जब धनुषाका सिडियो कणेलले साँसद चमेलीलाई भने महिला प्रहरी लगाएर थुन्छौं...

जनकपुरधाम, १० असार । धनुषाका प्रमुख जिल्ला अधिकारी प्रदीपराज कणेलले प्रदेशसभा सदस्य चमेली देवी दाससँग अभद्र व्यवहार गरेका छन् ।
धनुषाको लक्ष्मीनियाँ गाउँपालिका वडा नम्बर(६ बस्ने ६५ वर्षीय बृद्ध किशोरी यादव नागरिकताको प्रतिलिपि लिनका लागि करिव एक हप्तादेखि जिल्ला प्रशासन कार्यालयमा धाउँदापनि प्रतिलिपि नपाएपछि उनको सहयोगका लागि साँसद दास जिल्ला प्रशासन कार्यालय पुगेकी थिईन ।
साँसद दासले नागरिकता फाँटमा कुन कारणले प्रतिलिपि दिन ढिलाई भईरहेको कुरा कर्मचारीसँग सोध्दा उनीहरुले नटेरेपछि प्रमुख जिल्ला अधिकारी कणेलको कार्यकक्षमा पुगेकी थिईन । त्यहाँ साँसद दासले कर्मचारीको गुनासो पोख्न लाग्दा उनीसँग उल्टै अभद्र व्यवहार गरिएको उनको आरोप रहेको छ ।
प्रदेश साँसद दासले भनिन, ‘तलबाला फाँटका कर्मचारीले मलाई टेरेनन्, बाध्य भएर सिडियोको कार्यकक्षमा पुगें । त्यहाँ मैले सिडियो साहेबलाई कुन कारणले ६५ वर्षीय वृद्धको नागरिकता दिनमा आलटाल भईरहेको छ भनेर प्रश्न गरें । सिडियो पहिलादेखि नै आक्रोशित देखिएका थिए । मेरो प्रश्नको जवाफमा सिडियोले बाहिर जानुस बोलाएपछि आउनु होला भनेर आक्रोशित मुद्रामा जवाफ फर्काए ।’
‘मैले भने, कर्मचारीले नटेरेपछि तपाई कहाँ आएको हुँ । तपाई पनि त्यस्तो कुरा गर्नुहुन्छ, त्यसपछि सिडियोले महिला प्रहरी लगाएर बाहिर निकाल्न धम्की दिएको र अपशब्द समेत प्रयोग गरेको, साँसद दासले भनिन, ‘जानकी मन्दिर हेर्न आएका व्यक्तिलाई पनि नागरिकता दिईन्छ त भनेर सिडियोले जवाफ फर्काएको उनले सुनाईन ।’
उनले यहाँबाट नगए महिला प्रहरी लगाएर यस्ता अपशब्द प्रयोग गर्ने  महिलालाई बाहिर निकाल्न कर्मचारीलाई आदेश दिएपछि आफू आक्रोशित भएर बाहिर निश्केको साँसद दासले पत्रकार समक्ष गुनासो पोखिन ।
यता प्रमुख जिल्ला अधिकारी कणेलसँग यस सम्बन्धमा बुझ्न खोज्दा साँसद दासले गाँउघरको अनपढ महिला जस्तै व्यवहार प्रदर्शन गरेको जिकिर गरे । उनले यस्ता समाचारहरुले सामाजिक सदभाव बिगार्ने भनेर सञ्चारकर्मीलाई नै उल्टै हप्की दप्की दिएका थिए । यस्ता समाचारहरु झुठफु्सको समाचार रहेको भन्दै प्रजिअ कणेलले आफ्नो प्रतिक्रिया दिन मानेनन् ।

‘पुरै बजेट नै गोलमाल’

