहरुको रगत परीक्षण, एचआईभी, हेपाटाइटिस, पिसाब जाँच लगायतको उपचार निःशुल्क रुपमा गरिएको छ । मोतीविन्दुको अप्रेशनमा ६ हजार लाग्ने ठाउँमा निःशुल्क स्वस्थ्य शिविरमा नाम दर्ता वापत १०५० राखिएको महिला शहीद सामुदायिक अध्ययन केन्द्रका संयोजक लालबाबु हाथीले बताएका छन् । उनले काठमाडौंबाट आएको चिकित्सकहरुको आतेजाते भत्ताका लागि मात्र सो शुल्क राखेको बताएका छन् ।
यता मेयर बरबरियाले शहीद नगरपालिकावासीहरुको लागि सो शुल्क पनि निःशुल्क गरिएका र अन्य नगरपालिकाबाट आएको रोगीहरुलाई १०५० तिर्नुपर्ने बताएका छन् । तीन दिवसीय निःशुल्क आँखा शिविरमा प्रत्येक दिन ५० जनालाई  मोतिविन्दुको उपचार भई रहेको उनले बताएका छन् ।

प्रदेश २ सबभन्दा बढी जोखिममा

जनकपुरधाम, ९ पुस । प्रदेश नं. २ मा जलवायु परिवर्तनको सबभन्दा बढी जोखिममा रहेको जनाइएको छ ।
जनकपुरधाममा आयोजित जलवायु परिवर्तन विषयक प्रादेशिक ‘अन्तरक्रिया’ कार्यक्रममा जलवायु परिवर्तन विज्ञ मञ्जित ढकालले सातवटै प्रदेश मध्ये प्रदेश २ सबभन्दा जोखिममा रहेको दावी गरेका छन् । उनले यस प्रदेशमा ८ वटा जिल्ला मध्ये सप्तरी जिल्ला अति जोखिममा रहेको बताएका छन् । पर्सा, महोत्तरी, धनुषा र सिरहा गरी चारवटा जिल्ला उच्च जोखिमा र बारा, रौतहट, सर्लाही मध्य जोखिममा रहेको दावी जलवायु परिवर्तन विज्ञ ढकालले गरेका छन् ।
त्यसैगरी स्वच्छ उर्जा नेपाल प्रदेश नं. २ का राजन थापाले जलवायु परिवर्तन हुँदा विभिन्न प्रकारका रोगव्याधी लाग्ने, कृषि उपजमा कमी आउने, अत्यधिक गर्मीको कारण जीवजन्तु मर्ने वा गायब हुने, तापक्रम बढ्न थालेपछि मृत्युसम्म हुने लगायत रहेको बताएका छन् ।
उनले जलवायु परिवर्तनको कारण बढी संख्यामा वन विनास हुनु, ज्वालामुखी बिष्फोट हुनु र अत्यधिक रुपमा सवारी साधनको प्रयोग लगायतले जलवायु परिवर्तन हुने गरेको बताएका छन् ।  नेपालमा तीन तहको सरकार भएकोले तीनतहकै सरकारबाट जलवायु परिवर्तन न्यूनिकरणका लागि नीति बनाउनु पर्ने आवश्यकता रहेको औल्याएका छन् ।
उनले जलवायु परिवर्तनको न्यूनिकरणका लागि राष्टिूय स्तरमा मात्र नभई विश्वस्तरमा प्रयास भई रहेको बताएका छन् । नेपाल जलवायु परिवर्तन सम्बन्धी संयुक्त राष्टू संघीय महासन्धीको पक्ष राष्टू हो र यसले सन २०१५ मा भएको पेरिस सम्झौतालाई अनुमोदन गर्दै विश्व तापमान वृद्धिलाई १.५ डिग्री सेल्सियसमा सीमित गर्ने प्रतिबद्धतासँगै विश्व समुदायलाई पनि दवाव दिने कार्य भई रहेको बताएका छन् ।
त्यसैगरी प्रदेश नं. २ का साँसद रामअशिष यादवले यसरी तापक्रम बढ्दै गएमा एक दिन पृथ्वी नै समाप्त भएर जाने दावी गरेको छन । उनले यसको रोकथामको लागि प्राकृतिको संरक्षण आवश्यक रहेको बताएका छन् ।
अन्तरक्रिया कार्यक्रममा राष्टिूय शिक्षा आयोगका सदस्य डा. रामस्वार्थ राय, समाजसेवी रवि गोयन्का लगायतले विचार राखेका थिए ।

