सिके राउत समात्न प्रहरी असफल

स्वतन्त्र मधेस गठबन्धनका संयोजक डा. सिके राउतलाई समात्नमा प्रहरी असफल सावित भएको छ ।
डा. राउतले असोज ३ गते यो संविधान विभेदकारी रहेको भन्दै जनकपुरधाममा विरोध प्रदर्शनको घोषणा गरेका थिए । तर प्रहरीले असोज २ गतेदेखि नै डा. राउतको समर्थकहरुलाई धरपकड शुरु गरेका थिए । सिके राउतलाई समात्नका लागि प्रहरीले मंगलारदेखि नै  लज देखि होटल र जनकपुरधाम उपमहानगरपालिकाको वार्डवार्डमा सादा पोशाकमा प्रहरी खटाएपनि अन्तोगत्व राउतले सार्थकहरुबीचमा आएर सम्बोधन गरेका छन् ।
डा. राउतको चलु जनकपुर भरु जनकपुर कार्यक्रमलाई विथोल्न नेपाल प्रहरीले अथक प्रयास गरेपनि डा. राउतले कालो दिवसमा सहभागी हुँदै मधेसी शहिदहरुप्रति सम्मान गरेका छन् । उनले प्रदेश सरकारप्रति आक्रोशित हुँदै भने भने ‘प्रदेश २ को सरकार मधेशी जनताको दलाल हो । मधेशी जनतालाई ओझलमा पारिरहेको छ ।’ उनले मधेसवादी दलले आन्दोलन गरेको मुद्दा सम्बोधन नभएको र उनीहरुले आन्दोलनको उद्देश्यलाई विर्सेर सत्तामा लिप्त भएको बताए । स्वतन्त्र मधेस देशको माग पनि उनले गरे । उनी मधेश आन्दोलनको क्रममा शहादत दिएका प्रति श्रद्धाञ्जली अर्पण गर्दे अधिकांश समय प्रदेश सरकारकै विरोधमा खर्चिएका थिए ।
मंगलारदेखि नै डा. सिके राउतलाई पक्राउ गर्न धनुषा सहित आसपासका जिल्लाका प्रहरी व्यापक सँख्यामा खटाउँदै उनलाई खोज्दै सर्च अभियान समेत चलाइएको थियो । तर प्रहरीको कडा निगरानी र सुरक्षाबीच डा. सिके राउत आखिरकार कार्यक्रममा सहभागी भएका थिए ।
गाउँ गाउँबाट जनकपुरधाम आएका हजारौँ हजार सँख्यामा कालो दिवस तथा सिके राउतलाई स्वागतको लागि सर्वसाधारण युवाहरु जनकपुरधाम तताएका थिए । राउतका समर्थकहरुले नगरमा मोटरसाइकल लगायतका जुलुस समेत प्रदर्शन गरेका थिए ।
पचासबढी समर्थक पक्राउ

 
स्वतन्त्र मधेस गठबन्धनका संयोजक डा. राउतले आव्हान गरेको असोज ३ गते चलु जनकपुर भरु जनकपुरलाई विथोल्नका लागि बुधवार विहानदेखि नै राउतको समर्थकहरुलाई पक्राउ शुरु गरेका थिए । प्रहरीले जनकपुरधामको विभिन्न ठाउँबाट पचासभन्दा बढी समर्थकहरुलाई पक्राउ गरेको डा. राउनका समर्थकले बताएका छन् । पाँच सातजनाको समूहमा देखिएको युवाहरुलाई पक्राउले पक्राउ गरी जिल्ला प्रशासन कार्यालय पुर्याउने गरेको जनाइएको छ । त्यसैगरी ढल्केवर, धनुषाधाम लगायतको नाकाबाट सवारी साधनमा समेत रोक लगाइएको जनाइएको छ । तराई मधेसलाई छुट्टै प्रदेशको माग गर्दै स्वतन्त्र मधेस गठबन्धनका नेता कार्यकर्ताले कडा सुरक्षाकाबीच पनि प्रदर्शन गरेका थिए ।
प्रदर्शनका क्रममा प्रदेश २ को प्रदेश सभाको मुल गेटमा समेत उनीहरुले झण्डा फहराएका थिए। जुलुससहित जानकीचोकबाट सुरु भएको विरोध ¥याली जनकचोक, रामचोक, मुरलीचोक भ्रमरपुराचोक लगायतका चोकहरुको परिक्रमा गर्दै रामान्न चोकमा गएर कोणसभामा परिणत भएको थियो।