चुरे संरक्षणको माँग गर्दै मन्त्रीलाई ज्ञापनपत्र

जनकपुरधाम ४ माघ । तराई मधेशको  चुरे संरक्षणको माँग गर्दै भौतिक पूर्वाधार विकास मन्त्रीलाई शुक्रवार ज्ञापनपत्र बुझाइएको छ ।
चुरे मधेश विकास मञ्च केन्द्रिय कार्य समितिले ‘चुरे तराई मधेश जोगाउ, तराई मधेश मरुभूमि हुनबाट बचाउ’ नाराका साथ भौतिक विकास मन्त्री जितेन्द्र सोनललाई ज्ञापनपत्र बुझाइएको हो ।
मञ्चका अध्यक्ष सुनिल कुमार यादवको नेतृत्वमा गएको टोलीले मन्त्री सोनललाई ज्ञापनपत्र बुझाउँदै मानव रहितको चुरे संरक्षण हुनुपर्ने, चुरे क्षेत्र भित्रका मानव वस्तीलाई व्यवस्थित क्ष्ोत्र छुटियाई वनजंगललाई संरक्षण सम्बद्र्धन तथा व्यवस्थापन गर्नुपर्ने, खुल्ला चरिचरण बन्द गर्नुपर्ने, खोला नालाबाट उत्खन्न गर्ने गिटी, बालुवा, डुंगालाई व्यवस्थित तरिकाले निकासीको व्यवस्थापन गर्नुपर्ने माँग गरेका छन् ।
यता मन्त्री सोनलले ज्ञापनपत्र बुझँदै भने, ‘चुरे संरक्षणको क्षेत्रमा यो मन्त्रालयले हरसम्भव प्रयास गर्ने छ ।’ उनले यो प्रदेश कृषि प्रदेशको रुपमा रहेको भन्दै चुरे संरक्षणका लागि योजना बनाए कार्य गर्ने प्रतिबद्धता समेत जनाएका छन् ।