मन्त्री रायद्वारा बोलबम यात्रीलाई विदाई

जनकपुरधाम, ३ भदौ । राजपा महिला संघ धनुषाले मधेश कल्यानार्थका लागि बोलबम यात्रामा निस्केका यात्रुहरुलाई भूमिसुधार कृषि तथा सहकारी मन्त्री रामनरेश रायले विदाई गरेका छन् ।
बोलबम महिला यात्रुहरुले जनकपुरधामको ऐतिहासिक गंगासागर सरोवरमा आईतवार जल भरेर महोत्तरीको जलेश्वरनाथका लागि प्रस्थान गरेका छन् । उनीहरुलाई दोसल्ला ओढाएर मन्त्री रायका साथै प्रदेश नं. २ का साँसद रामअशिष यादव, परमेश्वर साह लगायतले ती यात्रुहरुलाई संयुक्त रुपमा विदाई गरेका छन् । विभा ठाकुरको नेतृत्वमा करीब एकसयबढी महिलाहरु आईतवार यहाँबाट महोत्तरीको जलेश्वरनाथ दर्शनका लागि निस्केका छन् । उनीहरु रातमा महोत्तरीको पिपरामा विश्राम गरेर सोमवार विहान पुनः जलेश्वरनाथका लागि प्रस्थान गर्ने बताएकी छन् । जनकपुरधामको गंगासागर सरोवरबाट जलभरेर महोत्तरीको जलेश्वरनाथ जाने पहिलो यात्राको रुपमा रहेको ठाकुरले जनाएकी छन् ।
स्थानीय सरकार तथा प्रदेश सरकार गठन पश्चात् प्रदेश २ को कल्याणनार्थ तथा समृद्धिका लागि सो यात्रा गर्न लागेकी महिला संघकी ठाकुरले बताएकी छन् ।
उनले अति पिछडिएका प्रदेश मध्ये प्रदेश नं. २ रहेको छ । यी प्रदेशको सुख समृद्धि तथा आर्थिक उन्नतिका लागि जनकपुरधामको पवित्र सरोवर गंगासागर सरोवरबाट जल भरेर जलेश्वरनाथ मन्दिरसम्म पैदल यात्रा गर्न लागेको बताएकी छिन् ।
ठाकुरले भनिन, ‘सैयौकी संख्यामा राजपा महिलाहरु यसमा सहभागी भइन, उनीहरुलाई पिपरामा स्वागत गर्ने कार्यक्रम समेत रहेको छ । एकरात पिपरामै विश्राम गरेर सोमवार बाबा भोलेनाथलाई चढाएर र प्रदेशको समृद्धिका लागि कामना गर्नेछौ ।’

गंगा सागर वृत्तचित्र प्रदर्शन

जनकपुरधाम, २९ साउन । धार्मिक एवं ऐतिहासिक सरोवर गंगासागर र धनुष सागरमा आधारित ‘गंगा सागर’ वृत्तचित्र प्रदर्शन भएको छ ।
जनकपुरधामको रामजानकी सिनेमा हालमा सो वृत्तचित्रको प्रदर्शन गरिएको हो । पत्रकार कैलास दासद्वारा लेखन तथा निर्देशन भएको सो वृत्तचित्रमा साउण्ड पत्रकार दीपक कर्णले दिएका छन् । त्यस्तै छायांकन र सम्पादन संजय यादवले गरेका छन् ।
गंगासागर तथा धनुषसागरको महत्व तथा त्यसमा स्नान गरेपश्चात् हुने पुण्य लगायतमाथि वृतचित्तमा जोड दिएका छन् । ३० मिनटभन्दा बढीको रहेको सो वृत्तचित्रमा गंगासागर तथा धनुषसागरको आलवा स्वर्गद्वार, कालीमन्दिर, पगलाबाबा समाधीस्थल, परिक्रममा विश्राम स्थल, गगा आरती, शिवमन्दिर रामायाण भवन सहितको धार्मिक एवं ऐतिहासिक किसिमले ब्यख्या गरेका छन् ।
गंगा सागर वृत्तचित्र प्रदर्शन पश्चात् समिक्षा बैठकमा प्रदेश २ का राज्यमन्त्री सरोज सिंह कुशवाहाले वृत्तचित्रलाई प्रशंसा गर्दै भने, ‘यो वृत्तचित्रले धार्मिक तथा ऐतिहासिक महत्वलाई स्थान मात्र दिएको छैन, जनकपुरधाममा पर्यटक तान्नमा समेत सहयोग गरेको छ ।’ उनले प्रदेश सरकारले जनकपुरधाममालाई पर्यटकीय धामको रुपमा विकास गर्ने प्रतिद्धता जनाउँदै आउने दिनमा यो भन्दा पनि राम्रो र स्तरीय वृत्तचित्र बनोस् शुभकामना दिएका छन् ।
नेपाल पत्रकार महासंघ धनुषाका अध्यक्ष अनिल मिश्रको अध्यक्षतामा भएको समिक्षा बैठकमा राज्यमन्त्री कुशावाहाले जनकपुरधामको पर्यटकीय नगरीको रुपमा विकास गर्नका लागि वृतचित्रका साथै पर्यटक तान्नेलाई विशेष गुरुयोजना बनाउनुपर्नेमा जोड दिएका छन् ।
जानकी मन्दिरका सहायक महन्थ रामरोशन दास वैष्णवले गंगासागर वृत्तचित्रले जनकपुरधामलाई पर्यटकीय स्थलको रुपमा विकास गर्ने लक्ष्य दर्शाएको बताएका छन् । उनले यो वृत्तचित्र एउटा पार्टको रुपमा मात्र रहेको भन्दै जानकी मन्दिर लगायतको धार्मिक स्थलको रुपमा बनाउनुपर्ने बताएका छन् । उनले राज्यद्वारा मिथिला कोषको निर्माण होस् प्रदेश सरकारसँग आग्रह समेत गरेका छन् ।समिक्षा कार्यक्रममा नेपाली काँग्रेसका नगरसभापति मनोज साह, पत्रकार, साहित्यकार एवं संगीतकार अशोक, दत्त, सुनिल मल्लिक, नित्यानन्द मण्डल, विश्वालाल सिंह, सरोज राय, सुनिता यादव, सुरेश शर्मा लगायतले विचार राखेका छन् ।