जनकपुरधाम, ४ असार । प्रदेश सरकारले प्रस्तुत गरेको बजेटमाथि बुधवार प्रदेश सभामा छलफल भएको छ । छलफलकै क्रममा नेपाली काँग्रेसका साँसद मञ्जु यादवले प्रदेश सरकारले ल्याएको बजेट पुरै गोलमाल रहेको आरोप लगाएकी छन् ।
उनले भनिन, ‘प्रस्तुत बजेट मन्त्रीले आफ्नो क्षेत्र कब्जा गर्ने र कार्यकर्ता पाल्ने देखियो । यो बजेटले समाजवादको विकास होइन, वितरणमुखी बजेट हो ।’ यस प्रदेशको विकास सम्भव छैन, जहाँको लागि बजेट चाहियो त्यसको चर्चा पनि गरेको छैन, तर जहाँ अनियमितता, भ्रष्टाचारको विशेष सम्भावना छ, त्यसमा बजेट छु्ट्याइएको उनले दोहोर्याएकी छन् ।
साँसद यादवले महिलाको अधिकार ३३ प्रतिशत रहेको भन्ने तर बजेट विनियोजन गर्दा महिलामैत्री बजेट नबनाउने दुःखद कुरा रहेको बताएइन । प्रदेश सरकारले छुट्याइएको संसदीय विकास कोषमाथि प्रहार गर्दै भनिन, ‘प्रत्यक्षबाट निर्वाचन जितेका साँसदलाई ३ करोड र समानुपातिक साँसदलाई १ करोड छ्ट्याउन विभेद हो, कम्तिमा ६० र ४० को भागबण्डा गर्नुपर्छ ।’
त्यस्तै अर्का साँसद सुन्दर बहादुर विश्वकर्माले गतवर्षको शीर्षकमा दिएको बजेट पनि यसवर्ष कटौती गरेको देखिएको बताएका छन् । उनले भने, ‘गत वर्षको शीर्षकलाई कम्तिमा निरन्तरता दिनुपर्ने थियो, त्यसो देखिएको छैन । यसले के बुझिन्छ भने यो बजेट वितरणम्ुखी बजेट मात्र हो ।’ उनले प्रदेश सरकारले यस प्रदेशमा दलित, जनजाति, मुस्लिम मिलाएर ३० प्रतिशट बढी रहेको भन्दै आएको छ । तर उनीहरुबीच भई रहेको छुवाछुत लगायतको समस्या समाधानका लागि कुनै बजेट नदेखिनु दुःखद कुरा रहेको बताएका छन् ।
प्रदेश सरकारले दिएको ‘आपकी सरकार, आपके द्वार’ नारालाई कम्तिमा मैथिली र भोजपुरीमा दिनुपर्ने आवश्यक रहेको उनले कोट्याए ।
साँसद मनिष उप्रेतीले प्रदेश सरकारले ल्याएको बजेटमा कृषिलाई आधुनिकीकरण गर्ने तर त्यसको लागि थोरै रकम छुट्याउने सम्भवै नरहेको दावी गरेका छन् । उनले यस बजेटले कृषिलाई छ्ुन पनि नसक्ने अवस्था रहेको छ ।  प्रदेशको विकासका लागि नीति मात्र होइन, नियति पनि शुद्ध हुनुपर्ने बताएका छन् ।
त्यस्तै नरेश प्रसाद यादवले बजेटमा छुट्याइएको अवण्डा रकम अनियमितिता र भ्रष्टाचारलाई बढावा दिने कार्य भएको आरोप लगाएका छन् । यो रकम भाई भरदार तथा कार्यकर्ता पाल्ने बाहेक नरहेको बताएका छन् । केन्द्र सरकारले प्रदेश सरकारलाई दुराभाव गरेको आरोप छ, तर प्रदेश सरकारले प्रदेशकै साँसदहरुप्रति दुराभाव गरिरहेको उनले औल्याएका छन् ।
त्यसैगरी शवचन्द्र चौधरीले जनकपुर अञ्चल अस्पताललाई प्रदेशकै नमूना अञ्चल अस्पताल बनाउने नीति तथा कार्यक्रममा घोषणा गरेका छन् । तर बजेट छुट्याउँदा २३ करोड रुपैया मात्र देखिएको हो । जबकि एउटा मेशिनको ४० करोड रुपैयासम्म पर्ने गरेको बताएका छन् ।  उनले प्रधानमन्त्रीको स्वच्छता अभियान अन्तरगत चुरे संरक्षण पनि रहेको छ । तर त्यसमा प्रदेश सरकारले पाँच करोड मात्र छ्ुट्याएका छन् । यसले चुरे संरक्षण कदिापि गर्न नसकिने दावी गरेको छ ।
त्यस्तै प्रदेश सरकारलाई बचाउ गर्दै साँसद रामअशिष यादवले संघीय सरकारले नै प्रदेश सरकार र स्थानीय सरकारसँग विभेद गरेको आरोप लगाएका छन् । उनले ७० प्रतिशत बजेट संघले राख्ने र ३० प्रतिशत बजेटमा १५ प्रतिशत प्रदेश र १५ प्रतिशत स्थानीयलाई दिनु संघीय सरकारले गैर जिम्मेवार देखाएको बताएका छन् ।
उनले प्रदेश सरकार र स्थानीय सरकारलाई समान्तर गर्न खोजेको छ । यो  दुरभाग्यको कुरा हो । प्रदेश र स्थानीय सरकारसँग द्वन्द सृजना गर्न खोजेको आरोप लगाएका छन् ।प्रदेश सभामा रिना यादव, सुरिता साह, उपेन्द्र महतो, सीता गुरुंग, विन्देश्वर प्रसाद यादव, परमेश्वर साहले प्रदेश सरकारले ल्याएको बजेटमाथि टिप्पणी गरेका छन् ।

