नेपाल प्याब्सनको नगरअध्यक्षमा यादव

जनकपुरधाम, १२ माघ । नेपाल प्याब्सनको प्रथम नगर अधिवेशन आईतवार जनकपुरधाममा सम्पन्न भएको छ ।
विनोद यादवको अध्यक्षतामा भएको सो अधिवेशनबाट १३ सदस्यीय कार्य समिति चयन भएको हो ।
समितिको अध्यक्षमा पंकज ठाकुर, उपाध्यक्षमा मनोज कुमार यादव, कोषाध्यक्षमा सरिता यादव, सचिवमा पंकज कुमार साह, सहसचिवमा मो. कालिम राइन रहेका छन् । त्यस्तै सदस्यहरुमा सन्तोष कुमार यादव, सिकिन्द कुमार मण्डल, सुरेन्द्र कुमार साह, अशोक कुमार यादव, अजय कुमार महतो, सरोज कुमार साह, श्याम प्रसाद साह र सूर्यनारायण यदव रहेको छ ।
कार्यक्रमका प्रमुख अतिथि प्रदेश सभा सदस्य रामअशिष यादव, अतिथि समाजवादी पार्टीका नगर, युवा अभियन्ता अमित झा, कृष्णचन्द साह शिक्षक वृजकिशोर यादवले विचारराखेका थिए ।

पत्रकार संघको प्रदेश अध्यक्षमा कैलास

जनकपुरधाम, ११ माघ । प्रदेश २ मा राष्ट्रिय दलित पत्रकार संघको गठन भएको छ ।  कैलाश दासको अध्यक्षतामा १७ सदस्य कार्यसमिति चयन भएको हो । कार्यसमितिको उपाध्यक्षमा हरिनन्दन अम्बेदकर, रविन पासवान, सचिव रिन्कु दास, कोषाध्यक्ष सावित्री शर्मा, सहसचिव सदस्यहरुमा सूर्यनारायण विक,राजकुमार पासवान ,श्यामसुन्दर राम,ओमप्रकाश राम, ममता बैठा,विरेन्द्र पासवान,धर्मेन्द्र पासवान, अर्चना परियार लगायतका छन् भने सल्लाहकार समितिमा सिकेन्द्र पासवान,राजु पासवान,उमेश सुनार,राजु विश्वकर्मा , वृजलाल पासवान छन् ।

जनकपुरको बार एसोसिएसनमा आयोजित घोषणा सभाको अध्यक्षता राष्ट्रिय दलित पत्रकार संघका केन्द्रीय उपाध्यक्ष भोला पासवानले गरेका थिए भने कार्यक्रमको प्रमुख अतिथि प्रदेश २ को  प्रदेश प्रमुख तिलक परियारले गरेका थिए । त्यस्तै विशिष्ट अतिथि प्रदेश २ सरकारको आन्तरिक मामिला तथा कानुन मन्त्री ज्ञानेन्द्र कुमार यादव, राष्ट्रिय दलित पत्रकार संघका केन्द्रीय अध्यक्ष विनोद पहाडी अतिथिहरु जनकपुर उपमहानगरपालिका मेयर लालकिशोर साह, राजेश विद्रोही, प्रदेश २ को स्थानीयतहमा निर्वा्चित दलित प्रमुख उपप्रमुख तथा सदस्यहरू लगायतका जनप्रतिनिधिहरुको उपस्थितिमा कार्यक्रम सम्पन्न भएको हो ।
प्रदेश सरकार २५ लाखको घोषणा
कार्यक्रममा कानुन मन्त्री यादवले दलित पत्रकार भवन निर्माणको लागि यसै वर्ष प्रदेश २ सरकारले २५ लाख दिने घोषणा समेत गरेको छ । मन्त्रीले भने, तपाईहरु जग्गा खोजनुस् भवन निर्माण गर्ने हाम्रो काम हो । दलितमाथि धेरै ठूलो विभेद छ । तपाईहरु नजागे अब यो भन्दा ठूलो विभेद भोग्नुपर्छ । त्यसैले तपाईंहरु संगठित हुनुभयो । यसमा हामी खुशी छौ । आजको भेलाले सबैको ध्यानाकर्षण भइसकेको छ । त्यस्तै प्रदेश प्रमुख तिलक परियारले तराईमा दलितहरूको ठूलो समस्या रहेको बताउनुभएको छ । दलित शसक्तिकरण विधेयक पारित भइसकेको छ । यसलाई तुरुन्तै कार्यवयण गर्ने निर्देशन गर्ने भनाइ राखेका थिए ।

