६ बु“दे मँंग यथाशिघ्र कार्यान्वयन गर्ने सम्झौता

जनकपुरधाम, ३० भदौ । नेपाली काँग्रेस, नगर कार्य समिति धनुषा र जनकपुरधाम उपमहानगरपालिका बीच स्थानीय सरकारले बढाएको कर वृद्धि सम्बन्धी छलफल भएको नेपाली काँग्रेसले जानकारी गराएका छन् ।
काँग्रेस नगरसभापति मनोज साहले शनिवार पत्रकार सम्मेलन गरी छलफलको क्रममा नेपाली काँग्रेसले भाद्र ७ गते बुझाएको ६ बुँदे ज्ञापनपत्रमा उल्लेख बुँदाहरुलाई यथाशीघ्र कार्यान्वयनमा ल्याउने मेयर साहले प्रतिबद्धता जनाएको बताएका छन् ।
दुबैपक्षबीच भएको सम्झौतामा आर्थिक ऐन २०७५ले निर्धारण गरेको कर गैरकर तथा सेवा शुल्कका दरहरुमा यथाशीघ्र कार्यान्वयन गर्ने जनाइएको छ । साथै ज्ञापनपत्रका अन्य बुँदाहरुबाट उठाएका बुँदाहरु पनि अविलम्ब कार्यान्वयन गर्ने सम्झौतापत्रमा उल्लेख रहेको छ ।
छलफल कार्यक्रममा उपहानगरपालिकाको पक्षबाट  मेयर लालकिशोर साह, उपमेयर रिता कुमारी मिश्र, प्रशाकीय अधिकृत उमेश ढुंगाना रहेका थिए ।
त्यस्तै नेपाली काँग्रेसको तर्फबाट नगरसभापति मनोज कुमार साह, गणेश झा, किशोरी साह, प्रफुल घिमिरे, रविन्द्र कुमार सिंह, कन्हैया कुमार कर्ण, दिगम्बर राय रहेका थिए । त्यस्तै जनकपुर उद्योगा वाणिज्य संघको तर्फबाट अध्यक्ष ललित साह, महासचिव जितेन्द्र कुमार महासेठ रहेका थिए ।
पत्रकार सम्मेलनमा संसदीय दलका नेता तथा प्रदेश साँसद रामसरोज यादव, दिगम्बर राय, प्रफुल्ल घिमिरे, जगदीश महासेठ, कन्हैया कर्ण लगायत दर्जनौको उपस्थिति रहेको थियो ।