प्रदेश २ मा ६ महिनामा ३९१ वटा घटना भएकोे तथ्यांक सार्वजनिक

 

जनकपुरधाम, २३ मंसिर । प्रदेश नं. २ मा मानव अधिकारको ३९१ वटा घटना उल्लंघन भएको तथ्यांक बाहिर आएको छ । ती मध्ये राज्यपक्षबाट ५९ वटा र गैर राज्यपक्षबाट ३३२ वटा गरी ३९१ वटा मानव अधिकार उल्लंघ नभएको तथ्यांकले देखाएको छ ।
अनौपचारिक सेवा केन्द्र (इन्सेक)ले नेपाल पत्रकार महासंघ प्रादेशिक कार्यालयमा बुधवार मिडिया साँझेदारी बैठकमा सन् २०२१ जनवरीदेखि जुनसम्मको सो तथ्यांक सार्वजनिक गरेका हुन ।
तथ्यांकमा अपहरण १२ वटा, पक्राउ ४ वटा बालअधिकार हनन ३१ वटा, अमानवीय व्यवहार ११ वटा, घाइते २२ वटा, हत्या ४५ वटा, जातिय विभेद २ वटा, धम्की ३ वटा, यातना १ वटा महिला अधिकार हनन १२५ वटा लगायतको भएको इन्सेकले उल्लेख गरेको छ ।
त्यसैगरी प्रस्तुत तथ्यांकमा बलात्कार घटना ११५ वटा, बालहिंसा ९५ वटा,  बजरजस्ती करणी ५ वटा, बालिका बेचबिखन ३ वटा, २५ जना बालिका र १ बालक सहित २६ जनामाथि यौन दुव्र्यवहार, १२ जना महिला घरेलु हिंसा, बोक्सी आरोपमा २३ र बलात्कारको प्रयासमा २१ महिला परेका तथ्यांक छ ।
इन्सेकका प्रदेश २ अध्यक्ष राजु पासमानको अध्यक्षतामा भएको मिडिया साँझेदार बैठकका प्रमुख अतिथि राष्टिूय मानव अधिकार आयोगका प्रदेश २ अध्यक्ष वीर बहादुर बुढामगरले कहिलेकाही अनुसन्धान नगरीकन समाचारहरु बाहिर आउँदा निर्दोष व्यक्ति पनि दोषी ठहरिने गरेकोले अनुसन्धान गरी समाचार सम्प्रेषण गर्नका लागि सबैमा आग्रह गरेका छन् । उनले पत्रकारमाथि सबभन्दा बढी जनता विश्वास गर्छन । ती समाचारहरुको विश्वासनियतालाई कायम राख्नका लागि विभिन्न घटनामा दोषी मानिएका व्यक्ति अनुसन्धानपछि निर्दोष हुने गरेकोले घटनाको अनुसन्धान गरी समाचार सम्प्रेषण गर्न बताएका छन् । 

पत्रकार र मानव अधिकारकर्मी न्यायको क्षेत्रमा कार्य गर्छन । कतिपय घटनामा अरु व्यक्तिले ठहराएका वा मानिएका दोषी व्यक्तिपछि निर्दोष सावित हुन्छ । यस्तो अवस्थामा उहाँको चरित्रमाथि ठूलो प्रश्नचिन्ह खडा हुने गर्छन बुढामगरले भने ‘मानव अधिकारकर्मी र पत्रकारलाई सधैं धाकधम्की आउने गर्छन, तर न्यायको क्षेत्रमा विचलित हुनुहुँदैन ।’
त्यसैगरी नेपाल पत्रकार महासंघका प्रदेश २ अध्यक्ष राजेश कुमार कर्णले इन्सेकको तथ्याकमा धेरै यस्ता घटनाहरु छन् जसको विवरण नआएको बताएका छन् । उनले घटना संकलन र मानव अधिकारकर्मीले कतिजनालाई न्याय दिलाउन सफल भएको÷पहल गरेको तथ्यांक राख्नुपर्नेमा जोड दिएका छन् । प्रहरी भित्र धेरै घटनाहरु घटेको छ, जुन यस तथ्यांका राखिएको छैन अध्यक्ष कर्णले भने, ‘विगतमा मानव अधिकारकर्मीहरु गरेको कार्य र अहिले गरिरहेको कार्यमा धेरै भिन्नता छ । वर्तमानमा मानव अधिकारको भूमिका प्रभावकारी देखिएको छैन ।’
कार्यक्रममा अधिवक्ता रेखा झा, पत्रकार धर्मेन्द्र झा, अजय झा लगायतका व्यक्तिहरुले आफ्ना जिज्ञासा राखेका छन् ।

