मुसहर समुदायका १६६ जना विद्यार्थी सम्मानित

जनकपुरधाम, ९ साउन । अति पिछडिएका मुसहर समुदायका २०७४ का एसइई उत्तीर्ण विद्यार्थीहरुलाई एक सम्मारोहबीच सम्मानित गरेको छ ।
भोरक नामक संस्थाले मुसहर समुदायका एसइई २०७४, कक्षा १२ स्नातक र स्नातकोत्तर उत्तीर्ण भएका १० वटा जिल्लाका एसय ६६ जना विद्यार्थीहरुलाई प्रमाणपत्र सहित सम्मानित गरेका छन् ।
संस्थाका अध्यक्ष राजकुमार महतोको अध्यक्षतामा भएको ‘सम्मान तथा उच्च शिक्षा अध्ययन गर्न सहयोग घोषणा समारोह’ कार्यक्रमका प्रमुख अतिथि नेपाली फिल्मका नायक एवं निर्देशक निखिल उप्रेती, प्रदेश नं. २ का सांसद रामअशिष यादव सहितले संयुक्त रुपमा उनीहरुलाई सम्मानित गरेका छन् ।
सम्मानित हुनेमा नवलपरासीबाट एसइई उत्तीर्ण ३ जना, कक्षा १२ उत्तीर्ण २ जना, पर्साबाट एसईई उत्तीर्ण २ जना कक्षा १२ उत्तीर्ण ४ जनालाई सम्मानित गरेका छन ।
त्यस्तै रौतहटबाट एसइइ उत्तीर्ण १२ जना कक्षा १२ उत्तीर्ण ९ जना, स्नातक उत्तीर्ण ३ जना, स्नातकोत्तर उत्तीर्ण २ जना, सर्लाहीबाट एसइइ उत्तीर्ण १४ जना कक्षा १२ उत्तीर्ण ४ जना, स्नातक उत्तीर्ण १ जना, स्नातकोत्तर उत्तीर्ण १ जना, महोत्तरीबाट एसइइ उत्तीर्ण १३ जना कक्षा १२ उत्तीर्ण ५ जना, स्नातक उत्तीर्ण २ जना, धनुषाबाट एसइइ उत्तीर्ण १४ जना कक्षा १२ उत्तीर्ण ७ जना, स्नातक उत्तीर्ण २ जना, स्नातकोत्तर उत्तीर्ण १ जना, सिरहाबाट एसइइ उत्तीर्ण २८ जना कक्षा १२ उत्तीर्ण २९ जना, स्नातक उत्तीर्ण ५ जना, स्नातकोत्तर उत्तीर्ण २ जना, सप्तरीबाट एसइइ उत्तीर्ण २३ जना कक्षा १२ उत्तीर्ण १४ जना, स्नातक उत्तीर्ण ४ जना, स्नातकोत्तर उत्तीर्ण १ जना, सुनसरीबाट एसइइ उत्तीर्ण १७ जना कक्षा १२ उत्तीर्ण ५ जना, स्नातक उत्तीर्ण १ जना, मोरंगबाट एसइइ उत्तीर्ण २५ जना कक्षा १२ उत्तीर्ण ९ जना, स्नातक उत्तीर्ण १३ जना सम्मानित गरेका छन् ।
कार्यक्रमका प्रमुख अतिथि नेपाली फिल्मका नायक एवं निर्देशक उप्रेतीले भोरक नामक संस्थाले गरेको कार्य सराहनीय रहेको भन्दै शिक्षा बिना समाज अगाडि बढ्न नसक्ने बताएका छन् । त्यस्तै प्रदेश साँसद रामअशिष यादवले पिछडिएका समुदायलाई अगाडि ल्याउनमा विभिन्न माध्यमबाट भोर नामक संस्थाले सधै कार्य गर्दै आएको भन्दै यसरी नै अगाडि बढ्दै जानेछ विश्वास दिलाएका छन् ।
कार्यक्रममा मुसहर समुदायका अगुवा नेता चन्देश्वर सादा, चन्देश्वर दास लगायत व्यक्तिहरुले विचार राखेका छन् ।