वडा अध्यक्ष साह तलव खर्चेर ८४ जना वृद्धआमालाई लगे भ्रमणमा

जनकपुरधाम, ९ असोज । जनकपुर उपमहानगरपालिका वडा नं.२  का वडा अध्यक्ष शिव कुमार साहले स्थानीय सरकारको निर्वाचन पश्चात् पदभार ग्रहण गरेको एकवर्षको अवसरमा ८४ जना वृद्धआमालाई धार्मिक भ्रमणमा पठाइएको छ ।
वडा अध्यक्ष साहले एकवर्षको पाएको तलवबाट वडा ३ का ८४ जना वृद्ध आमाहरुलाई मनकामना, देवघाट, पशुपति र बुढा निलकण्ठ दर्शनका लागि पठाइएको छ । उनले वृद्धआमाहरुकै आशीर्वादले आफू अगाडि बढेको भन्दै एकवर्षको तलव उनीहरुकै सेवाको रुपमा लगाइएको बताएका छन् ।
अध्यक्ष साहले दुई वटा बसमा उनीहरुलाई मंगलवार नै जनकपुरधामबाट विदाई गरिएको हो । प्रत्येक वृद्धआमालाई एकथाम साडी पनि दिएको छ । यो भन्दा अघि जेष्ठ २ गते १२५ जना वृद्ध आमाहरुलाई भारतको राजगिर, वैद्यनाथधा लगायतको धार्मिक स्थलमा भ्रमण गराएका थिए । त्यस्तै नेपालकै पुष्पवलपुरमा समेत उनले सवाँसय वृद्धआमाहरुलाई धार्मिक पर्यटकीय स्थलमा लगेर धार्मिक दर्शन गराएका थिए ।
वृद्धआमाहरुलाई भ्रमण कार्यक्रममा जनकपुर उपमहानगरपालिकाका ९ वडा अध्यक्ष परमेश्वर साह, ११ का वडा अध्यक्ष रामचन्द्र साह, १ का वडा अध्यक्ष शत्रुधन साह, २४ का वडा अध्यक्ष सत्यनारायण साह, सोही वडाका वडा अध्यक्ष लगायतले वडा अध्यक्षलाई धन्यवादका साथै हामीहरुलाई पनि यिनीहरुबाट सेवा गर्ने सिख्नुपर्ने विचार राखेका थिए । वडा अध्यक्ष साहले गरेको कार्य निक्कै प्रशंसनीय रहेको समेत बताएका छन् ।