राज्यमन्त्री कुशवाहा द्वारा साइकल वितरण

जनकपुरधाम, १९ भदौ । आन्तरिक मामिला तथा कानून राज्यमन्त्री सरोज सिंह कुशवाहाले छात्राहरुलाई साइकल वितरण गरेका छन् ।
प्रदेश सरकारको ‘बेटी पढाउ, बेटी बचाउ’ अभियान अन्तर्गत राज्यमन्त्री कुशवाहाले धनुषाको क्षीरेश्वर नगरपालिका वडा नं. ९ इच्छापुर स्थित श्री माध्यमिक विद्यालयका छात्राहरुलाई साइकल वितरण गरेका हुन ।
वडा अध्यक्ष अशोक चौधरीको अध्यक्षतामा भएको साइकल वितरण कार्यक्रममा राज्यमन्त्री कुशवाहाले १४ जना छात्राहरुलाई साइकल वितरण गरेको हो ।
साइकल वितरण कार्यक्रममा मन्त्री कुशवाहाले देशमा संघीयता विरुद्ध षड्यन्त्र भई रहेको भन्दै यसका लागि सतर्क रहन सबैमा आग्रह गरेका छन् । उनले संघीयता विरुद्ध कुनै कार्य भएमा आन्दोलनका लागि तयार रहनुपर्ने आवश्यकता रहेको समेत ओल्याएका छन् ।