संविधानलाई हत्या गर्ने केपी ओलीको मतियार भयो लोसपा ः साँसद यादव

जनकपुरधाम, ३ असोज । प्रदेश नं. २ का साँसद एवं जनता समाजवादी पार्टीका नेता रामअशिष यादवले संविधानलाई हत्या गर्ने प्रयास गरेका केपी शर्मा ओलीको मतियार लोकतान्त्रिक समाजवादी पार्टी (लोसपा) बनेको दावी गरेका छन् ।
संविधान दिवसको विरोधमा जनता समाजवादी पार्टीद्वारा जनकपुरधाममा आयोजित ‘संविधान संशोधनको आवश्यकता विषयक अन्तरक्रिया कार्यक्रम’मा  साँसद यादवले नेकपा एमालेका अध्यक्ष एवं तत्कालिन प्रधानमन्त्री केपी शर्मा ओली लोकतन्त्र समाप्त पार्ने विभिन्न प्रकारको षड्यन्त्र रचे, प्रतिगमन गरे र उहाँको कुकृत्यलाई महन्थ ठाकुरले सहयोग गर्यो । केपी ओलीलाई सहयोग गर्नेहरु पनि लोकतन्त्र र संघीयता विरोधी रहेको बताएका छन् । मुलुकमा संघीयता, समावेसिता र धर्मनिरपेक्षता अहिलेपनि अधुरो छ । यिनीहरुलाई पूर्ण गर्नका लागि जनता समाजवादी पार्टी अगाडि बढेको साँसद यादवले भने, ‘ यो संविधान मधेशी जनताको रगतले लेखिएको छ । त्रुटिपूर्ण संविधानलाई जबसम्म सच्याउँदैन तबसम्म यो संविधान सर्वस्वीकार हुनेवाला छैन ।’
उनले मधेशको हित सोच्ने असली र नक्कलीको पहिचान मधेशी जनताले गर्ने बताएका छन् ।
जसपाका जिल्ला अध्यक्ष पशुपति यादवको अध्यक्षतामा भएको सो कार्यक्रममा जनकपुरधाम उपमहा नगरपालिका मेयर लालकिशोर साह, जितेन्द्र यादव, श्रीचन मुखिया, विष्णुदेव साह लगायतका नेताहरुले संविधानलाई सच्याउन माँग गरेका छन् ।   

प्रदेश २ सरकारको जनलोकपाल आयोग गठन

 जनकपुरधाम, २२ भदौं । प्रदेश २ सरकारले प्रदेशमा आर्थिक सुशासन कायम गर्न तीन सदस्यीय प्रदेश जनलोकपाल आयोग गठन गरेको छ ।
आयोगको अध्यक्ष पदमा रामसहाय राय यादवलाई नियुक्त गरेको छ भने सदस्यहरुमा शोभा कुमारी महतो राजकिशोर प्रसाद साहलाई नियुक्त गरेको हो । नव नियुक्ति तीनै जनालाई प्रमुख हरिशंकर मिश्रले गोपनीयताको सपथ ग्रहण गराएका छन् ।
उक्त अवसरमा मुख्यमन्त्री लालबाबु राउत, सभामुख सरोज कुमार यादव, उपसभामुख उपमा देव, प्रदेश साँसद शत्रुधन महतो, प्रमुख सचिव हरि प्रसाद मैनाली सहित प्रदेश सरकारका सचिवहरुको उपस्थिति रहेको थियो ।
आयोगका नवनियुक्त पदाधिकारीहरुले ग्रमिण प्रशिक्षण केन्द्र मुजेलिया स्थित आयोगको कार्यालय पुगि आजै पदभार ग्रहण गर्नु भएको छ ।

आधा दर्जनबढी चिकित्सकहरु जसपामा प्रवेश

जनकपुरधाम, २२ भदौ । धनुषाका आधा दर्जनबढी चिकित्सकहरु जनता समाजवादी पार्टीमा मंगलवार प्रवेश गरेको छ ।
पार्टीका केन्द्रिय अध्यक्ष उपेन्द्र यादवले नव प्रवेशी चिकित्सकहरुलाई फुलमाला तथा टिका लगाएर स्वागत गरेका छन् ।
नव प्रवेशी चिकित्सकहरुमा डा. कामेन्द्र यादव, दिपु यादव, सतिश यादव, अरुण कुमार गोइत, मनोज मण्डल, रितेश कुमार, निमु यादव, ललिता यादव, विन्दु अधिकारी रहेका छन् ।
पार्टी प्रवेश कार्यक्रममा अध्यक्ष यादवले चिकित्सकहरुको पार्टीमा प्रवेशले गर्दा सामाजिक र राजनीतिक क्रियाकलापमा शुद्धिकरण आउने बताएका छन् । उनले भने, ‘जसरी शरीरको रोगलाई चिकित्सकहरुले फालेर स्वस्थ्य बनाउँछन, त्यसरी नै पार्टीमा बुद्धिजीविहरुको प्रवेशले सामाजिक र राजनीतिक शुद्धिकरण हुन्छ ।’
पार्टी प्रवेश कार्यक्रममा प्रदेश साँसद चमेली देवी दास, जिल्ला अध्यक्ष पशुपति यादव, नेता शेषनारायण यादव लगायत दर्जनौंको संख्यामा नेता तथा कार्यकर्ताहरुको उपस्थिति रहेको थियो ।