बलि सदा तीन वर्षदेखि दोहा अस्पतालमा

जनकपुरधाम,२४ जेठ । धनुषाको हंसपुर नगरपालिका वडा नं. ५ निकालका ३५ वर्षिय बलि सदा दोहा कतारको एउटा अस्पतालमा तीन वर्षदेखि भर्ना भएका छन् ।
करीब सात वर्ष अघि ऋण काढेर वैदेशिक रोजगारीमा गएका सदा ऋण सधाउन नसकी अस्पतालमा भर्ना छन् । तीन वर्षदेखि लगातार उपचार पश्चात् पनि स्वस्थ्य अवस्थामा सुधार छैन । उनी गाडी दुर्घटनमा परी अस्पताल पुगेका छन् ।
दोहा कतारको अहमद अस्पतालमा उनी भर्ना छन् । तीनवटा सन्तान मध्ये दुईवटा छोरा र एउटी छोरी छन् ।
निकालमा ऐलानी जग्गामा बस्दै आएका सादा परिवार आफ्नो सन्तानलाई उच्च शिक्षा तथा जग्गा किन्नका लागि उनी वैदेशिक रोजगारीमा गएका थिए । तर लिएको ऋण पनि सधाउन नसकी उनी अस्पताल भर्ना छन् । सादाका श्रीमती शोभा देवी तीनवर्षदेखि ज्यालादारी गरी आफ्नो सन्तानलाई पालनपोषण गरिरहेका छन् ।
एलानी जग्गामा बस्दै आएका सादा परिवारको आर्थिक अवस्था निक्कै दयनीय छ । दैनिक ज्यालादारी गरी जसोतसो आफ्नो सन्तानलाई पालनपोषण गरी राखेका छन् । तर अहिलेसम्म सादा नेपाल कसरी फर्किने पहल गरेको छैन ।
शोभा देवी भन्छिन ‘हामीलाई केही थाहा छैन, कसलाई भनेपछि श्रीमानलाई घर बोलाई दिन्छ । केहीले सामी परियोजनामा गएपछि श्रीमानलाई बोलाई दिन्छ भनेका छन् । सामी परियोजनामा आएका छौं ।’ शोभा देवीसँग कागजातहरुको बारेमा सोद्धा भनिन, ‘एउटा नागरिकताको फोटोकँपी मसँग छ, अरु कुनै कागजातहरु छैन । के के कागजहरु चाहिन्छ, त्यो पनि थाहा छैन ।’
यता सामी परियोजनाका रामकुमार कर्ण भन्छन, ‘वैदेशिक रोजागरीमा जाने अधिकांश व्यक्ति काम, कम्पनी र तलवमा ठगाउने गरेको छ । उनीहरुसँग कागजात हुँदैन, नातागोताकै विश्वासमा बिना कागजातहरु लिएर वैदेशिक रोजगारीमा जाने गरेको पाइएको छ ।’
्कर्णले भने, ‘२०७४÷०७५ मा धनुषाबाट मात्र ३९ हजार ७ सय ७५ जना वैदेशिक रोजगारीमा गएको हामीसँग तथ्यांक छ । ती मध्ये १०१ एकजना महिलापनि छिन् । ’ उनले धनुषाबाट मात्र एक लाख ५५ हजारबढी युवाहरु वैदेशिक रोजगारीमा छन् । श्रम स्वीकृतिको कुरा गर्ने हो भने धनुषाबाट ४ लाख ५५ हजार वैदेशिक रोजगारीमा गएको छ । जबकि २०६८ को जनगणना अनुसार धनुषाको जनसंख्या नै ७ लाख ५० हजार जनसंख्या छन् ।