कृष्णा मेडिकलमा पैसाको चलखेल बढी पैसा दिनेलाई नामाङ्कन

जनकपुरधाम, १ पुस । जनकपुरधाम उपमहानगरपालिका भित्रमा रहेको कृष्णा मेडिकल एण्ड टेक्निकल कलेजमा बढी रकम दिनेलाई मात्र नामांकन गर्ने गरेको आरोप लगाइएको छ ।
बीएससी नर्सिङ्ग पास भएको रिजल्ट निकालेपनि नामांकनभन्दा बढी पैसा दिनेलाई मात्र नामाकंन गर्ने गरेको एकजना विद्यार्थीले आरोप लगाएकी छन् । बीएससी नर्सिङ्गको योग्यता परीक्षामा ५ औ स्थान लाएकी रीमा यादवले नामांकनभन्दा बढी रकम नदिंदा त्यो ठाउँमा अरु विद्यार्थीलाई नामांकन गरेको आरोप लगाएकी छिन् ।
उनले भने, ‘२७ जना परीक्षा पास भएको रिजल्ट साटिएको छ । ती मध्ये पाँचौ स्थानमा हाम्रो नाम हो । तर २० वटा सिट भएता पनि तलबाट छाट्नुपर्नेमा आपूmले नामांकनभन्दा बढी रकम दिन नसक्दा मलाई नामांकन नगरेको हो ।’ उनले स्कलरशीपमा पनि परीक्षामा ९ नम्वर र ११ नम्वरको विद्यार्थीलाई मात्र नाम प्रकाशन गरेको बताएकी छिन् ।
एडिमिशनका लागि भन्दाभन्दै पनि कलेजका सञ्चालक रामपृत यादवले आजभोली गर्दा गर्दै अर्को वर्षमा नामाकंन गरिदिने भनेपछि बाध्य भएर पत्रकारहरुलाई गुहारेको उनले दुःखेको सुनाएकी छिन् । उनले सिरहाको सरकारी विद्यालय जनता नमूना माध्यमिक विद्यालय मौवाही सखुवाजन्कार प्रधानाध्यापकको पदमा रहेर मेडिकल कलेज सञ्चालन गरी विद्यार्थीको भविष्यसँग खेलवाड गर्दै आएको आरोप पनि लगाएकी छन् ।
विद्यार्थी यादवले आफूले जिल्ला प्रशासन कार्यालयमा समेत यस सन्दर्भमा मुद्दा दर्ता गराई सकेको भन्दै ठगी तथा प्रलोभनमा पार्ने सञ्चालकमाथि कारवाहीको माँग समेत गरेकी छन् । यता कृष्ण मेडिकलका सञ्चालक रामपृत यादवसँग फोन सम्पर्क गर्दा सम्पर्कमा आएको थिएन ।