जनसंख्यालाई नियन्त्रण होइन, व्यवस्थापन गर्नुपर्छ ः उपाध्यक्ष झा

जनकपुरधाम, २७ असार । प्रदेश २ का नीति आयोगका उपाध्यक्ष भोगेन्द्र झाले वर्तमान अवस्थामा बढ्दो जनसंख्यालाई नियन्त्रण होइन, कसरी व्यवस्थापन गर्न सकिन्छ त्यसतर्फ ध्यान दिनुपर्ने आवश्यक रहेको बताएका छन् ।
संयुक्त राष्टूसंघीय जनसंख्या कोष र महिला सशक्तिकरण अभियानद्वारा जनकपुरधाममा आईतवार आयोजित ‘जनसंख्या दिवस’को अवसरमा उपाध्यक्ष झाले नेपालमा २१ औं शताब्दी अनुसार मानिसको सोचमा परिवर्तन आएको छैन । परिवर्तन भनेको विकास मात्र बुझ्न्छन् । तर जबसम्म मानव संसाधनको विकास हुँदैन, जनसंख्यालाई व्यवस्थापन गर्न नसकने बताएका छन् ।
प्रजनन स्वास्थ्य र अधिकार ः हामी सबैको सरोकार नाराका साथ मनाइएको जनसंख्या दिवसमा उपाध्यक्ष झाले भने, ‘जनसंख्या र विकाससँगसँगै छन् । जनसंख्या बढेमा मात्र विकास हुन्छ, तर जनसंख्यालाई व्यवस्थापन गर्नुपर्छ ।’  उनले विश्वको सबभन्दा बढी जनसंख्या चीनमा रहेछ, तर त्यहाँको जनसंख्या व्यवस्थित रहेको बताएका छन् ।
सामाजिक विकास मन्त्रालयका सचिव इमनारायण श्रेष्ठको अध्यक्षतामा भएको जनसंख्या दिवसको अवसरमा प्रदेश २ का स्वस्थ्य निर्देशनालयका डा.विजय झाले यस प्रदेशमा ६ प्रतिशत भूमिमा २१ जनसंख्या रहेको छ । तर व्यवस्थापन पक्ष कमजोर भएको कारण अल्पायुमा मृत्यु हुने गरेको कतिपय तथ्यांक समेत प्रस्तुत गरेका छन् । उनले अहिलेपनि यस प्रदेशमा केटीको उमेर १६ र केटाको उमेर २० वर्ष नपुग्दै विहे गरिदिन्छ,  स्वस्थ्य भोजन नगर्नुको अभाव देखिन्छ । शिक्षा र जनचेतनामा पहुँच हुँदैन । यही कारण हो कि जनसंख्या धेरै भएपनि व्यवस्थापन पक्षमा कमी देखिएको बताएका छन् ।
त्यसैगरी जनकपुरधाम उपमहानगरपालिकाकी उपमेयर रिता कुमारी झाले जनचेतनाको अभावको कारण अधिकांश व्यक्ति शिक्षा र स्वस्थ्यमा ध्यान नदिई भौतिक निर्माण कार्यमा मात्र ध्यान दिने गरेको बताएकी छन् । उनले भनिन ‘उपमहानगरपालिकामा निर्माण कार्यका लागि दिनभरि मानिसको लाइन लागेको हुन्छ, तर अहिलेसम्म एउटा पनि शिक्षा र स्वस्थ्यको विषयलाई लिएर उजुरी दिएको छैन ।’
कार्यक्रममा संयुक्त राष्टूसंघीय जनसंख्या कोषका नरेन्द्र मिश्रले कार्यक्रमको बारेमा प्रकाश पारेका थिए भने धेरै जना जिज्ञासा व्यक्त गरेका थिए ।

जनकपुरका व्यापारीहरुले ६ बुँदे माँग राखी प्रधानमन्त्रीलाई बुझाए ज्ञापनपत्र

जनकपुरधाम, ७ असार । धनुषाका व्यापारीहरुको छाता सँगठन जनकपुर उद्योग वाणिज्य संघले ६ बुँदे माँग राखी प्रधानमन्त्री तथा मन्त्रिपरिषद्को कार्यालयमा सोमवार ज्ञापनपत्र बुझाएको छ ।
संघका अध्यक्ष जितेन्द्र कुमार महासेठको नेतृत्वमा गएको टोलीले जिल्ला प्रशासन कार्यालय धनुषा मार्फत प्रधानमन्त्री केपी शर्मा ओलीलाई ज्ञापनपत्र बुझाएका हुन ।
देशलाई राजस्व तिरी सामान ढुवानी गर्दा पनि भारतीय सीमा नजिक वा दशगज्जा क्षेत्रमा फेला परेको भनि मुद्दा चलाउने कार्य बन्द गर्नुपर्यो । बिलभएको सामानहरु र सवारी साधान सम्बन्धित भन्सार कार्यालयले लिलामी गर्ने,जफत गर्ने, झुठा आरोप लगाई मुद्दा चलाउने कार्य बन्द गर्नुपर्यो ।  सामान फेला परेमा उद्योग वाणिज्य संघको पदाधिकारी अनिवार्य रोहवरमा राखी मुचुल्का उठाउने प्रावधान राखी कार्यान्वयन गर्नु पर्यो लगायतको माँग ज्ञापनपत्रमा रहेको छ ।
यता ज्ञानपपत्र बुझ्दै धनुषाका प्रमुख जिल्ला अधिकारी बन्धु प्रसाद बस्तोलले यो ज्ञापनपत्रलाई भोलीसम्म प्रधानमन्त्री तथा मन्त्री परिषद्को कार्यालयमा पठाई दिने प्रतिबद्धता जनाएका छन् ।

हँसपुर नपाको अनुमानित बजेट ६२ करोड बढी, शिक्षा र कृषिमा जोड

 

