विवाहपञ्चमीलाई भव्यता दिन प्रदेश सरकारद्वारा ३० लाख दिने प्रतिबद्धबता

जनकपुरधाम, १४ असोज । धार्मिक एवं साँस्कृतिक पर्व राम जानकी ‘विवाहपञ्चमी महामहोत्सव’लाई भव्यता प्रदान गर्नका लागि प्रदेश सरकारले ३० लाख सहयोग गराउने प्रतिबद्धता जनाएको छ ।
जानकी मन्दिरका उत्तराधिकारी महन्थ रामरोशन दासको अध्यक्षतामा बसेको सर्वपक्षीय छलफलमा प्रदेश नं. २ का सामाजिक विकास मन्त्री नवल किशोर साहले प्रदेश २ को मात्र होइन, विश्वकै ठूलो ‘विवाह महोत्सव’ मा देशविदेशबाट  श्रद्धालुहरु सहभागी हुने गरेका छन ।
मन्त्री साहले महोत्सव सम्पूर्ण मिथिलावासीको प्रतिष्ठा भएको भन्दै महोत्सवलाई भव्यता दिन जनकपुरधाममा सार्कस्तरीय रामलीलाको आयोजना गर्ने अवधारणाबारे छलफल भइरहेको बताएका छन ।
गोस्वामी तुलसीदासले ‘रामायण’मा वर्णन गर्नुभएअनुसार जनकनन्दिनी सीताको विवाह भएको दिनलाई सम्झेर मिथिलावासीले यसलाई विशेष महोत्सवका रूपमा मनाउने गरेका छन् । त्रेतायुगमा मिथिलाका राजा जनकले छोरी सीताको स्वयंवरका लागि राखिएको शिवधनुषलाई अयोध्याका राजा दशरथका ज्येष्ठ सुपुत्र रामले तीन टुक्रा पारेपछि मङ्सिर शुक्लपञ्चमीका दिन राम र सीताको विवाह सम्पन्न भएको थियो ।
‘विवाहोत्सव’लाई व्यवस्थित र संस्कृतिलाई उजागर गर्ने उद्देश्यप्रति प्रदेश सरकार प्रतिबद्ध रहेको मन्त्री साहले बताएका छन् ।
मन्त्री साहले ‘विवाह महोत्सव’लाई भव्य र सभ्य बनाउन स्थानीय सरकार प्रदेश सरकारको काँधमा समेत आएको छ । विवाहोत्सवलाई विशाल रुप दिनका लागि सबैको सहयोग आवश्यक रहेको बताएका छन् । साक राष्टूमै यहाँका विवाहोत्सवलाई भव्यता दिने उद्देश्यले सात दिवसीय कार्यक्रमको अयाोजना हुनुपर्नेमा उनले जोड समेत दिएका छन् ।
उनले रामजानकी विवाहोत्सवको अवसरमा नेपाल भारतका कलाकारहरुलाई ल्याएर रामलिला लगायतको आयोजनामा गराउन सल्लाह समेत दिएका छन् ।
त्यस्तै जनकपुरधाम उपमहानगरपालिकाका मेयर लालकिशोर साहले रामजानकी विवाहोत्सवमा स्थानीय सरकार तनमनधनले सहयोग गर्ने बताएका छन् । उनले २० वर्षपश्चात् स्थानीय सरकार आएको छ । सबैको सरसहल्ला अनुसार स्थानीय सरकारले सहयोग गर्ने नै छ विश्वास दिलाएका छन् ।
सर्वदलीय बैठकमा रामजानकी ‘विवाहोत्सव’ लाई विद्युत, पानी, पार्किङ्ग, प्रचार प्रसार, सुरक्षा, भोजन लगायतको व्यवस्थापन बारेमा सबैले आ आफ्ना विचार व्यक्त गरेका छन् । सहभागीहरुले विगतमा भएको त्रुटिहरुलाई सच्याउनका लागि सबैमा आग्रह गर्दै विवाहपञ्चमी मेलामा नयाँपान ल्याउनका लागि बताएका छन् ।
सर्वदलीय बैठकमा प्रहरी नायब निरीक्षक दीपेन्द्र साही, टूाफिक इन्स्पेक्टर दीपक साह, नेपाली काँग्रेसका नेता किशोरी साह, जनकपुर उद्योग वाणिज्य संघका अध्यक्ष ललित कुमार साह, उपाध्यक्ष सुरेन्द्र कुमार भण्डारी, जिल्ला समन्वय समितिका अध्यक्ष रामदेव यादव, उपाध्यक्ष दीपक झा, मठ मन्दिरका महन्थहरु, नागरिक समाजका अगुवाहरु, पत्रकारहरु, राजनीतिक दलका प्रतिनिधिहरु लगायतले आफ्ना विचार राखेका थिए ।