स्वयम्वरमा सहभागी भए योगी आदित्यनाथ,सा“झा नियतिबाट जोडिएको छ नेपाल–भारत सम्बन्ध

जनकपुरधाम, २६ मंसिर । भारतको उत्तर प्रदेशका मुख्यमन्त्री योगी आदित्यनाथले नेपाल भारतको सम्बन्ध साँझा नियतिबाट नै जुडेको बताएका छन् । उनले हाम्रो देशको खुल्ला सीमाना हाम्रो बलियो सम्बन्धको पहिचान रहेको दोहोर्याएका छन् ।
सीताराम विवाह महोत्सवका अवसरमा बुधवार जनकपुरधामको जानकी मन्दिरमा पूजा अर्चनापछि आगन्तुक पुस्तिकामा सो कुरा लेख्दै उनले सीतारामले पालना गरेको आदर्श र मूल्य सार्वभौम भएकाले पे्ररणा प्रदान गरिरहेको बताएका छन् । उनले भगवान् राम र सीताको जीवन भाारत तथा नेपालको धर्म, संस्कृति र सभ्यताको अभिन्न अङ्ग भएको उल्लेख पनि गरेका छन् ।
उनले विवाह पञ्चमीको अवसरमा जनकपुरधाममा पूजा अर्चना र विदेहराज महाराज जनकको भूमिको यात्रा गर्न पाएकामा खुसी व्यक्त गरेका छन् । मुख्यमन्त्री योगीले आफू र प्रतिनिधिमण्डलको स्वागतका लागि नेपाल सरकार र जनकपुरका जनतालाई धन्यवाद दिँदै भारत सरकार र जनताकातर्फबाट सुख तथा समृद्धिको कामना बताएका छन् ।
मुख्यमन्त्री योगीले भारत र नेपालको जनता जनजनसम्म रामकथा एकसूत्रमा बाँधने गरेको जिकिर गरेका छन् । उनले जनकपुरधामको ब्याख्या गर्दै भने, ‘प्राचीन समयमा जनकपुरधाम ज्ञानको केन्द्र रहेको थियो । यहाँ ज्ञानी र दार्शनिक विमर्श र प्रबोधनको लागि आउने गर्दथे ।’ उनले दुबै देशलाई रिस्ता, भाषा र साँस्कृति सम्बन्ध सधै नजिक गर्दै आएको पनि बताएका छन् ।
मुख्यमन्त्री योगीले भारतको आर्थिक प्रगतिका वास्तविक लाभ नेपाललाई प्राप्त होस् त्यसका लागि कनेक्टिविटीलाई बढाउन आवश्यक रहेको बताएका छन् ।
स्वयम्वर कार्यक्रममा जनकपुरधाम उपमहा नगरपालिकाका मेयर लालकिशोर साहले मुख्यमन्त्री योगीलाई अभिनन्दन पत्रबाट सम्मानित गरेका छन् । उनले अभिनन्दन पत्रबाट नै पटक पटक जनकपुरधममा आउने निमन्त्रणा समेत दिएका छन् ।
स्वयंवर कार्यक्रममा जानकी मन्दिरका उत्तराधिकारी महन्थ रामरोशन दासले पनि जानकी मन्दिरको प्रतिमा प्रदान गरी सम्मानित गरेका छन् ।
स्वयम्वर कार्यक्रममा मुख्यमन्त्री आदित्यनाथ योगीले पुरुषोत्तम भगवान रामको बुवाको स्वरुपमा प्रस्तुत भएका थिए । हास्यव्यंगले दर्शकलाई समेत झुमाएका थिए ।

६८ जना पोकेटमार पक्राउ

जनकपुरधाम, २६ मंसिर । रामजानकी विवाहोत्सव मेलाबाट ६८ जना पोकेटमारलाई जिल्ला प्रहरी कार्यालय धनुषाले पक्राउ गरेको छ ।
पक्राउ परेका अधिकांश पाकेटमारबाट जिन्सी तथा नगद समेत फेला परेको डिएसपी महेन्द्र शाही जानकारी गराएका छन् । पक्राउ पर्नेमा महिला, पुरुष तथा युवाहरु समेत रहेको छ ।
मेला हेर्न आएका श्रद्धालुहरुको पोकेटर मार्ने क्रममा तथा शंक लागेको खण्डमा उनीहरुलाई पक्राउ गरिएको डिएसपी शाहीले बताएका छन् । उनले जनकपुरधामको विभिन्न धार्मिक स्थलबाट उनीहरुलाइृ पक्राउ गरेको बताएका छन् । पक्राउ परेका पाकेटमार मध्ये नेपाल तथा भारत दुबै देशका रहेको जनाइएको छ ।

