एडीबी जाँदैन, तर प्रस्तावित ठाउँमा ल्याण्डफिल बन्न दिंदैन ः मन्त्री निधि

कैलास दास
जनकपुर । भौतिक पूर्वाधार तथा यातायात मन्त्री विमलेन्द्र निधिले जनकपुर नगरपालिकामा लागु भएको एडीविको सहयोग सञ्चालित एकीकृत शहरी विकास आयोजना कुनै पनि हालतमा फिर्ता नजाने ठोकुवा गरेका छन् । (२०७१ जेठ ३०)
पार्टीद्वारा शुक्रवार जनकपुरमा आयोजना गरिएको पत्रकार सम्मेलनमा उनले आफ्नो राजनीतिक चरित्र हत्या गर्ने उद्देश्यले झुठो प्रचारवाजी गरिएको र आयोजनाको काम अहिले पनि जारी रहेको बताए ।
उनले जनकपुरको सडक, नाला तथा ढलको लागि एशीयाली विकास वैकले १ अर्ब ९० करोड नेपाली रकम प्रदान गरेको र अहिले सडक विस्तारको लागि चिन्ह लगाउने कार्य भैरहेकाले त्यसमा सघाउनका लागि  आन्दोलनरत पक्षहरु आग्रह गरेका छन् । मन्त्रीले निधिले मिथिला क्षेत्रको सडकको विकासका लागि नयाँ बजेटमा मिथिला सडक विकास योजना लागु गरिन लागेको बताए ।
उनले जनकपुर जयनगर तथा बर्दीबास रेल्वेको सन्दर्भमा देखिएको समस्याको समाधान गर्ने कार्यमा मन्त्रालय अगाडि बढेको र चाडै समाधान हुने बताए । उनले फूलगामाको जग्गामा विश्वविद्यायको काम हुन्छ तर फोहरको व्यवस्थापन हुन नदिने पुनः दोह¥याएका छन् । आन्दोलनको पक्षमा रहेका पत्रकारहरुप्रति गुनासो पनि निधिले गरेका थिए । उनले एकपक्षीय तरिकाले जनकपुरका पत्रकारहरुले समाचार, लेख तथा विश्लेषण गर्ने काम गरेको बताए ।
वैकल्पक तथा वस्तिभन्दा टाढा फोहरको व्यवस्थापनका लागि जग्गा खोजिदा किन आत्ती प्रकट भैरहेको छ भनि प्रतिप्रश्न गरेका थिए । उनले एडिवी बचाउ संघर्ष समितिले वितरण गरेको पर्चामा ल्यान्डफिलको काम सकिएपछि प्रथम गणतान्त्रिक शहीद दुर्गानन्द झाको नाउमा उद्यान तथा प्रतिमाको अनावरण गर्ने कुरा उल्लेख रहेकाले त्यो शहिद प्रतिको अपमान हुने बताए । संघर्ष समितिको सल्लाहकार रहेका राजेश्वर नेपाली कै अध्यक्षतामा रहेको स्मारक निर्माण समितिले जानकी मन्दिको प्राङ्गणमा किन शहिद झाको स्मारक बनाउन नसकेको भनि प्रश्न गरेका थिए ।
ल्याण्डफिल साईटले कुनै पनि रोजगार एवं राम्रो काम नदिने बरु उक्त क्षेत्रमा प्रदुषण नै फैलाउने बताए । काठमाण्डौको फोहर ओखर पौवामा फाल्दा उक्त क्षेत्रमा फैलिएको प्रदुषण जस्तै प्रदुषण फूलगामामा फैलिने बताउनु भयो । मन्त्री निधिले जनकपुरधाममा भएको विकास मध्ये ८० प्रतिशत विकास आफू र  आफ्ना बुबाले गरेको दावी पनि गरेका थिए ।
उनले धनुषाको जटहीदेखि जनकपुर हुदै ढल्केवरसम्म ६ लाइनको सडक विस्तार गर्नका गृहकार्य अगाडी बढाएको र उक्त योजना चाडै आउने बताए । उनले भारतीय पक्षहरु संग भारतको जटहीमा भन्सार नाका स्थापना गर्नका लागि वार्ता भएको र भारत सरकार पनि सकारात्मक रहेको पनि बताए ।
उनले जनकपुरको सडकमा अहिले अस्थायी रुपमा सडकको निर्माण भैरहेको बताए । यसले एडीवीको योजनाप्रति कुनै रोकाव नहुने पनि बताए । अहिलेको लागि चल्न गोग्य सडक मात्र निर्माण भैरहेको जनकपुर वाँसीले हुनु हुदैन भन्यो भने काम रोकी दिने पनि बताए ।
जनकपुर नगपालिकाले गुठ्ठी संस्थान संग २० वर्षका लागि धनुषाको फूलगामा रहेको १२ विघा १७ कठ्ठा १७ धुर जग्गा पवारेमा सम्झौता गरि सकेको बेलामा मन्त्री निधिले नै उक्त जग्गा विश्व विद्यालयको भएको भने पछि उहाको विरोधमा संघर्ष समिति गठन गरि आन्दोलनको कार्यक्रम गआडी बढाएका थिए ।