जनकपुरधाम, ५ जेठ । धनुषाको हँसपुर नगरपालिकाले आठौं  नगरसभाबाट आर्थिक वर्ष २०७८÷०७९ को लागि अनुमानित ६२ करोडबढी बजेट प्रस्तुत गरेको छ । प्रस्तुत बजेटमा कृषि, शिक्षा तथा निर्माण कार्यमा विशेष जोड दिइएको छ ।
आईतवार हँसपुर नपाका उपमेयर रेणु देवी झाले ०७८÷०७९को अनुमानित आय ६२ करोड, ८० लाख, ५६ हजार प्रस्तुत गरेकी छन् ।  उनले वित्तीय समानिकरण अनुदान १२ करोड,५७ लाख, सशर्त अनुदान २० करोड, १३ लाख, राजस्व बाँडफाँड ८ करोड, २ लाख ६४ हजार, वहुक्षेत्रीय पोषण कार्यक्रम २९ लाख, प्रदेश वित्तीय समानिकरण अनुदान ७३ लाख ७२ हजार, प्रदेश सशर्त अनुदान ८० लाख, सडक बोर्ड नेपालको कार्यक्रम २५ लाख, प्रदेश विशेष अनुदान ३० लाख, आन्तरिक आय ३० करोड गरिएको प्रस्तुत बजेट वक्तव्यमा उल्लेख रहेको छ ।
मेयर रामज्ञान मण्डलको अध्यक्षतामा भएको नगरसभामा अध्यक्ष मण्डलले वर्तमान अवस्थामा स्थानीय सरकारलाई निक्कै चुनौती रहेको बताएका छन् । उनले भने, ‘कोरोना महामारी रोगले गर्दा निर्माण कार्य सम्पन्न गराउनु चुनौतीपूर्ण छ ।’
नागरिकको आयस्तरमा सुधार गरी गरिबी न्यूनिकरण गर्नका लागि  कृषि उत्पादन बढाउन आर्गेनिक खेतीलाई प्रोत्साहन दिइने, माछा सुपरजोन तथा धान जोन क्षेत्रको रुपमा विकास गर्ने, पशु खोप कार्यक्रम ल्याउने, स्वास्थ्य, स्वच्छ मासुको बिक्री वितरणमा जोड दिइने लक्ष्यका साथ बजेट विनियोजन गरेको मेयर मण्डल बताएका छन् । उनले यस नगरपालिकालाई नमूना नगरपालिका बनाउनका लागि कृषिमा यान्त्रिक उपकरण लगायत सहुलियत दिइेन, बिना धितो ऋणको व्यवस्थापन गर्ने, कृषिबालीका लागि माटो परीक्षण गर्ने,  सामूहि कृषि फारम योजना बनाउने, कृषिमा व्यवसायीकरण र आधुनिकीकरण गर्ने, कृषि सिंचाईको उचित व्यवस्थापन गर्ने लक्ष्य रहेको र सोही अनुरुप नीति तथा कार्यक्रम समेत बनाइएको बताएका छन् ।
मेयर मण्डलले यो बजेटमा सबभन्दा बढी कृषि, शिक्षा र निर्माण कार्यलाई प्राथमिकतामा राखिएको बताएका छन् ।
संस्कृति, पर्यटन तथा नागरिक उड्डयन मन्त्री उमाशंकर अडगरियाको प्रमुख आतिथ्यमा भएको सो कार्यक्रममा प्रदेश साँसद परमेश्वर साह, रामचन्द्र मण्डल, जनता समाजवादी पार्टीका केन्द्रिय सदस्य संजय चौधरी, रमण सिंह लगायतका वक्ताहरुले शुभकामना व्यक्त गरेका छन् ।

मन्त्रीपरिषद समावेसी र समानुपातिक सिद्धान्त विपरित ः महिला साँसदहरु

जनकपुरधाम, ३० जेठ । प्रदेश २ मा मन्त्रिपरिषद समावेशी र समानुपातिक सिद्धान्त विपरित रहेको महिला साँसद तथा अधिकारकर्मीहरुले आरोप लगाएका छन् ।
नेपाल पत्रकार महासंघ धनुषा शाखाद्वारा आईतवार गरिएको अन्तरक्रिया कार्यक्रममा सहभागी प्रदेश २ का महिला साँसद तथा महिला अधिकारकर्मीहरुले सो कुरा बताएका हुन । प्रदेश २ नै संघीयता पक्षधर रहेको दावी गरिहेका छन् । संघीयताकै मतलव नै हो हरेक क्षेत्रमा समावेशी र समानुपातिक प्रतिनिधित्व, तर विगतमा पनि र अहिलेपनि मन्त्रीपरिषद् विस्तार गर्दा सिद्धान्तलाई पालना नगरेको महिला अधिकारकर्मीहरुले आरोप लगाएका छन् ।
प्रदेश २मा ७ वटा समिति गठन भएको छ, त्यसमा दलित, जनजाति, महिला, आदिवासीहरुको संयोजकको पदमा प्रतिनिधित्व गर्ने जिम्मेवारी दिएको छैन प्रदेश साँसद शारदा थापाले भनिन ‘सधैं आधिकारको आन्दोलनमा अगुवाको भूमिका निर्वाह गरेकी महिलाहरु कुनै पनि संगठनको अध्यक्ष वा संयोजकको पद किन सम्भाल्न सकिदैन ?’  एकात्मक सोचको कारण महिलालाई अहिलेपनि विभेदमा रहेको उनले आरोप लगाइन ।
दलितको समस्या आएमा दलित अगुवाले समाधान गर्ने, महिलाको समस्या महिलाले समाधान गर्ने, अल्पसंख्यकको समस्या अल्पसंख्यक समुदायले समाधान गर्ने हाम्रो चलन छ, तर यी कुरा किन बुझि रहेको छैन कि यो हाम्रो सामाजको समस्या हो यस्ता समस्याहरु हामी सबै मिलेर समाधान गर्नुपर्छ साँसद थापाले भनिन ।  
त्यस्तै अर्का साँसद रानी शर्मा तिवारीले दलित, आदिवासी, जनजाति, महिलाहरु जुन पार्टीमा छन् त्यो पार्टी भित्रको लडाईमा विजयी भएमा मात्र समुचित अधिकार र स्थान पाउन सकिने बताएकी छन् । पार्टी भित्र एउटा पनि दलित, महिला सचेतक छैन, प्रमुख छैन, सभामुख छैन, दलका नेता छैन, किन ? दलित र महिला सक्षम छैन उनले प्रश्न गरिन ।  संविधानमा दिएको अधिकार पनि दिएको छैन, त्यसमा पनि कटौती गरेका छन् । एउटा महिला राष्ट्र हाकिरहेका छन्, हामीमा पनि प्रदेश हाक्ने क्षमता छ । तर यहाँ महिललाई बन्दुक त थपाएको छ, चलाउने अधिकार दिएको छैन, यो ठूलो विडम्बना हो । उनले आफ्नो अधिकारको लागि आफै अगाडि आउनुपर्ने सबैमा आग्रह गरिन ।
त्यस्तै महिला अधिकारकर्मी तथा जसपाका केन्द्रिय सदस्य विभा ठाकुरले समावेशी र समानुपातिक अनुसार मन्त्रीपरिषद नबनाएमा आफू अदालतमा मुद्दा दायर गर्ने चेतावनी दिएकी छन् ।
नेपाल पत्रकार महासंघ धनुषा शाखाका अध्यक्ष मनिका झाको अध्यक्षतामा भएको सो कार्यक्रममा प्रदेश साँसद शोभा लामा, मञ्जु यादव, वरिष्ठ पत्रकार श्यामसुन्दर शशि, अधिवक्ता रेखा झा, दलित महिला नेतृ मुन्नी देवी दास, चन्देश्वर सादा, रामअशिष दास सहितका व्यक्तिले आफ्ना विचार राखेका छन् । त्यस्तै यहाँबाट उठेको प्रश्नहरुलाई समेटेर अध्यक्ष मनिका झाको नेतृत्वमा प्रदेश नं. २ का प्रदेश प्रमुख राजेश झा ‘अहिराज’लाई ध्यानाकर्षण गराएका छन् ।