शौचालय र पार्कि·को अभाव, विवाहपञ्चमी हेर्न आएका पर्यटक अलपत्र

जनकपुरधाम, २६ मंसिर ।  धार्मिक एवं ऐतिहासिक पावन नगरी जनकपुरधाममा विवाहपञ्चमी हेर्न आएका श्रद्धालु पर्यटकहरुले शौचालय र सवारी पार्किङ्गको व्यवस्थापन नहुन नसक्दा निक्कै चिन्तित देखिएको छ ।
नगरभित्रमा पार्किङ्ग बोर्ड तथा नगरभित्रमा शौचालय नहुँदा उनीहरु निक्कै चिन्तित एवं पीडित देखा परेका छन् । भारत तथा नेपालको विभिन्न जिल्लाबाट आएका हजारौको संंख्यामा श्रद्धालु पर्यटकहरुले बुधवार विहानैदेखि शौच गर्नका लागि शौचालय खोज्दा नभेटाभएपछि उनीहरु निक्कै चिन्तित देखा परेका थिए ।
प्रदेश २ का मुख्यमन्त्री लालबाबु राउतले प्रदेशमा स्वच्छता अभियान चलाएपनि मेला भरिका लागि पर्यटकहरुले दिशा पिसाब कहाँ गर्ने केही व्यवस्थापन गर्न सकेको छैन । यता जनकपुरधाम उपमहानगरपालिकाले पनि शौचालयको व्यवस्थापन गर्न नसक्दा पर्यटकहरुलाई निक्कै पीडमर्का भोग्नु परेको छ ।
मेला हेर्न आएका पुरुष श्रद्धालुहरुले टाढा टाढा गएर शौच गरेपनि महिला श्रद्धालुहरुलाई सबभन्दा बढी समस्या देखा परेको थियो । भगवान रामसीताको स्वयंवर हेर्न आएको श्रद्धालुहरु शौचका लागि शौचालय खोज्नमा बढी समस्य खचिएका थिए ।
त्यस्तै नगरभित्रमा सवारी साधन निषेध गरेको थियो । तर सवारी पार्किङ्ग कहाँ गर्ने खासै व्यवस्था हुन नसक्दा सवारी चालकहरु पनि निक्कै समस्यामा परेको थियो । राजमार्गमा केही ठाउँमा पार्किङ्गको व्यवस्था हुँदा पनि गाडीको देखाभाल गर्ने समस्या रहेको चालकहरुको भनाई थियो । उनीहरुले सवारी पार्किङ्ग वापत न्यूनतम शुल्क लिएपनि सवारी सुरक्षित हुनुपर्ने नदेखिएको बताएका छन् ।

सेनाप्रति महोत्तरीवासी आक्रोशित

जनकपुरधाम, २१ मंसिर । महोत्तरीको बर्दिवास नगरपालिका वडा नं. ९ मा सेनाले निजी व्यक्तिको जग्गा कब्जा गर्न खोज्दा स्थानीयहरु आक्रोशित बनेका छन् ।
पशुपतिनगर, पथलैया बजार स्थित करीब ११ जना स्थानीयको निजी जग्गामा श्री नं. २ युद्ध कवच गुल्मले पिलर गाडेर कब्जा गर्न खोज्दा स्थानीयहरु निक्कै आक्रोशित देखिएका छन् । उनीहरुले हामीसँग लालपूजा हुँदाहुँदै पनि सेनाले जबरजस्ती ती जग्गामा पिलर गाडेर कब्जा गर्न लागेको आरोप लगाएका छन् ।
‘निजी तथा केही एलानी जग्गा हामीहरु वर्षौदेखि भोगचलन गर्दै आएको हो । ती जग्गामा धान, गहुँ सहितको बाली उब्जाउने गर्दै आएको थियौ । तर यस पटक सेनाले ऐलानी जग्गा सहित लालपूजा रहेको जग्गा पनि कब्जा गर्न लागेको हो’ स्थानीय घुरन महतोले भने । उनले करीब ११ जनाको नम्वरी जग्गामा सेनाले पिलर समेत गाडि सकेको थियो । तर आफूहरु त्यसको विरोध गर्दा केही पिलरलाई हटाएपनि अझै निजी जग्गा कब्जा गरि राखेको बताएका छन् । उनले भने, ‘प्रदेश सरकार, बर्दिवास नगरपालिका लगायतको सम्बन्धित निकायमा ज्ञापनपत्र पनि बुझाएका हो । तर कसैले हाम्रो कुरा नसुनिदिएपछि बाध्य भएर पत्रकारहरुलाई गुहारेका छौ ।’