‘मिथिला कलामा सतत विकास लक्ष्य’

जनकपुरधाम, १७ जेठ । जनकपुरधाममा  मिथिला कलामा सतत विकास लक्ष्य एक समारोहबीच प्रदर्शन गरेको छ ।
आफन्त नेपालको आयोजना तथा युएनडिपीको सहयोगमा शुक्रवार भएको प्रदर्शनी कार्यक्रमका प्रमुख अतिथि प्रदेश साँसद तथा स्वच्छता अभियानी रामअशिष यादवले नेपालीमा दिगो विकासको लक्ष्यलाई मिथिला आर्टमा प्रदर्शन गर्नु निक्कै प्रशंसनीय कुरा रहेको बताएका छन् ।
साँसद यादवले भने, ‘मिथिला कलालाई लक्ष्यका साथ प्रर्दशन गर्नु हाम्रो साँस्कृति र जनचेतना फैलाउनु जस्तो हो । यसलाई प्रत्येक पालिकाहरुमा कार्यक्रममार्फत प्रदर्शन गर्नुपर्दछ । यो एउटा काला मात्र होइन, नागरिकलाई सचेत गराउने माध्यम पनि हो ।’ युएनडिपीका प्रतिनिधि अर्जनु कुशवाहाको अध्यक्षतामा भएको सो कार्यक्रमको उद्घाटन गर्दै साँसद यादवले मिथिला आर्टलाई एउटा लक्ष्यसँग जोडनु नेपालका लागि मात्र होइन, विश्वका लागि पहिचानको कुरा हो ।

दिगो विकासका लागि गरीबी अन्त, भोकमरीको अन्त, स्वास्थ्य तथा समृद्ध जीवन, गुणस्तरीय शिक्षा, दिगो उर्जा व्यवस्थापन, सम्मान जनक काम र आर्थिकवृद्धि, औद्योगिकरण नविकरण र पूर्वाधार, असमानता कम गर्र्ने, दिगो सहर र वस्तीहरु, दिगो उत्पादन र उपयोग, जलवायु परिवर्तन, सामुदायिक स्रोतको संरक्षण, भू प्रकृतिको दिगो व्यवस्थापन, शान्ति, न्याय र सवल संस्थाहरु, स्रोत साधनहरुको सवलिकरण र साँझेदारीलाई मिथिला आर्ट मार्फत दर्शाएका थिए ।
प्रदर्शनी कार्यक्रममा राजनीति तथा आर्थ विज्ञ भोगेन्द्र झा व्यथित, सुनिल मल्लिक, आफन्त नेपालका संयोजक जयप्रकाश मण्डल सहितका व्यक्तिहरुले विचार राखेका थिए ।
त्यस्तै मिथिला चित्र कोर्ने निर्माला झा,  विनिता झार अंजिना यादवले मिथिला चित्रमा कोरेको बारेमा विस्तृत रुपमा प्रकाश पारेका थिए । कार्यक्रमको संचालन विष्णु यादवले गरेका थिए ।

