म आफै हिंसा पीडित छु ः उपमेयर मिश्र

जनकपुरधाम, १४ असोज । जनकपुरधाम उपमहा नगरपालिकाकी मेयर रिता कुमारी मिश्रले म आफै महिला हिंसा पीडित रहेकी बताएकी छन् ।
जनकपुरधाममा आईतवार क्रियाशील पत्रकार महिला, धनुषाद्वारा आयोजित ‘महिला हिंंसा न्यूनिकरणमा सञ्चारको भूमिका’ विषयको ‘अन्तरसम्वाद’ कार्यक्रममा उनले सो कुरा बताएकी छिन् । उनले भने, ‘म कति महिला हिंसामा छु, भन्न सकिने अवस्था छैन । म उपमेयर जस्ता महिला हिंसामा परेको हो भने अरु सर्वसाधारण महिला कति होल्ला आफै यकिन गर्न सकिन्छ ।’
उनले भनिन, ‘मैथिलानी महिलाहरुको कठोर व्रत जितिया पर्वको शुभकामना आदान प्रदानमा आफूले लगाएको सुतीको साडीमाथि धेरै जसो पुरुषहरुले लच्छना लगाइएको सुनेको छु । आफूले स्वतन्त्र पूर्वक कपडा पनि नलगाउन नपाउने’ प्रश्न गरेकी थिइन । यो एउटा उदाहरण मात्र बताएकी हो । यस्ता धेरै घटनाहरु छ जसबाट आफू पीडित रहेको उनले बताएकी छन् ।
उनले महिलाहरु राजनीतिमा अगाडि बढ्दा पुरुषहरु भयभित हुने गरेको छ । महिलाको पछाडि पार्नका लागि धेरै किसिमको लच्छनाहरु लगाउने गरेको बताएकी छन् । शिक्षा, स्वास्थ्य र बेरोजगारीको कारण महिलाहरु हिंसामा पर्ने गरेको उनले जिकिर गरेकी छन् ।
नेपाल पत्रकार महासंघ प्रदेश २ को महिला उपाध्यक्ष रिंकु कुमारी मिश्रको अध्यक्षतामा भएको सो कार्यक्रमको प्रमुख अतिथि समेत रहेकी उपमेयर मिश्रले महिला हिंसा विरुद्ध वार्ड वार्डमा कार्यक्रम गरेर महिला न्युनिकरण गर्ने अभियानकै रुपमा लिने बताएकी छिन् । उनले महिला हिंसा विरुद्ध अब चुप लागेर बस्दैनौ, ठाउँ ठाउँमा आवाज उठाउने जिकिर पनि गरेकी छिन् ।कार्यक्रममा नेपाल पत्रकार महासंघ धनुषाकी महिला उपाध्यक्ष मनिका झा, प्रदेश २ का महासचिव किरण कुमार कर्ण, कैलास दास, अबधेक कामत, जयन्त ठाकुर, नेहा झा लगायतका व्यक्तिहरुले विचार राखेका थिए ।