उनले भोग चलन गर्दै आएको जग्गामा तानाशाही शैलीमा कब्जा गर्नु लोकतन्त्रलाई मजाक उडाउनु जस्तो छ । राज्यले पनि हामीहरुको कुरा सुनेन भने बाध्य भएर प्रदेश सरकारदेखि संघीय सरकारसम्म धर्ना लगाएको आन्दोलन गर्ने चेतावनी समेत दिएका छन् ।
स्थानीयहरुले आ आफ्नो लालपूर्जा देखाउँदै भने ‘५० वर्षदेखि यस जग्गामा भोग चलन गर्दै आएका हौ । अहिले अचानक ती जग्गामा भोग चलन गर्नमा प्रतिबन्ध लगाइएको छ । हाम्रो कुरा कसले सुनिदिने त ?’ प्रश्न समेत गरेका छन् ।

लालपूर्जा अनुसार स्थानीयहरु २०२४ सालदेखि नै नम्वरी जग्गामा भोगचलन गर्दै आएका छन् ।
स्थानीय सितली देवी महतोको २ विघा, रामप्रताप साहको १ विघा ५ कट्टा, रामसोगारथ महतोको १६ कट्टा, योगेन्द्र महतोको ६ कट्टा, रेखा देवी साहको २ कुटटा, नवल महतोको ४ कट्टा लगायतका व्यक्तिहरुको नम्वरी लाल पूर्जामा सेनाले पिलर गाडेको उनीहरुले गुनासो पोखेका छन् ।
उक्त जग्गामा प्रदेश स्तरीय युद्ध कवच गुल्म सेना क्याम्प निर्माण हुन लागेको बताइएको छ । सोको लागि ती ठाउँमा २ सय ८२ विघा जग्गा रहेको छ । तर ती जग्गा बाहेक पनि निजी नम्वरी जग्गामा सेनाले घेराबन्दी गर्न लाग्दा उनीहरुले आक्रोशित भएका छन् ।

नगर दर्शन र धनुष यज्ञ मुख्य आकर्षण

जनकपुरधाम, १९ मंसिर । रामजानकी विवाहोत्सवको सम्झनामा प्रत्येक वर्ष मनाउँदै आएको विवाहपञ्चमी मेला यस वर्ष भव्यताका साथ मनाउने तयारी भई रहेको छ । विवाहञ्चमीको तयारीमा जानकी मन्दिर, प्रदेश सरकार र स्थानीय सरकार समेत जुटेका छन् ।
यसवर्षको विवाहपञ्चमीको सबभन्दा आकर्षणको केन्द्र नगर दर्शन र धनुष यज्ञ रहेको जानकी मन्दिरका उत्तराधिकारी महन्थ रामरोशन दासले बताएका छन् । महन्त दासले नगर दर्शनमा कृतिम नगर बनाएर भगवान राम सबैको द्वारद्वार जाने कार्यक्रम रहेको छ । यो जनकपुरधाममा पहिलो पटक हुन लागेको बताएका छन् ।
नगर दर्शनमा नेपाल भारतका साधुसन्त तथा श्रद्धालुहरुको समेत सहभागिता रहने उनले जिकिर गरेका छन् ।
त्यस्तै अर्को ठूलो आकर्षणको केन्द्र यस पटक धनुष यज्ञ रहेको महन्थ दासले दैनिक जनकपुरलाई बताएका छन् । उनले धनुष यज्ञका लागि रंगभूमी मैदानमा एक हप्ताअघिदेखि तयारी भई रहेको छ । रंगभूमी मैदानमा विवाहपञ्चमीमा धनुष यज्ञ पनि पहिलो रहेको बताएका छन् । यस पटक विवाहपञ्चमीमा भारतको विभिन्न प्रदेशबाट साधुसन्त लगायतको श्रद्धालुहरु आउने दावी पनि महन्थ दासले गरेका छन् ।

