जनकपुरधाममा इन्सेकको प्रदेश कार्यालय सञ्चालन

जनकपुरधाम, १५ साउन । जनकपुरधाममा अनौपचारिक सेवा केन्द्र (इन्सेक)को प्रदेशस्तरीय कार्यालय मंगलवारदेखि सञ्चालनमा आएको छ ।
इन्सेकका केन्द्रिय अध्यक्ष सुबोधराज प्याकुरेलको अध्यक्षतामा तथा संस्थापक अध्यक्ष सुशिल प्याकुरेलको प्रमुख आतिथ्यमा भएको कार्यालयको उद्घाटन सत्रमा सहभागीहरुले इन्सेक नेपाल मानव अधिकार क्षेत्रमा उल्लेखनीय कार्य गर्दै आएको बताएका छन् ।
कार्यालय उद्घाटन सत्रका प्रमुख अतिथि प्याकुरेलले मानव अधिकारको उपयोग गर्नतर्फ सबैलाई लाग्नुपर्ने आग्रह गरेका छन् । उनले संस्थाको बारेमा जानकारी गराउँद लक्ष्य सहित लाई लिएर अगाडि बढ्न विश्वस्त रहेको बताएका छन् ।
त्यस्तै मानव अधिकार धनुषाका प्रमुख दीपेन्द्र सिंहले मानव अधिकार संरक्षण क्षेत्रमा यो संस्था राम्रो कार्य गरिरहेको दावी गरेका छन् । उनले प्रादेशिक कार्यालय स्थापना भएपछि अझै सशक्त भएर कार्य गर्ने विश्वास व्यक्त गरेका छन् ।
कार्यालय उद्घाटन सत्रमा धिरेन्द्र सिंह, महिला अधिकारकर्मी उर्मिला यादव, पत्रकार रिंकु गायत्री मिश्र, राजनीति विज्ञ सुरेन्द्र लाभ लगायतका व्यक्तिहरुले धारणा राखेका छन् । कार्यक्रमको संचालन विनोद महराले गरेका थिए ।