वर्तमान सरकार गफाडी सरकार हो ः अध्यक्ष जबरा

जनकपुरधाम, १३ साउन ।  राप्रपा (प्रजातान्त्रिक) का अध्यक्ष पशुपति शम्शेर जबराले वर्तमान सरकारलाई गफाडीको संज्ञा दिएका छन् ।
राप्रपा (प्रजातान्त्रिक) द्वारा जनकपुरधाममा आइतवार आयोजित पत्रकार सम्मेलनमा बोल्दै पूर्वप्रधानमन्त्री समेत रहेका अध्यक्ष जबराले निर्वाचनको समयमा तत्कालीन बाम गठबन्धनले गरेको बचनवद्धता हात्ती आयो हात्ती आयो फुस्सा जस्तै हुँदै गएको आरोप लगाएका छन ।
उनले भने ‘दुई तिहाईको यो सरकारले निर्वाचनका समयमा गरेका बचनवद्धताहरु अहिले आएर स्पष्ट हुँदैछ, त्यतिबेलाका कुराहरु जनतालाई सुखसुविधा प्रदान गर्नुभन्दा दुख दिनका लागि गरिएको थियो’ ।उनले देश संघीय संरचनामा गएपनि तीनै तहको सरकारको शासनशैली र कार्यशैली पूरानै रहेको बताए ।
नेता राणाले तिनै तहका सरकारहरु गठन भएपछि विपन्न,न्युन वेतनभोगी, मध्यमवर्ग र उद्यमी व्यवसायीलाई आघात पार्ने कार्यहरु भएको आरोप लगाउदै जनतालाई आर्थिक भार पर्नेगरि कर र करका दायरमा गरिएको अचाक्ली वृद्धी तथा सर्वत्र वजारभाउ र मुल्य वृद्धिले राज्य विरुद्ध विद्रोहको परिस्थितीतर्फ मुलुक उन्मुख हुदै गएको वताए ।
पार्टीको दुइ दिने प्रदेश स्तरिय भेलामा सहभागी हुन शनिवार जनकपुरधाम आएका अध्यक्ष पशुपति शमशेर जवरा आजै काठमाण्डौ फर्केका छन । प्रजातान्त्रिकको प्रदेश नं २ स्तरिय प्रादेशिक भेलामा आठवटै जिल्लाका अध्यक्ष,उपाध्यक्ष र सचिवहरुको उपस्थिती रहको थियो ।