तीजमा रमिए महिला व्रतालुहरु

जनकपुरधाम, २७ भदौ । जनकपुरधाममा बुधवार हरितालिका तीजको अवसरमा महिला श्रद्धालुहरु दिनभरि नाचगान गरी रमिएकी थिइन ।
प्रत्येक वर्ष झै यसवर्ष पनि सामाजिक क्षेत्रमा कार्य गर्दै आएका गणेश युवा कमिटीले तीज महिला व्रतालुहरुका लागि स्टेज लगायतको व्यवस्थापन गरेका थिए । त्यो स्टेजमा तीज महिला व्रतालुहरुले विभिन्न तीज गीतमा नृत्य गरेर रमिएकी थिइन ।
गणेशका अध्यक्ष सुनिल लाल दासको अध्यक्षतामा भएको तीज कार्यक्रममा सैयौको संख्यामा महिला व्रतालुहरु रमिएकी थिइन ।
त्यसैगरी जनकपुरधामको विभिन्न ठाउँमा तीज कार्यक्रमको आयोजना गरिएको थियो । महिला व्रतुहरुले दिनभरि जनकपुरधामको विभिन्न मठ मन्दिरमा गएर पूजापाठ गरी तीज पर्व मनाएकी छिन् ।
तीजको अवसरमा शिवमन्दिर, जानकी मन्दिर, राममन्दिर, हनुमान मन्दिर लगायतको मठ मन्दिरहरुमा महिला व्रतालुहरुको निक्कै घुइचो लागेको थियो । विहान ८ बजदेखि बेलुका ५ बजेसम्म महिलाहरुले मठ मन्दिरमा गएर पूजापाठ गरेकी थिइन ।
हिमालयकी पुत्री पार्वतीले महादेव पति पाउनका लागि कठोर व्रत गरी आफ्नो कामना पुरा गरेको धार्मिक कथन अनुसार यो पर्व मनाउने गरिन्छ । आज हिन्दु महिलाहरु व्रत बसेर शिवको पूजा आराधना सहित भजनकिर्तन र तिजका गीतमा नाचगान गरेकी थिइन ।