तीनसय बढीले गराए निःशुल्क स्वास्थ्य जाँच

जनकपुरधाम, २८ भदौ । धनुषाको हंसपुर नगरपालिका ५ मा तीनसय बढी जनाले निःशुल्क स्वास्थ्य चेकजाँच गराएका छन् ।
हंसपुर नगरपालिका ५ को आयोजनामा तथा जपानी साथीको सहयोगमा भएको निःशुल्क स्वास्थ्य शिविर तथा रक्तदान कार्यक्रमका प्रमुख अतिथि सोही नगरपालिकाका मेयर रामज्ञान मण्डलले निःशुल्क स्वास्थ्य यस भेगका लागि निक्कै सराहनीय रहेको भन्दै यस्ता कार्य गरि राख्नुपर्ने उनले विचार राखेका छन् । उनले भने ‘स्वास्थ्य शिविर तथा रक्तदान’ कार्यक्रम दुबै महत्वपूर्ण रहेको छ । एक्कै ठाउमा स्त्री तथा प्रसुती रोग, दन्त रोग, बाल रोग तथा हार्डजोनी रोगको व्यवस्था रहेको छ ।’ उनले गरीब, विपन्न तथा असहायको लागि निक्कै सराहनीय कार्य रहेको बताए ।
वडा अध्यक्ष शिवशंकर साहको अध्यक्षतामा भएको स्वास्थ्य शिविर तथा रक्तदान कार्यक्रममा पचसभन्दा बढी व्यक्तिले रक्तदान गरेका छन भने तीस सय जनाले स्वस्थ्य जाँच गराएका छन् ।