राजपाद्वारा असोज ३ गते विरोध तथा ब्लकआउट गर्ने कार्यक्रम घोषणा

जनकपुरधाम, २७ भदौ । राष्टिूय जनता पार्टी (राजपा) नेपालले असोज ३ गते संविधान घोषणा भएको दिनमा विरोध तथा ब्लकआउट गर्न जिल्ला(जिल्लामा परिपत्र जारी गरेको छ ।
राजपा अध्यक्ष मण्डलको काठमाडौंमा भदौ २५ र २६ गते बसेको दुई दिवसीय बैठकबाट संविधान जारी भएको दिन असोज ३ गते विरोधका कार्यक्रम गर्न तथा १५ मिनट ब्लक आउट गर्ने निर्देशन भएको राजपा प्रदेश २ प्रमुख सचेत एवं साँसद परमेश्वर साहले जानकारी दिएका छन् ।  उनले यसको तयारी सम्बन्धमा विहिवार जिल्लामा बैसर छलफल गर्ने पनि बताएका हुन ।
मधेशका सबै जिल्लाका अध्यक्ष मण्डललाई जारी गरिएको परिपत्रमा सबै जिल्लामा विरोधका कार्यक्रम गरेर ‘विरोध दिवस’ मनाउन निर्देशन दिइएको छ । राजपा संयोजक महन्थ ठाकुरद्वारा जारी परिपत्रमा असोज ३ गते दिउँसो विरोध प्रदर्शन तथा विरोधसभा गर्ने, साँझ ७ बजेदेखि सवा ७ बजेसम्म ‘ब्ल्याक आउट’ गर्ने र अन्य विरोधका कार्यक्रम आफैं तय गरेर विरोध गर्न निर्देशन दिइएको हो ।
मधेशी जनताको भावना विपरीत संविधान जारी भएको र संशोधन नभएका कारण २०७२ सालदेखि २०७४ सालसम्म राजपाले मनाउँदै आएको कालो दिवसको कार्यक्रमलाई यस वर्ष पनि निरन्तरता दिइएको राजपा नेपालका महासचिव केशब झाले बताएका छन । ‘संविधानमा केही पनि परिवर्तन नभएकाले हाम्रो माग र मुद्दा यथावतै रहेका कारण संविधानको विरोध गर्ने कार्यक्रम गर्न निर्देशन जारी गरिएको हो,’ उनले भने ।