सत्यतथ्य बाहिर ल्याई दिन डा.सिंहको आग्रह

 जनकपुरधाम, २८ जेठ । जनकपुरधाम स्थित काव्य अस्पतालका सञ्चालक डा. सुधेन्दु (एस.के.) सिंहले पत्रकार समाजका दर्पण रहेकोले दर्पण जस्तै झल्किने सत्यतथ्य समाचार बाहिर ल्याई दिन आग्रह गरेका छन् ।
शुक्रवार अस्पतालमै पत्रकार सम्मेलन गरी डा. सिंहले भने ‘यर्थात नबुझि सुनेको भरमा समाचार प्रकाशन÷प्रसार गर्नु हाम्रो समाजलाई भ्रममा पार्नु र कार्य गर्नेहरुको मनोबल तोड्नु जस्तै हुने हो । कोभिड—१९ को बेलामा काव्य अस्पतालले दिएको सेवा सुविधा कसैसँग लुकेको छैन । दोस्रो चरणको कोरोना भेरियन्टमा दुई सयबढी कोरोना संक्रमित व्यक्तिको उपचार यस अस्पतालमा भएको छ तर कुनै प्रकारको बदनियत कार्य नभएको बताएका छन् ।
उपचारको क्रममा प्रदेशिक अस्पतालमा मृत्युको संख्या भन्दा काव्यमा निक्कै कम छ । प्रदेशिक अस्पताल लगायत विभिन्न ठाउँमा कोरोना संक्रमितहरु रेफर भएर यस अस्पतालमा आएर उपचार सेवा लिएका छन् । उनीहरुको सन्तोषजनक सेवा दिनमा दक्ष चिकित्सक, अस्पताल भित्र सरसफाई र नयाँ उपकरण रहेको डा. सिंहले दावी गरेका छन् । उनले यसका वावजूद पनि सामाजिक सञ्जालमा केही भ्रम फैलाउने समाचार बाहिर आएको छ । सत्यतथ्य समाचार आएमा हामीलाई दुःख लाग्ने थिएन, तर अस्पताललाई बदनाम गर्ने उद्देश्यले वा व्यक्तिगत रिसिवीको कारण कुनै पत्रकारले त्यस्तो समाचार लेखेको छन भने त्यसले सामाजमा नराम्रो प्रभाव समेत पर्न सक्ने उहाँले बताएका छन् ।
‘जुन कोरोना सक्रमित बिरामीलाई २० दिनसम्मको बिल ३ देखि ४ लाख रुपैया भएको छ, त्यस्तालाई १२ लाखसम्म लिने गरेको सामाजिक सञ्चालमा आउनु र केही क्षणमै डिलिट हुनु सत्यतता आफै झल्किन्छ’ डा. सिंहले भने, — ‘दुईसय बढी कोरोना संक्रमित बिरामीको उपचार हुँदा तीनजना यस्ता व्यक्ति दुष्प्रचार फैलाइएको छ, जसमा कुनै सत्यतता छैन । तर केही मिडियाले सुनैकै भरमा यर्थातलाई नबुझी समाचार गरेको पाइएको छ ।’  
सरकारले नै कोरोना संक्रमितको उपचारको प्रतिदिन १५ हजार पाँच सय रुपैया तोकिएको छ । हामी १८ हजार रुपैया लिने गर्दछौं । त्यो बेर्ड चार्ज होइन, त्यो वापत दिने सुविधाहरु बोर्डमा नै लेखेर झुण्डाइएको हो’ डा. सिंहले उपचारका सबै कागजातहरु देखाउँदै भने ‘बढी सुविधा दिने पेसेन्टले नै झुठफुस लगाएर समाजिक सञ्जालमा यस्तो कुरा बाहिर ल्याएको छ । तर हामी कहाँ सबै प्रमाण छ,  प्रमाणको आधारमा सत्यतथ्य कुरा बाहिर ल्याई दिनुस ।’ पत्रकार सम्मेलनमा चिकित्सक सहित पत्रकारहरुको निक्कै उपस्थिति रहेको थियो ।

