जनकपुरधामको गल्ली—गल्लीमा प्रवेश निषेध

जनकपुरधाम, १ जेठ । जनकपुरधाममा कोरोना सक्रमित व्यक्ति फेला परेपछि जनपुरधामको विभिन्न टोलमा प्रवेश निषेध गरिएको छ ।
जनकपुरधामका उपमहानगरपालिका वडा नं. ४ र वडा नं. २ को विभिन्न गल्लीमा स्थानीयहरुले आफै बाँसको ढाट लगाई प्रवेश निषेध लेखेर बोर्ड झुण्डाइएको छ । धनुषा र महोत्तरीमा एक्कै दिन दुईदुईजना कोरोना संक्रमित व्यक्ति फेला परेपछि स्थानीयहरु निक्कै त्रसित बनेको छ ।
बैशाख १ गते बुधवार जनकपुरधाममा एकजना पत्रकार एकजना पुस्तक व्यवसायीमा कोरोना संक्रमित रहेको स्वास्थ्य मन्त्रालयले सार्वजनिक गरेपछि जनकपुरधामका व्यक्तिहरु भयभित बनेका छन् । प्रदेश २ कोरोना संक्रमितको उच्च जोखिम रहेकोे छ । प्रदेश २ मा अहिलेसम्म सयजना कोरोना संक्रमित भई सकेको जनाइएको छ ।
त्यस्तै धनुषामा खुकुलो पारिएको लकडाउन बुधवारदेखि पुनः कडा पारिएको छ । बुधवार फाँटफाट पसलहरु खुलेपनि विहिवार पूर्ण रुपमा बन्द रह्यो । जनकपुरधामका व्यापारीहरुले जनकपुरधामा कोरोना संक्रमित फेला परेपछि आफै पसल बन्द गरेको हो ।
नेपालमा समाचार लेखुन्जेलसम्म कोरोना संक्रमितको संख्या २४६ पुगेको छ भन्ने अहिलेसम्म निक्को भएको संंख्या ३५ रहेको छ ।

त्यस्तै विश्वमा कोरोना भाइरसबाट मृत्यु हुनेको संख्या दुई लाख ९८ हजार ४सय ४२ पुगेको छ भन्ने संक्रमित हुनेको संख्या ४४ लाख ४५ हजार ९ सय ८१ पुगेको विश्व स्वास्थ्य संगठनले तथ्यांक सार्वजनक गरेको छ ।