शिक्षकहरुलाई खाद्य स्वच्छता सम्बन्धी शुरु

जनकपुरधाम, ८ माघ । जनकपुरधाममा बुधवारबाट खाद्य स्वच्छता सम्बन्धी तीन दिने तालिम शुरु भएको छ ।
खाद्य प्रविधि तथा गुण नियन्त्रण कार्यालय जनकपुरले आयोजना गरेको सो तालिममा जनकपुरधामका १५ वटा विद्यालयका ३० शिक्षकहरुको सहभागिता रहेको थियो ।
खाद्य स्वच्छता तालिमबाट सिखेको कुराहरुलाई विद्यार्थीसम्म पुर्याउने उद्देश्यका साथ सो तालिम शुरु गरिएको खाद्य प्रविधि तथा गुण नियन्त्रण कार्यालय जनकपुरका प्रविण कुमार तिवारीले बताएका छन् ।
तालिममा सागसब्जी तथा खाद्यमा मिसावटको पहिचान र त्यसबाट हुने असरबारेमा जानकारी गराएका छन् । प्रविधि कार्यालयका प्रमुख विजय खनालले प्रशिक्षण दिदै भने, ‘खाद्यवस्तुमा मिसावटको कारण विभिन्न प्रकारको रोगव्याधी लाग्ने गर्दछ । त्यसको पहिचान गरेर सावधानी अपनाउनुपर्छ ।’ उनले खाद्यमा पोषण तत्वमा प्रयोग सम्बन्धी जानकारी गराउँदै यसबाट बाँच्ने उपायको बारेमा पनि बताएका छन् ।
त्यस्तै प्रविधि कार्यालयका प्रविण तिवारीले खाद्य वस्तुमा मिसवाटकै कारण आँखा तथा मुटुमा आउने समस्या, पाचन प्रणालीमा असर, अन्धोपन, वान्ता, झाडापाखाला, मस्तिष्कमा असर हुने गरेको बताएका छन् ।