कानून मन्त्री यादवको पत्रकारप्रतिको प्रतिबद्धता, महिला पत्रकारलाई १० वर्षको इन्सोरेन्सको व्यवस्था

जनकपुरधाम, २८ जेठ । प्रदेश २ को आन्तरिक मामिला तथा कानून मन्त्री ज्ञानेन्द्र कुमार यादवले अगामी आर्थिक वर्षको बजेटमा पत्रकारहरुलाई क्षमता अभिवृद्धिदेखि लिएर इन्सोरेन्ससम्म गर्ने व्यवस्था गरेको बताएका छन् ।
नेपाल पत्रकार महासंघ प्रदेश समितिले विहिवार १० सुत्रिय माँग राखी बुझाएको ध्यानाकर्षण पत्रको जवाफ फर्काउँदै मन्त्री यादवले प्रदेशको पहिलो प्राथमिकतामा यस प्रदेशमा महिला पत्रकारको संख्या न्यून रहेको र लैङ्गिक विभेदको कारण पनि महिलाहरु अगाडि बढ्न नसकेकोले शुरुवातमा उहाँहरुको १० वर्षका लागि यसैवर्षदेखि नै इन्सोरेन्स गर्ने व्यवस्था मिलाइएको बताएका छन् ।
प्रदेश भित्रका पत्रकारहरुका लागि बजेट विनियोजन सन्तोषजनक किसिमले राख्ने प्रयास गरेको मन्त्री यादवले भने, ‘कोरोनाबाट मृत्यु भएका पत्रकारको परिवारजनलाई राहत स्वरुप रकम उपलब्ध गराउने मन्त्रीमण्डलमा गई सकेको छ । कोभिड प्रभावित पत्रकारहरुको सुरक्षा समाग्री सहितको कार्य अगाडि बढाई सकेको छ । विज्ञापनका लागि पनि प्राधिकरण र प्रेस काउन्सिलको जिम्मा लगाइए सकेको । क्षमता अभिवृद्धिका लागि पनि अगाडि कुरा बढि सकेको छ ।’
मन्त्री यादवले नेपाल पत्रकार महासंघ प्रदेश समितिको कार्यालय निर्माणका लागि बजेट विनियोजन हुने व्यवस्था समेत गरिएको बताएका छन् ।

पत्रकारहरुको हकहितका लागि बजेट विनियोजन गर्न पत्रकार महासंघ प्रदेश समितिको माँग

 जनकपुरधाम, २७ जेठ । प्रदेश २ सरकारले ल्याउन लागेको आगामी आर्थिक वर्षको बजेटमा प्रदेश २ का पत्रकारहरुको हकहित तथा क्षमता अभिवृद्धिका लागि बजेट विनियोजन गर्न नेपाल पत्रकार महासंघ प्रदेश २ समितिले ध्यानाकर्षण पत्र बुझाएका छन् ।
महासंघका प्रदेश अध्यक्ष राजेश कर्णले यहाँका पत्रकारहरु मधेश आन्दोलन देखि लिएर प्रदेश र देशको न्यायिक पक्षमा सधैं कलम चलाउँदै आएकोले पत्रकारहरुको हकहित र क्षमता अभिवृद्धिका लागि बजेटमा रकम विनियोजन गरी दिन आग्रह गरेका हुन ।
आन्तरिक मामिला तथा कानून मन्त्री ज्ञानेन्द्र कुमार यादवलाई अध्यक्ष कर्णले १० बुँदे ध्यानाकर्षण पत्र बुझाएका छन् । ध्यानाकर्षण पत्रमा नेपाल पत्रकार महासंघ प्रादेशिक कार्य समितिको कार्यालय संचालन र व्यवस्थापन एवं कार्यालय भवन निर्माणका लागि उचित बजेट विनियोन हुनुपर्ने, कोरोना संक्रमणका कारणले प्रदेशका मृतक पत्रकार र संचार उद्यमीका परिवारका लागि राहत बजेटको व्यवस्था हुनुपर्ने, यस प्रदेशका पत्रकारहरुका लागि निशुल्क लागि स्वास्थ्य उपचार र स्वास्थ्य विमा र दुर्घटना विमाका लागि बजेटको विनियोजन हुपर्ने रहेछ ।
त्यसैगरी तीस वर्षदेखि पत्रकारिता गर्दै आएका पत्रकारहरुका लागि मासिक वृतिको व्यवस्था हुपर्ने,  क्रियाशिल सञ्चारकर्मीहरुको व्यवसायिक सुरक्षा र वृत्तिविकासका लागि आवश्यक बजेटको व्यवस्था हुनुपर्ने, स्वरोजगारमूलक संचार संस्था र पत्रकारहरुका लागि सञ्चार उपकरणमा खरीदमा ब्याज अनुदान व्यवस्थाका लागि बजेटको व्यवस्था हुनुपर्ने, कोरोना भाइरसको संक्रमणबाट पीडित सञ्चारकर्मी र सञ्चार गृहहरुलाई एकमुष्ट राहत प्याकेजको लागि बजेटको व्यवस्था हुनुपर्ने, लोककल्याणकारी विज्ञापनका लागि बजेटको व्यवस्था हुनुपर्ने, प्रदेश नम्बर २ मा उत्पादन हुने विज्ञापनहरु प्रदेश २ कै सञ्चारमाध्यमहरुलाई उपलब्ध गराउनुपर्ने र.विभिन्न विधागत पुरस्कारहरुको व्यवस्था गर्नुपर्ने रहेको छ ।
यता आन्तरिक मामिला तथा कानून मन्त्री ज्ञानेन्द्र कुमार यादवले ध्यानाकर्षण पत्र बुझदै पत्रकारहरुको यी माँग जायज रहेकोले यी माँगहरु प्ुरा हुने गरी बजेट विनियोजनमा राखेको बताएका छन् । उहाँले भन्नुभयो—‘ध्यानाकर्षण पत्रका अधिकांश माँगहरु बजेटमा राखिसकेका छौ. । केही माँग छुटेको हुनाले यसलाई पनि राख्नेछौं ।’ उनले प्रेस काउन्सिल र प्राधिकरण मार्फत प्रदेश सरकार अगाडि बढिरहेकोले सोही अनुसार बजेट पनि छट्याउन लागेको बताएका छन् ।