‘ग्राहक लक्ष्मी, बैंक मन्दिर र हामी पुजारी’

जनकपुरधाम, १७ जेठ । जनकपुरधाम स्थित नेपाल बैंक लिमिटेडका शाखा प्रबन्धक रुपेश कुमार श्रीवास्तवले यस बैंकका लागि ग्राहक लक्ष्मी, बैंक मन्दिर र हामी पुजारी रहेको बुझनुपर्ने बताएका छन् ।
अवकाश प्राप्त कर्मचारीहरुको शुक्रवार विदाई कार्यक्रममा प्रबन्धक श्रीवास्तले बैंकका लागि सेवाग्राहीहरु हामीहरुका लागि लक्ष्मी हो, हामी कर्मचारीहरु उसैको पैसाको ब्याजबाट तलव भत्ता खाई रहेकोले बैंकलाई मन्दिर र हामी कर्मचारीहरु पूजारी भएर सेवा प्रदान गर्नुपर्ने आवश्यकता रहेको बताएका छन् ।
उनले आवकाश प्राप्त कर्मचारीहरुले गरेको कार्यबाट हामीहरु सिख्नुपर्नेछ । उनीहरुले दिंदै आएको सेवा निक्कै प्रशंसनीय र उल्लेखनीय रहेको भन्दै आवकाश प्राप्त पश्चात पनि सरसल्लाह दिने नै छ विश्वास व्यक्त गरेका छन् । उनले इमान्दारीको कदर जहिले पनि र जहाँ पनि हुन्छ । सबै नेपाल बैंक लि.लाई बुढो बैंकको रुपमा बुझ्दै आएको थियो । तर अहिले कम्प्यूटर प्राविधिक युगमा यो बैंक युवा अवस्थामा रहेको जिकिर गरेका छन् ।
प्रवन्धक श्रीवास्तवले यस आर्थिक वर्षको बैंकको मुनाफा २ अर्ब २५ करोड रहेको बताएका छन् । उनले अन्य बैंकको तुलनामा यसै बैंकमा खाता सञ्चालन र अरुलाई पनि खोलाउनमा सधैं सक्रिय भएर कार्य गर्नेछ विश्वास व्यक्त गरेका छन् ।
त्यस्तै अवकाश प्राप्त कर्मचारी रघुनाथ अधिकारीले ग्राहकलाई सेवा दिनु हाम्रो दायित्व हो । किसिमको किसिमको ग्राहकहरु रहेछ, तर हामीहरुलाई सहन र धैर्यताका साथ कार्य गर्नुपर्ने आवश्यकता रहेको बताएका छन् । उनले भने, ‘ग्राहकरु जस्तो सुके रिसाएको अवस्थामा भएपनि नर्म र धैर्यता पूर्वक कार्य गर्नुपर्दछ ।’
्अवकाश प्राप्त कर्मचारी उप प्रबन्धक मनमोहन लाल कर्ण, नरशे लाल कर्ण, स(प्रबन्धक रामदयाल यादव, देवेन्द्र प्रसाद यादव, वरिष्ठ सहायक सत्यनारायण राय, दुखहरण साह, रघुनाथ अधिकारीलाई फुलमाला, दोसल्ला र कदरपत्रबाट बैंकका शाखा प्रबन्धक श्रीवास्तवले प्रदान गरी विदाई गरेको छन ।
त्यस्तै बैंकमा उपस्थित भएका सहायक प्रबन्धक निआशा साह र वरिष्ठ साहयक श्रकिान्त साहलाई स्वागत समेत गरेका छन् ।