छोरी बिमा साक्षरता र समृद्धिको बाटो ः राज्यमन्त्री कुशवाहा

जनकपुरधाम, २ माघ । प्रदेश सरकारले ‘छोरी बिमा’ कार्यक्रम विहिवारदेखि आठवटै जिल्लामा सुरु गरेको छ । प्रदेश सरकारका प्रतिनिधिहरुको सहभागितामा सो अभियान शुरु भएको हो ।
सोही क्रममा महोत्तरीमा आन्तरिक मामिला तथा कानून राज्यमन्त्री सरोज सिंह कुशवाहाको प्रमुख आतिथ्यमा शुरु भएको छ ।
महोत्तरीको जलेश्वर नगरपालिकमा भव्य समारोहबीच शुरु भएको छोरी बिमा कार्यक्रममा  एक्कै दिनमा सयभन्दा बढी छोरीको विमा भएको जनाइएको छ ।
जलेश्वर नगरपालिकाका उपमेयर मुन्चुन देवी नुनियाको अध्यक्षमाता भएको सो कार्यक्रमका प्रमुख अतिथि समेत रहेका राज्यमन्त्री कुशवाहाले संविधानमा समान्ताको हक मौलिक अधिकारमा कार्यन्वयनको लागि महिला साक्षरता दर बढाउने पर्ने बताएका छन् । राज्यमन्त्री कुशावहाले भने, ‘प्रदेश सरकारको छोरी बिमाले महिला साक्षर र जागरुक हुनेछ । महिला साक्षर भएमा आर्थिक र सामाजिक रुपमा प्रदेश र देशमा उन्नति हुने निश्चित छ ।’
महिला साक्षर भएमा परिवार साक्षर हुनेछ । परिवार साक्षर भएमा समाज साक्षर हुन्छ र समाज साक्षर भएमा प्रदेश नै समृद्ध हुने राज्यमन्त्री कुशवाहाले दावी गरेका छन् ।
आजबाट सरकारको यो अभियान सुरु गरियो,’ उनले भने, ‘आज प्रदेशका सबै जिल्लामा प्रदेशका अधिकारीहरू सहभागी भएर सुरु भएको अभियान माघ महिना भरी प्रदेशले नै चलाउँछ । फागुन लागेपछि प्रदेशले स्थानीय तहलाई जिम्मा लगाउँछ ।’ प्रदेश सरकारले प्रदेशको १३६ वटै पालिकाहरूबाट एकद्वार प्रणालीबाट उक्त अभियान सुरु गरेको हो ।
बिमाको साथै जन्म दर्ता, छोरी भएको घरमा निःशुल्क इन्टरनेटसमेत जडान गरिएको छ । प्रदेश सरकारले माघ महिनाभरीमा २५ देखि ३० हजार छोरीहरूलाई यस अभियानमा सहभागी गराउने लक्ष्य लिएको महान्यायधिवक्ता झाले जानकारी दिए । ‘प्रदेश २ मा महिलाको साक्षरता दर न्यून छ,’ उनले भने, ’ उनले भने, बालविवाह त्यत्तिकै छ ।, छोरीलाई आर्थिक बोझको रुपमा हेर्ने चलनलाई तोड्न सरकारले यो कार्यक्रम ल्याएको हो।’ प्रदेश सरकार छोरीलाई बोझको रुपमा हेर्ने दृष्टिकोण परिवर्तन गर्ने उदेश्यकासाथ अघि बढेको उनको भनाई छ । ‘सामाजिक रुपान्तरण र भौतिक विकास एकैसाथ लगेमात्रै प्रदेश विकास सम्भव भएकोले यो कार्यक्रम सुरु भएको हो,’ उनले भने । उक्त अभियानको मुख्यमन्त्री लालबाबु राउतले पर्सा जिल्लाबाट सुरु गरेका थिए । अन्य जिल्लामा प्रदेश सरकारका अन्य प्रतिनिधिहरु पुगेको प्रदेश सरकारले जनाएको छ ।
कार्यक्रममा प्रदेश सरकारका मुख्यन्यायधिवक्ता दीपेन्द्र झा, विभिन्न राजनीतिक दलका प्रतिनिधिहरु, स्थानीय बुद्धिजीविहरुले आफ्ना विचार राखेका थिए । मुख्यमन्त्री राउतले आफु मुख्यमन्त्री भएपछि पहिलो निर्णय नै छोरी बिमा कार्यक्रमबारे गरेका थिए ।

दलित पत्रकार संघ धनुषा गठन,‘संस्कृति र उत्थानको आश जागयो’

जनकपुरधाम, २ माघ । धनुषामा एक समारोहबीच विहिवार राष्ट्रिय दलित पत्रकार संघ, नेपाल धनुषा शाखा गठन भएको छ ।
‘लोकतन्त्रको मूल आधार, सामान सहभागिता र विभेदमुक्त समाज अभिव्यक्ति स्वतन्त्रता र मर्यादित पत्रकारिता हाम्रा आवाज! नाराका साथ सात सदस्यीय सो समिति गठन गरिएको हो ।
संघ धनुषाको अध्यक्षमा कुलदीप दास प्रेम, उपाध्यक्षमा अनामिका मण्डल, सचिवमा राजेश पासमान, कोषाध्यक्षमा दिलिप दास रहेका छन् । त्यस्तै सदस्यमा रामएकवाल महरा र शंकर पासमानलाई सर्वसम्मतिबाट चयन गरिएको छ ।

