लकडाउनमा गिलोय खोज्दै युवाहरु ः सेवनले सय रोग निक्को हुने विश्वास

जनकपुरधाम, ७ बैशाख । गिलोय शब्द हिन्दी शब्द हो, यसलाई अमृता पनि भनिन्छ । हाम्रो यतातिरको भाषामा यसलाई गुरगुज भन्ने गरिन्छ ।
योग गुरु रामदेव बाबाले लकडाउनमा गिलोय अर्थात अमृताको गुणको बारेमा विशेष चर्चा गरेपछि युवा मात्र होइन, बुढावाहरु पनि जंगलझारीमा गिलोय खोजी सेवा गर्ने गरेको छ । गिलोयको सेवनले सय बिमारी निक्को हुने र कोरोना भाइरसबाट लड्नमा पनि मद्दत पुर्याउने योगको रामदेवको कथन हो।
गिलोयको सेवनले कोरोना भाइरसबाट बाँच्न सकिन्छ शिक्षक जगत यादव भन्छन् । उनले भने, ‘आफू विहान र साँझ यसको भरपूर सेवन गर्दछु । जलाद नदीको जंगलझारीबाट खोजी खोजी ल्याएर आफू र परिवारले पनि गिलोयको सेवन गर्ने गर्दछ ।’
‘गिलोयको सेवनले कोरोना भाइरस लाग्दैन वा लागेमा निक्को हुने चिकित्सकले त दावी गरेको छैन । तर यसबाट धेरै यस्ता रोगहरु छन् जुन निक्को हुने विश्वास छ’ शिक्षक यादवले भने ।
लकडाउनको अवधिमा करीब २५ प्रतिशत व्यक्ति यसको सेवन गरिरहेको आपूmले महसुस गरेको उनले दावी गरेको छ ।
लकडाउनमा घरमै बसी बसी कसरी स्वस्थ्य रहने युवाहरु विभिन्न प्रकारको युक्ति सोचि रहेका हुन्छ । वर्तमान अवस्थामा शहर सुनसान देखिएपनि युवाहरु विहान र बेलुका बढी समय कुनै खेलमैदानमा विभिन्न खेलकुद गरी विताउने गर्दछ । विहान विहानै महिला, बालबालिका तथा युवाहरु मोर्निङ्ग वाक गर्ने गरेको पाइन्छ । तर साझ र बेलुका तातोपानी खानु, गिलोय सेवन गर्नु, साबुन पानीले हाथ धुने गरेको युवाहरु दावी गरेको छ । विशेष गरी लकडाउन अवधिमा अनुहन कालो भएपनि हाथ निक्कै सफा सुघर रहने गरेको पाइएको शिक्षक यादवले दावी गरे ।

गिलोयमा धेरै गुणहरु छ । सृजन कम गर्न, सुगरलाई नियन्त्रिण गर्ने, गुठिया रोगबाट लड्नुका साथै शरीरलाई सोधन गर्ने सबै गुणहरु हुन्छ । गिलोयको प्रयोगले स्वाँस सम्बन्धी जस्तै दम्मा, रुघाखोकी रोग निक्को हुने गर्दछ । त्यति मात्र होइन, छाला सम्बन्धी रोग, रक्तको कमी, पीलिया र कुष्ठ रोगको उपचारमा पनि कार्य आउने गर्दछ ।
आयुर्वेदमा यसको सेवन गर्नाले अमृतको जस्तो गुणकारी हुने भएकोले अमृता वा जीवन्तिका नाम पनि दिइएको छ । यसको लहरा वन जंगल, खेत, पहाड़ लगायतको विभिन्न स्थानमा रुख विरुवामाथि लहरा भएर चढेको पाइन्छ । नीम, आम, बांस इत्यादी प्रजातिका रुखहरुमा अक्सर पाइन्छ । यसको गांठ गांठहरुबाट जरा निस्किएर तल तिर झुण्डिएर रहेको हुन्छ जसले माटो पाउने बित्तिकै त्यसैबाट पुनः नयाँ विरुवा पलाएर आउंछ ।
यसको लहराको बाहिरी एकदमै पातलो बोक्रा हटाएर भित्रको हरियो गुद्दीदार काण्ड सेवन योग्य हुन्छ र यसको स्वाद एकदमै तितो हुन्छ । यसको फूल पहेलो र फल ग्रीष्म ऋतुमा गुच्छामा फलेको सानो सानो मटरको दाना जस्तो हुन्छ ।  यसलाई आबश्यकता अनुसार गमलामा पनि रोपण गरि हुर्काउन सकिन्छ ।