विवाहपञ्चमी मनाउने यस्तो तयारी

जनकपुरधाम, १८ मंसिर । जनकपुरधामका सबभन्दा ठूलो महोत्सव विवाहपञ्चमी मेलाको भव्य तयारीका लागि विभिन्न कार्यक्रम तालिकाहरु बनाइएको छ ।
जनकपुरधाम उपमहा नगरपालिकाको सभाहलमा नागरिक समाज, संघ संस्थाका प्रतिनिधिहरु, राजनीतिक दलका प्रतिनिधिहरु, सुरक्षा निकाय, जनकपुरधाम उपमहा नगरपालिकाका वडा अध्यक्षहरुको उपस्थितिमा भएको ‘अन्तरक्रिया कार्यक्रम’ बाट सो तालिका तयार गरिएको छ ।
तालिका अनुसार मंसिर २५देखि २६ गतेसम्म नगरभित्रमा पूर्ण रुपमा मांस मदिरा बन्द गर्ने, २५ र २६ गते आ आफ्नो स्तरबाट जनकपुरवासीहरुले दीपावली मनाउने, जानकी मन्दिर जानेबाटोमा पर्ने वडाहरुमा वडा अध्यक्षको सहयोगमा स्वागतद्वार तथा श्रद्धालु यात्रुहरुका लागि पण्डाल निर्माण गर्ने रहेको छ ।
त्यस्तै पर्याटकहरुलाई बिजुली बत्ती, खानेपानी तथा शौचालयको सहज उपलब्ध गराउनुपर्ने, यातायातलाई उचित रुपैया लिएर गणतव्यस्थलसम्म पुर्याउनमा सहयोग गर्ने, होटल व्यवसायहरुले पनि आ आफ्नो स्तरबाट थोरै नाफा लिएर भोजनको व्यवस्था गर्ने लगायतको सुझाव प्रमुख जिल्ला अधिकारी प्रदीपराज कँडेलले दिएका छन् ।
त्यस्तै सुरक्षा व्यवस्थालाई चुस्त दुरुस्त गर्ने, पोशाक तथा सादा पोशाकका प्रहरी परिचालन गर्ने, विभिन्न क्लवका पदाधिकारीहरुले समन्वय गरी स्वयं सवेकको रुपमा कार्य गर्ने, चिसो बढेकोले ठाउँ ठाउँमा दायरा तथा मेलामा आएका गरीब र विपन्न परिवारका लागि खानाको व्यवस्थापन गर्ने, निःशुल्क उपचार तथा औषधीको व्यवस्थापन गर्ने छलफलबाट आएको छ ।
त्यसैगरी नगरभित्र रहेको फोहरमैलालाई स्थानीयहरुले आफ्दो दायित्व बुझेर आफै सरसफाई गर्ने, कुनै पनि वस्तु वा अन्य ठाउँमा शंका उपशंका लागेमा तुरुन्त प्रहरी प्रशासनलाई जानकारी गराउने समेत प्रमुख जिल्ला अधिकारी कँडेलल बताएका छन् ।
जनकपुरधाम उपमहा नगरपालिकाका उपमेयर रिता कुमारी मिश्रको अध्यक्षतामा भएको छलफल कार्यक्रममा प्रमुख जिल्ला अधिकारी कँडेलल यति कार्य गर्नका लागि २३ गतेभन्दा अघि नै जनकपुरधाम उपमहानगरपालिका र प्रमुख जिल्ला अधिकारीमा लिखित रुपमा दिनुपर्ने बताएका छन् । उनले त्यसो अनुसार उपहानगरपालिका र जिल्ला प्रहरी कार्यालयले लिस्टिङ्ग गरेर परिचालन गर्ने बताएका छन् ।
कार्यक्रममा जनकपुर अञ्चल बस व्यवसाय संघका अध्यक्ष मनोज चौधरीले यातायातमा आफु सहज र न्यूनितम भाडा लिने जानकारी गराएका छन् । त्यस्तै प्याब्सनका अध्यक्ष विश्वलाल सिंहले बाटोमा पर्ने विद्यालयहरुमा निःशुल्क भोजनको व्यवस्था, पण्डाल लगाउने बताएका छन् । कार्यक्रममा संघ संस्थाका पदाधिकारीहरु, नागरिक समाजहरुले आ आफ्नो स्तरबाट हुने कार्यलाई प्राथमिकता साथ निर्वाह गर्ने प्रतिबद्धता जनाएका छन् ।
महोत्सवमा यस पटक भारतको अयोध्याबाट आउने भगवान् रामको प्रतीक स्वरूप आउने जन्तीमा उत्तर प्रदेशका मुख्यमन्त्री योगी आदित्यनाथको सहभागिता रहने छ । प्रदेश सरकार, जनकपुरधाम उपमहानगरपालिका र जानकी मन्दिरका महन्तको पहलमा जानकी मन्दिर परिसरदेखि बाह्रबिघा रंगभूमि मैदान सम्म सिङ्गारिने, सरसफाइ र पण्डाल निर्माण तीव्र गतिमा गरिरहेका छन् । सुरक्षाकर्मी, राजनीतिकर्मी, समाजसेवी, नागरिक समाजका अगुवाको सहभागितामा बाह्रबिघाको सरसफाइ र उपमहानगरपालिकाद्वारा समेत तीव्र गतिमा जानकी मन्दिर आसपासका सडक निर्माण, सडक व्यवस्थित गर्ने कार्य भइरहेको छ ।