उपमहानगरपालिकाले वडावडामा पिसिअर परीक्षण गर्ने

जनकपुरधाम, १३ जेठ । जनकपुरधाम उपमहानगरपालिकाले नगरवासीहरुका लागि वडावडामा गएर आज शुक्रवारबाट पिसिआर परीक्षण गर्नु भएको छ । उपमहानगरपालिका भित्रमा कोरोना संक्रमितको संख्या केहि दिनदेखि लगातार बढ्दै गएपछि त्यसलाई मध्यनजर गरी पिसिआर परीक्षण गर्न लागेको बताइएको छ ।
ज्वरो आएका, रुघाखोकी लागेका तथा कोरोना पोजेटिभ भएका व्यक्तिको सम्पर्कमा आएका व्यक्तिहरुलाई पिसिआर परीक्षण गर्न लागेको जनकपुरधाम उपमहानगरपालिकाका मेयर लालकिशोर साहले जानकारी गराएका छन् । उनले भने, ‘कोरोना भाइरस मानव विनासकारीको रुपमा फैलिंदैछ, यसलाई न्यूनिकरण गर्नका लागि र बच्न र बचाउनका लागि पिसिआर परीक्षण गरी पोजेटिभ व्यक्तिलाई आइसोेलेसनमा राख्न बाहेक कुनै विकल्प छैन ।’
उनले नगरवासीहरुलाई आग्रह गर्दै स्वस्थ्य निर्देशनालयले निर्देश गरेको मास्क तथा सेनिाइटरको प्रयोग र जथाभावी रुपमा घुमफिर नगरी पालना गर्न सबैमा आग्रह समेत गरेका छन् ।
उपमहानगरपालिकाले जेठ १४ गते शुक्रवारदेखि २१ गतेसम्म विभिन्न वडाहरुमा पिसिआर परीक्षण टोली खटिएको छ । आआफ्ना पिसिआर परीक्षण गराई टोलीलाई सहयोग गरी दिनका लागि उनले आग्रह समेत गरेका छन् ।

प्रदेश सरकारद्वारा पत्रकारहरुलाई सुरक्षा समाग्री हस्तान्तरण

जनकपुरधाम, १० जेठ । प्रदेश २ का आन्तरिक मामिला तथा कानून मन्त्रालयले यहाँका पत्रकारहरुलाई सोमवार सुरक्षा समाग्रीहरु उपलब्ध गराएको छ ।
आन्तरिक मामिला तथा कानून मन्त्री ज्ञानेन्द्र कुमार यादवले नेपाल पत्रकार महासंघ प्रदेश २ समितिलाई र आठवटै जिल्लाका कार्य समितिलाई थर्मोगन एकथान, अक्सिमिटर एकथान हस्तान्तरण गरेका छन् । त्यस्तै  एकजना पत्रकारलाई सर्जिकल मास्क ५० पिस, केएन ९५ मास्क १० पिस, सेनिटाइजर सय एमएलको दुईवटा बोतल, ग्लोभ्स २ वटा, फेस शिल्ड २ वटा हस्तान्तरण गरेका हुन ।
कोभिड १९ को संक्रमण हुनबाट जोगाउने उद्देश्यका साथ मिडिया काउन्सिल मार्फत आन्तरिक मामिला तथा कानून मन्त्रालयले आठवटै जिल्लाका पत्रकारहरुलाई सो सामाग्री उपलब्ध गराएको हुन ।
मिडिया काउन्सिलका अध्यक्ष शिवहरी भट्टराई र प्राधिकरणका अध्यक्ष श्याम सुन्दर यादवले मन्त्री यादव मार्फत सो सामाग्री नेपाल पत्रकार महासंघ २ का अध्यक्ष राजेश कर्ण र धनुषा उपाध्यक्ष अवधेश कामतलाई हस्तान्तरण गराएका हुन ।
सुरक्षा समाग्री हस्तान्तरण गर्दै मन्त्री यादवले भने, ‘फ्रन्टलाईमा कार्य गर्ने पत्रकारहरुको सुरक्षाको दायित्व समेत प्रदेश सरकारको रहेको छ । यो समाग्री पर्याप्त छैन, तर आउने दिनमा पनि सहयोग रहनेछ ।’ कोरोना रोगबाट दुईजना पत्रकारको मृत्यु भएको परिवारजनलाई मन्त्री परिषद्को बैठकबाट राहत उपलब्ध गराउने मन्त्री यादवले अश्वासन समेत दिएका छन् ।
यता मिडिया प्राधिकरणका अध्यक्ष श्याम सुन्दर यादवले पहिलो चरणमा यी समाग्रीहरु ८ सय पत्रकारहरुलाई दिइने जानकारी गराएका छन् ।
स्मरणीय के छ भने केही दिन अघि नेपाल पत्रकार महासंघ प्रदेश समितिले आन्तरिक मामिला तथा कानून मन्त्रालयमा सुरक्षा समाग्रीको माँग गर्दै ज्ञापनपत्र बुझाएका थिए ।

