राजपा संविधान संशोधनको अन्तिम पर्खाईमा छ ः यादव

जनकपुरधाम, १३ साउन । राष्टिूय जनता पार्टी नेपालका अध्यक्ष मण्डलका सदस्य राजकिशोर यादवले संविधान संशोधन अन्तिम पर्खाईमा राजपा रहेको बताएका छन् ।
जनकपुरधाममा आईतवार पत्रकार भेटघाट कार्यक्रममा उनले भने, ‘राजपा वर्तमान सरकारलाई पूर्ण समर्थन गरेको छ, यसमा दुईमत छैन, वर्तमान सरकारले संविधान संशोधन गर्ने प्रतिबद्धता गरेका छन, त्यसैको अन्तिम पर्खाईमा छौ । संविधान संशोधन तथा मधेश आन्दोलनमा लगाइएको मुद्दाहरु फिर्ता नलिएमा समर्थन फिर्ता लिनेछौं ।’
अध्यक्ष मण्डलका सदस्य यादवले प्रचण्ड बहुमत प्राप्त ओली नेतृत्वको सरकारलाई संविधान संशोधनको प्रतिबद्धता अनुसार समर्थन गरेपनि अनुसार सरकार स्प्रिट बाहिर गएको बताएका छन् । संविधानको मुख्य तीन आत्मालाई समर्थन गर्दै सरकारलाई समावेशी, संघीयता र लोकतन्त्रिक पद्धतिको मुल्य मान्यतालाई संस्थागत गर्न सरकारलाई समर्थन दिएपनि विधिको शासन पद्धतिमा चल्न नसकेको आरोप लगाएका छन ।
उनले भने ‘राजपा नेपाल सरकारमा जाने वा नजाने सवाल ठुलो होईन, हाम्रो प्रमुख मुद्दा भनेको संघीयतालाई सफलता दिन हो ।, यहाँ संघीयता असफल भयो, भने मधेश आन्दोलनको मूल मर्म समाप्त हुन्छ, त्यसैले संघीयतालाई सफल कार्यान्वयनको पक्षमा हामी उभिएका छौं ।’
पत्रकारको एक जिज्ञासनमा अध्यक्ष यादवले भने, ‘यो मुलुकमा विविधतायुक्त भाषाभाषि, जातजाति, धर्म संस्कृतिको एउटा संगम हो, अझ मधेशको राष्टिूयतालाई स्थापित गर्ने काम भएपनि देश विखण्डनको आरोप संकुचित मानसिकता भएका व्यक्तिहरुले लगाउने गरेको छ ।’
प्रदेश २ को सरकारको कामकाज बारे असन्तुष्टि जनाउदै अध्यक्ष यादवले संघीयताको नयाँ अभ्यास रहेको तथा प्रदेश सरकार स्वायत नभएकोले समस्या उत्पन्न भएको बताए । उनले आफुहरुले स्वायत शासन सहितको संघीयताको लागि मधेशी जनताले लडेको र त्यसलाई पुरा हुन अझै समय लाग्ने बताए ।
संघीय सरकारको तर्फबाट यही असोजभित्र प्रदेश कानून आएपछि कामकारवाहीको आधारमा प्रदेश सरकारको मुल्याङ्कण गरिने र तत्काल प्रदेश सरकारको कामकारवाहीको लागि तीन सदस्यीय टोली पठाउन लागेको जानकारी समेत दिएका छन ।