त्यस्तै सल्लाहकारमा कैलास दास, राजु पासमान र विनोद महरा रहेका छन् ।
समाचार दैनिकका सम्पादक कैलास दासको अध्यक्षतामा भएको सो कार्यक्रमका प्रमुख अतिथि प्रदेश साँसद चमेली देवी दासले दलितको संस्कृति संरक्षण र अधिकार सुनिश्चित हुने आश जागेको बताएका छन् ।
साँसद दासले भनिन, ‘पत्रकार कुनै जात र समुदायको हुँदैन । तर दलित पत्रकार संघ गठन पश्चात् दलितको अवस्थाबारेमा बढि लेख्ने र समस्या उजागर गर्ने विश्वास छ ।’ दलित पत्रकार नभएकै कारण अहिलेसम्म दलितको कुरा जुनरुपमा उठ्नुपर्ने थियो उठ्न नसकेको उनले जिकिर गरेकी छन् ।
त्यस्तै कार्यक्रममा विशिष्ट अतिथि विदेह नगरपालिकाका मेयर बेचन दासले पत्रकारका लागि छुट्याइएको बजेट मध्ये ४० प्रतिशत बजेट दलित पत्रकारहरुकै कार्यक्रम मार्फत खर्चिने उदघोष गरेका छन् ।
उनले अब गाउँ गाउँमा दलितहरुको समस्या बुझेर सम्बन्धित निकायसम्म जाने छ विश्वास रहेको बताएका छन् ।
कार्यक्रममा दलित अभियानी चन्देश्वर सादा, मुन्नी दास, रामअशिष दास, रामशंकर पासमान सहितको उपस्थिति रहेको थियो ।

प्रध्यापक झाको योेगदान स्मरणीय रहन्छ ः मेयर मण्डल

जनकपुरधाम, २८ पुस । धनुषाको हँसपुर नगरपालिकाका मेयर रामज्ञान मण्डलले श्री तपसीबाबा माध्यमिक विद्यालय÷ कलेजका प्राध्यापक स्व. रामललन झाको योगदान स्मरणीय रहने दावी गरेका छन् ।
हँसपुर नगरपालिका वडा नं. ६ टिल्हीमा स्थित विद्यालय÷कलेजका प्राध्यापक झाको १३ औं दिनको पुण्य तिथिमा आयोजित श्रद्धाञ्जली सभामा मेयर मण्डलले सो कुरा बताएका हुन ।
उनले भने, ‘यस विद्यालय÷ कलेजको पूर्वाधार निर्माणदेखि लिएर पठनपाठनमा स्व.झाको योगदान महत्वपूर्ण छ । समाजिक र शैक्षिक योगदानलाई यो समाज कहिले पनि विर्सिदैन ।’ उनले यस विद्याललाई नमूना विद्यालय बनाउने उहाँको उद्देश्य र लक्ष्य रहेकोले उहाँको लक्ष्यप्रति आफू प्रतिबद्ध रहने दावी गरेका छन् ।
सोही वडाका वरिष्ठ सदस्य विन्देश्वर मण्डलको अध्यक्षतामा भएको श्रद्धाञ्जली सभाका प्रमुख अतिथि समेत रहेका मेयर मण्डलले स्व. झाको परिवारलाई ५१ हजार रुपैया हँसपुर नगरपालिकाबाट सहयोग गर्ने घोषण समेत गरेका छन् । उनले उहाँको १३ दिनको पुण्य तिथिमा मंगलवार हँसपुरका सबै विद्यालयलाई बन्द राख्न घोषणा समेत गरेको बताएका छन् ।
श्रद्धाञ्जली सभामा समाजसेवी गंगाराम यादव, उपमेयर रेणु झा, नेपाल शिक्षक संघका प्रदेशिक अध्यक्ष मेघनाथ यादव, धनुषाका पूर्व अध्यक्ष लालबाबु हाथी, जनकपुरधाम स्थित संकटमोचन विद्यालयका बलराम साह सहितका व्यक्तिहरुले प्राध्यापक स्व. झाको योगदानका चर्चा गरेका छन ।
प्राध्यपक झाको ५५ वर्षको उमेरमा हृदयघातबाट मृत्यु भएको थियो ।