परिचालकहरुद्वारा नगरभित्र प्रदर्शन

जनकपुरधाम, २९ साउन । प्रदेश नं. २ का सामाजिक परिचालकहरु आन्दोलनमा उत्रेका छन ।
नेपाल सामाजिक परिचालक कर्मचारी संघ प्रदेश नं. २ ले आन्दोलनको पूर्वनिधारित कार्यक्रम अनुसार आज दोश्रो दिन पनि जनकपुरमा प्लेकार्ड सहित प्रदर्शन गरेको छ । जनकपुरको पिडारी चोक देखि शुरु भएको प्रर्दशन नगर परिक्रमा गर्दै जनक चोेकमा कोणसभामा परिणत भएको थियो । लामो समयसम्म जनताको सेवा गरे पनि गत असारबाट प्रदेश नं. २ का ८ सय ५४ जना सामाजिक परिचालकलाई नेपाल सरकारले कामबाट निकालेको भन्दै उनीहरु पुर्नबहालीको माग गर्दै आन्दोलमा उत्रेका हुन् ।
नेपाल सरकारले पूर्ण सेवा सुविधा उपलब्ध गराई हाललाई कार्यालय सहायकमा म्याद थप गरी निरन्तरता दिनु पर्ने र योग्यताको आधारमा एक पटक उमेर हद नलाग्ने गरी दरबन्दी सृजना गरी स्थानीय तह कर्मचारीमा समायोजन गर्नु पर्ने उनीहरुको दुई बुँदे माग रहेको छ ।
सडक संघर्षबाट पनि आफुहरुको मागप्रति सुनुवाई नभए आमरण अनशनसम्म बस्न बाध्य हुने कर्मचारी संघका अध्यक्ष शिवशंकर मेहताले चेतावनी दिएका छन । समाजिक परिचालकहरुले गत साउन १९ गते जनकपुरमा पत्रकार सम्मेलन गरी प्रदेश २ सरकारलाई दुईबुँदे माग पुरा गर्न पाँचदिने अल्टिमेटम दिएका थिए । अल्टिमेटम अवधि भित्र समेत आफुहरुको मागप्रति कुनै सुनुवाई नभएकाले बाध्य भएर सडक संघर्षको कार्यक्रम घोषणा गरेको अध्यक्ष महेताको भनाई छ । आफुहरुलाई सरकारले कामबाट हटाउँदा उमेर हद लगायतका विभिन्न कारण रोजगारी पाउन समेत असम्भव भएकाले माग सम्बोधन नभएसम्म आन्दोलन गरिरहने समाजिक परिचालकहरुले चेतावनी दिएका छन्

सवारी सञ्चालन तथा दुर्घटना सम्बन्धी अन्तरक्रिया कार्यक्रम

जनकपुरधाम, २९ साउन । जनकपुरधाममा ‘सवारी संचालन तथा दुर्घटना व्यवस्थापन’ सम्बन्धी एक दिवसीय अन्तरक्रिया कार्यक्रम सम्पन्न भएको छ ।
युनाईटेड नेपाल टूान्सपोर्ट भलाई एण्ड इन्भेष्टमेन्ट प्रा.लि. द्वारा मंगलवार आयोजित अन्तरक्रिया कार्यक्रमका प्रमुख अतिथि केन्द्रिय अध्यक्ष राजेन्द्र तिवारीले सवारी दुर्घटनाका कारण धन र जनको व्यापक क्षतिबाट विस्थापित हुने पुगेका हजारौं व्यावसायीहरुको भावनालाई आत्मसाथ गरी यो संस्था स्थापना गरिएको बताएका छन् ।
उनले नेपाल सरकारकै स्वामित्वमा यो संस्था स्थापना गरिएको भन्दै यसको उद्देश्य वैज्ञानिक ढंगबाट दुुर्घटनालाई व्यवास्थापन गर्न र नियम अनुसार मृतक परिवारलाई तत्काल क्षतिपूर्ति र घाइतेहरुलाई असिमित दायित्व वहन गर्ने रहेको बताएका छन् ।
केन्दिय अध्यक्ष तिवारीले सवारी दुर्घटनामा मृत्यु हुनेहरुका मृतक आफन्तलाई तत्काल कानूतः रकम उपलब्ध गराउने, घाइते भएमा अनुभवी चिकित्सबाट औषधी उपचारको पूर्ण व्यवस्था गर्ने, सवारी क्षतिको दायित्व बहन गर्ने लगायतको क्षेत्रमा कार्य गर्ने बताएका छन् ।
उनले भने, ‘सातवटै प्रदेशमा यो संगठतको विस्तार गर्ने छौ । अरु प्रदेशमा भई सकेको छ । यस प्रदेशमा आजै गठन हुन्छ ।’
विनोद श्रेष्ठको अध्यक्षतामा भएको अन्तरक्रिया कार्यक्रममा जनकपुर अञ्चल बस व्यवसायी संघका अध्यक्ष मनोज चौधरी, राजेन्द्र कुमार जैन लगायतका व्यक्तिहरुले धारणा राखेका छन् ।