असोज ३ प्रदेश २मा कालो दिन

जनकपुर समाचारदाता
जनकपुरधाम, ३ असोज । संघीय सरकारले काठमाडौंमा हर्षौल्लास पूर्वक संविधान दिवस मनाई रहेको बेलामा प्रदेश २ मा सत्तारुढ दल राष्टिूय जनता पार्टी (राजपा)का नेता तथा कार्यकर्ताहरुले संविधान दिवसको विरोधमा हाथमा कालोपट्टी बाँधेर विरोध प्रदर्शन गरेका छन् ।

प्रदेश २ को राजधानी जनकपुरधाममा सामाजिक विकास मन्त्री नवलकिशोर साहको अध्यक्षतामा जनक चौकबाट दिउँसो ठूलो संख्यामा निकालिएको विरोध र्यालीमा राजपा नेता तथा कार्यकर्ताहरुले संविधान दिवसको विरोध गर्दै नाराबाजी गरेका हुन् ।

उनीहरुले यो संविधान विभोदकारी रहेको भन्दै आजको दिनलाई कालो दिनको रुपमा लिएको बताएका छन् । विरोध प्रदर्शन पश्चात् कोणसभालाई सम्बोधन गर्दै सामाजिक विकास मन्त्री साहले  यो सविधानमा विभेदकारी संविधान रहेको भन्दै जबसम्म संविधान संशोधन हुँदैन तबसम्म संविधान दिवस होइन, कालो दिवसको रुपमा प्रत्येक वर्ष मनाउने दावी गरेका छन् । उनले संविधान संशोधन पश्चात् मात्र शहादत दिएका वीर सपुतको सपना पुरा हुने छ । संघीय सरकारले पटकपटक संविधान संशोधनको नाउँमा धोका दिंदै आएको आरोप लगाउँदै विभेदकारी संविधान स्वीकार नगर्ने दोहोर्याएका छन् ।

विरोध सभामा प्रतिनिधि सभा सदस्य वृशेषचन्द्र लाल, जनकपुरकाम उपमहा नगरपालिकाका मेयर लालकिशोर साह,  प्रदेश साँसद परमेश्वर साह, जनकपुरधाम उपमहा नगरपालिकाका उपमेयर रिता कुमारी मिश्र, हंसपुर कठपुल्लाका मेयर रामज्ञान मण्डल, उपमेयर रेणु झा लगायत दर्जनौ राजपा नेता तथा कार्यकर्ताहरुले मधेशी जनताको भावना अनुसार संविधान संशोधन नभएमा असोज ३ कालो दिनको रुपमा मनाउने बताएका छन् ।
कोणसभामा संघीय सरकारप्रति आक्रोशित हुँदै उनीहरुले भने मधेशको जायज माँगलाई संविधानमा संशोध गरेमा आन्दोलन जारी छ र आउने दिनमा यो भन्दा पनि कडा आन्दोलन गर्ने चेतावनी दिएका छन् ।
२०७२ असोज ३ गते संविधान जारी भएको दिनमा पनि मधेशवादी दलले सो दिन कालो दिवस मनाएका थिए ।