दुई दा“तको बीचमा स्थानीय सरकारःमेयर साह

जनकपुरधाम, ७ असोज । जनकपुर उपमहानगरपालिकाका मेयर लालकिशोर साहले दुई दाँतको बीचमा स्थानीय सरकार रहेको चिन्ता व्यक्त गरेका छन् ।
जनकपुरधाममा आईतवार क्रियाशिल पत्रकार महिलाद्वारा आयोजित ‘स्थानीय तहम सुशासन र चुनौती’ विषयक अन्तरक्रिया कार्यक्रममा मेयर साहले सो कुरा बताएका हुन । उनले भने, ‘संघीय सरकार र प्रादेशिक सरकारबीचामा स्थानीय सरकारलाई कार्य गरिरहनु परेको हो । संरचनामा परिवर्तन भएपनि विचारमा परिवर्तन भएको छैन ।’
मेयर साहले स्थानीय सरकारलाई जिम्मेवारी नदिएको होइन, तर अधिकारको नाउँमा बझाइएको छ । संघीय सरकार र प्रादेशिक सरकारले बनाएको कानूनी आधारमा मात्र स्थानीय सरकारले काम गर्नुपर्ने संवैधानिक व्यवस्था छ । यस्तो अवस्थामा विकासको कार्य जुन तरिकाले हुनुपर्ने नहुने बताएका छन् ।
प्रादेश सरकारले स्थानीय सरकारलाई विभेदमा राखेकार आरोप लगाउँदै भने, ‘प्रदेश साँसद र प्रतिनिधि साँसदले भत्ता खाउने तर स्थानीय सरकारलाई भत्ता नदिने कस्तो कानून बनाइएको हो ।’स्थानीय तहमा कार्मचारीको अभाव रहेको यथार्थत हो तर स्थानीय सरकारले कर्मचारी भर्ना गर्न सकिदैन । अहिलेको अवस्थाको कुनै पनि व्यक्ति ज्यालादारीमा काम गर्न नचाहिरहेको उनले बताएकाछन् ।
नेपाल पत्रकार महासंघ प्रदेश २ को महिला उपाध्यक्ष रिकु गायत्री मिश्रको अध्यक्षतामा भएको सो कार्यक्रममा प्रदेश २ का महासचिव किरण कर्ण, पत्रकार साहित्यकार अशोक दत्त, नेपाल पत्रकार महासंघ धनुषा शाखाका अध्यक्ष अनिल मिश्र, पत्रकार बटुक नाथ झा लगायतले स्थानीय तहमा सुशासन र चुनौती बारेमा विचार राखेका थिए । उनीहरुले सुशासनको पक्षमा पत्रकारहरुलाई कलम चलाउनुपर्नेमा जोड समेत दिएका थिए ।