जनकपुरमा अन्तर्राष्ट्रिय हवाई सेवा संचालन हुन्छ ः मन्त्री अधिकारी

जनकपुरधाम, ११ बैशाख । नागरिक उड्यन, पर्यटन तथा सांस्कृति मन्त्री रविन्द्र अधिकारीले जनकपुर विमानस्थलकलाई अन्तर्राष्टिूय हवाईस्तरको हवाई सेवा सञ्चालनमा ल्याउने बताएका छन् ।
प्रेस चौतारी नेपाल, धनुषाद्वारा मंगलवार जनकपुरधाममा आयोना गरिएको पत्रकार सम्मेलनमा मन्त्री अधिकारीले जनकपुर विमानस्थलमा जहाजको संख्या बढाएर अन्तर्राष्टिूयस्तरको हवाई सेवा सञ्चलन गर्ने वर्तमान सरकारको लक्ष्य रहेको बताएका छन । उनले  भने, ‘विराटनगर, धनगढी, नेपालगञ्ज लगायत भारतका विभिन्न सहरमा ठूला जहाज अवतरण हुन सक्ने विमानस्थललाई विस्तार गर्ने सरकारको योजना छ । सोही योजना अनुसार जनकपुर विमानस्थलको स्तरोन्नती गरी अन्तर्राष्टिूयस्तरको हवाइ सेवा सञ्चालन हुन्छ ।’
उनले जनकपुर विमानस्थलको टर्मिनल भवन छिट्टै सञ्चलानमा ल्याई १३सय मिटरको रनवेलाई बढाई १५ सय मिटर बनाउने कार्ययोजना आगा बढाएको बताएका हुन । मन्त्री अधिकारीले आउने वर्षमा जनकपुर विमान स्थलमा आइएफआर जडान गरी रात्रीकालीन समयमा पनि विमान सञ्चलान गर्ने बताएका छन ।
विमानस्थल विस्तारका लागि जग्गा रोक्का गरिसकेको र अब मुवाब्जा वितरण गरी आउने वर्षमा जग्गा प्राप्ति गर्ने उनको भनाई थियो । उनले पर्यटन क्षेत्रमा विकाशका लागि अन्तरप्रादेशिक हवाइ सेवा सञ्चलन गर्नु पर्नेमा जोड दिएका छन ।
पर्यटन विकाशकालागी अफुले प्रदेश २ का मुख्यमन्त्री लालबाबु राउत संगको छलफलमा छिट्टै कानून निर्माण गरी पर्यटन विकास समिति बनाउन अनुरोध गरेको उनले बताएका हुन ।  भारतीय प्रधानमन्त्री नरेन्द्र मोदीको नेपाल भ्रमणको बारेमा बोल्दै मन्त्री अधिकारीले दुबै देशबीच धेरै पटक छलफल भएको र भ्रमणको क्रममा कतिपय छलफलको विषयवस्तु निष्कर्षमा पुग्ने विश्वास दिलाएका छन । ‘नेपाल(भारतबीचको व्यापारिक, सांस्कृतिक, धार्मिक र राजनीतिक सम्बन्ध महत्वपूर्ण छ’ उनले भने ।
नेकपा एमालेका जिल्ला अध्यक्ष राजकिशोर यादवको अध्यक्षतामा भएको पत्रकार सम्मेलनमा मन्त्री अधिकारीले रामायण कथामा जोडिएको मुख्यतः जनकपुर, अयोध्या, इन्डोनेसीयाको बाली र श्रीलङका जोडिएको रामायण सर्किटको निमार्ण कार्यलाई आफूहरुले अगाडी बढाउने बताएका छन । रामायण सर्किटका लागि एयरपोर्ट, सडक, कनेकटिभिटी लगायतका पूर्वाधारहरु राम्रो भएपछि मात्रै रामायण सर्किट पूरा हुने औल्याएका छन ।  मन्त्री अधिकारी जानकी मन्दिरलाई विश्व सम्पदा सूचीमा सूचीकृत गराउनु आफुले हरसम्भव प्रयास गर्ने बताए ।
पत्रकार सम्मेलनमा प्रदेश साँसद किशोरी साह, प्रेस चौतारी धनुषाका धर्मेन्द्र झा, अवधेश कामत सहितको उपस्थिति रहेको थियो ।