भिजीट मधेश २०२० को उदघोष,‘कृषि’ पर्यटनको मुख्य आधार ः मन्त्री सोनल

जनकपुरधाम, २७ पुस । भौतिक पुर्वाधार तथा विकास मन्त्री जितेन्द्र सोनलले कृषि पर्यटन यस प्रदेशको मुख्य आर्थिक आधार रहेको दावी गरेका छन ।
भिजिट मधेशले आइतवार जनकपुरधाममा आयोजना गरेको तराई मधेशमा पर्यटन सम्वन्धी अन्तरक्रिया एवं वियोण्ड उदघोष कार्यक्रममा मन्त्री सोनलले प्रदेश नं. २ कृषि प्रदानको रुपमा चिन्हाउने गरेकोले यस प्रदेशलाई कृषि पर्यटन क्षेत्रको रुपमा प्रदेश सरकारले विकास गर्ने लक्ष्य लिएको बताएका छन् । उनले भने, ‘पर्यटनको यहाँ दूवटा आधार रहेको छ (धार्मिक पर्यटन र कृषि पर्यटन । दुबैलाई संघीय, प्रादेशिक र स्थानीय सरकारले जोड दिएमा आर्थिक रुपमा सम्पन्न हुनेछ ।’
मधेशको पहिचानलाई चिनाउने उदेश्यले सुरु गरिएको भिजीट मधेश कार्यक्रमको प्रसंसा गर्दै उनले भने ‘भिजिट मधेशको प्रयासले पहिचान, मान्यता र अर्थ व्यवस्थामा ठुलो असर पुग्ने भएकोले भिजीट मधेश कार्यक्रमलाई हरेक तवरबाट प्रदेश सरकारले सहयोग गर्नेछ ।’
उनले रामायणदेखि महाभारत र बुद्धसम्मका पौराणीक इतिहास बोकेका मधेशका धरोहरहरुलाई अन्तराष्टियस्तरसम्म लगेर मधेशलाई विश्वस्तरमा चिनाउन भिजीट मधेश कार्यक्रमबाट अगाडी बढाउन उनले आग्रह गरे ।
भिजिट मधेशका संयोजक प्रकाश साहको अध्यक्षतामा भएको सो कार्यक्रमका विशिष्ट अतिथि जनकपुरधाम उपमहा नगरपालिकाका मेयर लालकिशोर साहले राज्यको कुदृष्टिकै कारण मधेशमा रहेको एतिहासीक धरोहरको पहिचान हुन नसकेको बताएका छन् । उनले भने ‘ मधेशमा पर्यटनलाई अगाडी बढाउनका लागि भिजीट मधेशको प्रयास सराहनीय छ ।’ उलने अर्को प्रसंगमा भने विगत पाच दिनदेखि केहि पत्रकारहरुले प्रहार गरेको मुक्का कारण अस्पतालमा भर्नारत रहेकि दलित महिलामाथि कसैको चासो नजानु दुखद रहेको वताएका छन । मानवअधिकार आयोगले पनि उक्त घटनामा महिलाहरु साच्चीकै घाइते भएको या नाटक गरेको हो भनेर बुझनका लागि अस्पतालसम्म पुग्न नसकेको प्रति दुख व्यक्त गरेका थिए ।
उनले सोही कार्यक्रम मार्फर्त कर्मवीर शहिद पत्रकार उमासिंहको नाउमा अक्षयकोषको स्थापनको घोषणा समेत गरेका छन । कार्यक्रममा उद्योग राज्यमन्त्री सुरेश मण्डल,प्रदेशसभा सदस्य परमेश्वर साह लगायतले धारणा राखेका थिए ।
कार्यक्रममा मधेशका पर्यटक क्षेत्रहरुको बारेमा ग्लोबल कोडिनेटर राज सरार्फ र नेशनल कोडिनेटर ओम प्रकाश सर्राफले प्रकाश पारेका थिए । त्यस्तै सरसफाई अभियानी वैधनाथ साह र संस्कृतिक राजदूतको नाममा प्रसिद्ध रहेका रविराज साहलाई दोसल्ला ओढाएर सम्मान गरेका थिए ।

