‘संघीय संरचनाको दुईवटा खम्बा त्यो पनि डगमगाउँदै’

जनकपुरधाम, १६ मंसिर ।  संघीय संरचनाको दुईवटा खम्बा मध्ये एउटा राजनीतिक दल र अर्को नागरिक समाज राजनीतिक विश्लेषक डा. सुरेन्द्र लाभले बताएका छन् ।
जनकपुरधाममा आईतवार शान्तिका लागि साँझा अभियान (कोक्याप)को आयोजनामा भएको राजनीतिक दल  र नागरिक सामाजको भूमिका विषयक ‘सम्वाद’ कार्यक्रममा उनले सो कुरा बताएका हुन ।
डा. लाभले नागरिक समाज र राजनीतिक दल सरकारको पुलाको रुपमा कार्य गर्छन । तर दुबैबीच असमान्ता, मतभिन्नता देखिएकोले यस्तो अवस्थामा संघीयतामाथि खतरा देखा परेको बताएका छन् ।
उनले मधेशवादी दलले संघीयता र मधेशी जनताको अधिकारको लागि सधैं आन्दोलन गर्दै आएको भन्दै अहिले मधेशवादी दलको सरकार भएपनि नागरिक समाजसँग मतभिन्नता कायमै देखिएकोले ठूलो संकट र चुनौती समेत रहेको बताएका छन् ।
संविधान तहत नै तीन तहको सरकार भएको छ । तर केन्द्र र प्रदेश सरकारबीच सुमधुर सम्बन्ध छैन । तीनवटा तहमा राम्रो समन्वय हुन सकेको छैन । केन्द्रको ऐन कानून निर्माणको ढिलाईले प्रदेश सरकार सास्तीमा छन् । जनताले तिर्नुपर्ने कर, शुल्कमा वृद्धि गरिएको छ । कार्यालयहरुबाट आम जनताले सुलभ तकिराबाट सेवा सुविधा लिन सकेको छैन । भ्रष्टाचारको बिगबिगी देखा परेको छ । आमजनमा बढ्दो नैराश्यता देखिएकोले संघीय संरचनाको यी खम्बाहरु डगमगाई रहेको अवस्थामा रहेको उनले बताएका छन् ।
संजालका प्रदेश संयोजक अजय कुशवाहाको अध्यक्षतामा भएको सो कार्यक्रममा नागरिक समाजका अगुवाहरुले राजनीतिक दलहरुले सर्वसाधारण जनतालाई ठगिदै आएको बताएका छन् । उनीहरुले प्रदेशमा हिंसा बढ्नुको कारण वैदेशिक रोजगारी रहेको ठोकुवा गरेका छन् ।
कार्यक्रममा राजनीतिक दलबाट नेपाल कम्युनिष्ट पार्टीका प्रतिनिधि दिनेश यादव, नेपाली काँग्रेसका धनुषा उपसभापति सन्तोष यादव, संघीय समाजवादी फोरम नेपालका दिनेश यादव सहितले विचार राखेका छन् ।