यातायात कार्यालय सार्ने हल्ला फैलाइएको हो ः मन्त्री महासेठ

जनकपुरधाम, १७ मंसिर । संघीय सरकारका भौतिक पूर्वाधार तथा यातायात मन्त्री रघुवीर महासेठले जनकपुरधाममा रहेको यातायात व्यवस्था कार्यालयलाई महोत्तरीको बर्दिवासमा सार्न लागेको कसैले पूर्वाग्राही रुपमा हल्ला फैलाइएको बताएका छन् ।
मन्त्री महासेठले दैनिक जनकपुरसँग कुरा गर्दै भने, ‘विभिन्न मिडियामा आएको यो समाचार भ्रामक हो । यसमा कुनै सत्यता छैन । कसैले बदनाम गर्ने उद्देश्यले यस्तो हल्ला फैलाइएको हो ।’ मन्त्री महासेठले जनकपुरधाममा प्रदेश र संघीय स्तरीयका कार्यालयहरु झण्डै थप्ने प्रयास भई रहेको छ । यातायात मन्त्रालय स्टेचु बनाई राखेका छन् । तर जनकपुरधामबाट अन्तै सार्ने जुन हल्ला फैलाइएको हो त्यसमा कुनै सत्यतता नरहेको जिकिर गरेका छन् ।
यातायात मन्त्री महासेठकै चलखेलमा कार्यालय सार्न लागिएको भन्दै सर्वसाधारणले सोमबार यातायात व्यवस्था कार्यालय जनकपुरको कामकाज २ घण्टा सम्म ठप्प पारेका थियो ।