सफाई शरीरका प्रमुख अंग हो ः प्रदेश प्रमुख परियार

जनकपुरधामस् १९ पुस ।  प्रदेश प्रमुख तिलक परियारले सफाई शरीरको प्रमुख अंग रहेको दावी गरेका छन् । जनकपुर रेल्वे ट्रैक साप्ताहिक सरसफाइको प्रथम वार्षिकोत्सब कार्यक्रम प्रदेश प्रमुख परियारले सामाजिक परिवर्तन शिक्षाले मात्र होइन, जनचेता पनि आवश्यक रहेको दावी गरेका छन् ।
‘जनकपुरधाम धार्मिक ऐतिहासिक धरोहार हो । जनकपुरधामलाई सफा सुन्दर र स्वच्छ कसरी बनाउने हामी सबैको दायित्व छ’ प्रदेश प्रमुख परियारले भने, ‘फोहरबाट रोग कुनै एक व्यक्तिलाई लाग्दैन, फोहरबाट धेरै किसिमको रोग फैलिन सक्छ । त्यसैले स्वस्थ समाज निर्माणका लागि सफाई आवश्यक छ ।’
त्यस्तै प्रदेश सभा सदस्य रामअशिष यादवले मानव सभ्यताको विकासको लागि र स्वस्थ्य रहनका लागि सफाई आवश्यक रहेको बताएका छन् । उनले सामाजलाई समृद्ध र स्वस्थ्य बनाउनका लागि तीन सूत्र सामाजिक, आर्थिक र वातावरण आवश्यक रहेको जिकिर गरेका छन् ।
सफाई अभियानी रुवि झाको अध्यक्षता भएको वार्षिकोत्सव कार्यक्रममा मधेसी आयोगका अध्यक्ष बिजय दत्त, शहीदनगर नगरपालिकाका नगर प्रमुख उदय बरबरिया, धनुषाका प्रमुख जिल्ला अधिकारी प्रदिपराज कणेल, समाजसेवी अमरचन्द्र अनिल, कामाख्या परिवारका अध्यक्ष विभास लाभ, प्रदेश सरकारका समाजसेवी कर्मचारी सुरेश शर्मा, महिला अधिकारकर्मी सुभद्रा आले, दुधमती गरिमा संरक्षण समितिका संस्थापक जैसिलाल मण्डल, स्वच्छता अभियन्ता कृष्णचन्द्र यादब, बजरंग यादव , समाजसेवी प्रभु दयाल जलान, सशस्त्र प्रहरीका एसपी राजेश उप्रेती, नेपााल प्रहरीका एसपी रमेशकुमार बस्नेत, धनुषाका सहायक प्रमुख जिल्ला अधिकारी शरद कुमार पोखरेललगायतको सहभागिता रहेको थियो ।
कार्यक्रममा सरसफाई क्षेत्रमा सहयोग गर्नुको साथै सामाजिक सेवामा सक्रिय रहनु हुने कामाख्या परिवारका सदस्य समाजसेवी ललिता लाभ, बाल क्लव अभियानी रककी साह, महिला अधिकारकर्मी सुभद्रा आले, समाजसेवी संजु यादवलगायतलाई प्रदेश प्रमुख तिलक परियार र कार्यक्रम संयोजक रुवि झाले दोसल्लासहित प्रशंसा पत्र प्रदान गर्दै सम्मान गरेका छन् । कार्यक्रमको सञ्चालन पत्रकार ओम प्रकाश साह नेपालीले गरेका थिए ।

सहकारी मार्फत मात्र सामाजिक क्रान्ति ः संयोजक साह

जनकपुरधाम, १९ पुस । जनकपुरधाम उपमहानगरपालिका र विदेह नगरपालिकामा सञ्चालित वैष्णवी बचत तथा ऋण सहकारी संस्था लि.ले आफ्नो ९ औं वार्षिक साधारण सभा भव्यताका साथ सम्पन्न गरेको छ ।
संस्थाका अध्यक्ष महेन्द्र मण्डलको अध्यक्षतामा भएको सो कार्यक्रमका प्रमुख अतिथि राष्ट्रिय सहकारी बैंकका संयोजक संजय कुमार साहले सहकारी मार्फत मात्र सामाजिक र आर्थिक क्रान्ति आउन सक्ने दावी गरेका छन् ।
संयोजक साहले भने, ‘वर्तमान अवस्थामा सामाजिक परिवर्तनको परिणाम सहकारीले देखाई रहेको छ । आज गाउँ गाउँमा सहकारी संस्थाको विकासले भएकोले बेरोजगारी घटनुका साथै वैदेशिक रोजगरीमा जाने युवाको संख्यामा कमी आएको छ ।’
‘सहकारी मार्फत नै महिलामा बचत गर्ने क्षमताको विकास भएको हो’ उनले भने ‘महिलामा जनचतेनाले नै सामाज शिक्षित हुने सम्भावना छ । समाज शिक्षित भएमा आर्थिक समृद्धि हुनेछ ।’
कृषि उत्पादनको क्षेत्रमा सहकारीलाई विशेष ध्यान दिनका लागि भूमि व्यवस्था कृषि तथा सहकारी मन्त्रालयका शाखा अधिकृत ओमनारायण झाले बताएका छन् । उनले भने, ‘प्रदेश सरकारले सहकारीमार्फत नै कृषिमा लगानी गर्ने योजनामा छ । सहकारीबाट नै कृषि प्रदान प्रदेशको रुपमा यो प्रदेश स्थापित हुनेछ ।’
संघका अध्यक्ष महेन्द्र मण्डलले संस्थाका प्रतिवेदन प्रस्तुत गरेका छन् । प्रतिवेदनमा संस्थामा दुई हजार दसई ७२ सदस्य छन् भन्ने शेयरपूँजी ६८ लाख १८ हजार ८ सय रहेको उल्लेख छ । त्यस्तै कुल बजे ११ करोड र ऋण लगानी ९ करोड ६५ लाख रहेको र यस आर्थिक वर्षमा ८ लाख ५६ हजार मुनाफ भएको जनाइएको छ ।
कार्यक्रममा परिवार नियोजन संघका पूर्व अध्यक्ष दिनेश शर्मा, राजनीतिक दलका प्रतिनिधि तथा स्थानीयहरुले आफ्नो विचार राखेका थिए ।

राज्यमन्त्री कुशवाहाद्वारा असहाय र अशक्तलाई कम्बल

जनकपुरधाम, १७ पुस । आन्तरिक मामिला तथा कानून राज्यमन्त्री सरोज सिंह कुशवाहाले गरिब, दलित, अपांग, असहाय र अशक्तलाई विहिवार कम्बल वितरण गरेको छ ।
महोत्तरीको रामगोपालपुर नगरपालिका वडा नं. १ र २ मा रहेको ती परिवारहरुलाई कम्बल वितरण गरिएको हो । पुसको पहिलो सप्ताहदेखि शुरु भएको चिसोको कारण जनजनीवन प्रभावित हुन थालेको छ । चिसोको गरिब, असहाय, अपाग र अशक्तलाई मध्ज नजर गरी सो कम्बल वितरण गरिएको बताएका छन् ।
कम्बल वितरण कार्यक्रममा राज्यमन्त्री कुशवाहाले भने, ‘बढ्दो चिसोको बेलामा यो कम्बल पर्याप्त छैन । तर तत्काल प्रदेश सरकारबाट हुने सहयोग गरेको छ ।’
नगरपालिकाका मेयर अशोक मण्डलको उपस्थितिमा कम्बल वितरण गर्दै राज्यमन्त्री कुशवाहाले सबभन्दा बढी विपद् तराई मधेशकै जिल्लाहरुमा आउने गर्दछ । सातवटै प्रदेश मध्ये प्रदेश २ नै गरीबीमुनि आउने गरेको बताएका छन् । ‘गरीब प्रदेशमा सबभन्दा प्रकृतिक विपद् छ । चिसोबाट कठ्याङिग्रए मृत्यु हुने, घामको बेलामा आगलगि हुने र वर्षातको बेलामा बाढी यसै प्रदेशमा आउँछ’ राज्यमन्त्री कुशवाहाले भने ‘विपदको अवस्थामा प्रदेश चाहे जति सहयोग गर्न पाई रहेको छैन ।  त्यसको कतिपय कारण मध्ये कर्मचारीको असहयोग हो ।’
सयजना बढी गरिबी, दलित, अपांग र अशक्तलाई कम्बल वितरण गरिएको हो । कम्बल वितरण कार्यक्रममा समाजवादी पार्टीका नेता तथा पूर्व कृषि मन्त्री हरिनारायण यादव लगायतको उपस्थिति रहेको थियो ।