लोकप्रिय बन्दै डा. सिंहको जन—आरोग्य कार्यक्रम

जनकपुरधाम, ५ जेठ । कोरोना महामारी रोगको विशेष जानकारीका लागि काव्य होस्पिटलका सञ्चालक डा. सुधेन्सु सिंह (एस.के.सिह) प्रत्येक साँझ ७ः३० बजेदेखि ८ः ३० बजेसम्म जन—आरोग्य शुभारम्भ गरेको छ ।
आफन्त नेपालका संयोजक जय प्रकाश मण्डलको विशेष योगदान र प्रदेश साँसद रामअशिष यादवको पहलमा शुरु भएको जन—आरोग्य केही दिनमा निक्कै लोकप्रिय हुन लागेको हो । बन्दाबन्दी अवधिमा घरमै बसेर भर्जुलमार्फत यसमा हुन सकिन्छ ।
करीब एकघण्टासम्म चल्ने यो कार्यक्रममा कोरोनाबाट कसरी बच्न र बचाउन सकिन्छ, यसको लक्ष्मणहरु के के छन्, कस्तो अवस्थामा पिसिआर जाँच गर्न र गराउन सकिन्छ, औषधी लिंदा लिनुपर्ने सावधानी, घर बस्दा अपनाउनुपर्ने तरिका, मास्क र सेनिटाइजरको प्रयोग, खानपान लगायत मनमा उब्जिएका प्रश्नहरु सोध्न सकिन्छ ।
कार्यक्रममा सहभागी हुनका लागि आफन्त नेपालका संयोजक जय प्रकाश मण्डलको मोवाइल नं. ९८४४०२५९५० मा सम्पर्क गर्न सकिन्छ ।
कोरोना रोग विशेष गरी नाक, मुख र आँखाबाट सर्ने गरेको विश्व स्वस्थ्य संगठनको दावी छ । त्यसैले यस कार्यक्रममा डा. सिंह लगायत आँखा, मुख र नाकको चिकित्सकहरु समेत सहभागी हुने संयोजक मण्डलले बताएका छन् ।

अहिलेसम्म यस कार्यक्रममा ५० जना सहभागी मात्र हुने गरेको उनले बताए । संयोजक मण्डलले भने, ‘मानव जीवन अमूल्य हो । कोरोना रोगको अगाडिमा कोही पनि साना र ठूला व्यक्ति हुन्न । त्यसैले कोरोनलाई जित्ने उद्देश्यले यो कार्यक्रम शुभारम्भ गरेका हौं ।’
जन आरोग्य कार्यक्रममा चिकित्सक, वकिल, समाजसेवी, बुद्धिजीवि सहितको सहभागिता रहने गरेको छ ।

पत्रकार महासंघ प्रदेश २ ले मृतक पत्रकारलाई ५१ हजार दिइने घोषणा

 जनकपुरधाम । नेपाल पत्रकार महासंघ प्रदेश २ को कार्य समितिले पहिलो मिटिङ्गबाट कोरोना संक्रमणबाट मृत्यु भएका रौतहटका पत्रकार मनोज कुमार चौधरी र सञ्चार उद्यमी रमादेवी यादवलाई तत्काल ५१ हजार रुपैया राहत सहयोग गर्ने निर्णय गरेको छ ।
नेपाल पत्रकार महासंघका प्रदेश अध्यक्ष राजेश कुमार कर्णको अध्यक्षतामा आईतवार भएको भर्जुअल मिटिङ्गमा सो प्रस्ताव सर्वसम्मतिबाट पारित भएको हो । भर्जुअल मिटिङ्गमा ११ बुँदामा छलफल गरिएको छ ।
मिटिङ्गबाट पत्रकार कल्याण कोषको स्थापनाका लागि ११ सदस्यीय समिति पनि चयन भएको छ । महासंघका प्रदेश अध्यक्ष राजेश कुमार कर्णको नेतृत्वमा सो समिति चयन हुने भएको छ । त्यसैगरी संक्रमित पत्रकारहरुको शीघ्र स्वास्थ्य लाभको कामना र निःशुल्क रुपमा उपचार हुनुपर्र्ने, दैनिक समाचार संकलन गर्ने पत्रकारहरुका लागि तत्काल सुरक्षा सामाग्रीको व्यवस्था हुनुपर्ने, कार्य समितिको परिचयपत्र बनाउनुपर्ने, खाता सञ्चालन हुनुपर्ने र प्रदेशको आफ्नो वेभसाइट निर्माण गर्नुपर्नेमा छलफल भएको छ ।
त्यस्तै मृतक परिवारका सन्तानहरुलाई निःशुल्क रुपमा पठनपाठनको व्यवस्था हुनुपर्ने, प्रत्येक जिल्ला जिल्लामा पत्रकार स्वस्थ्य बिमा गर्नुपर्र्ने, लोकल्याणकारी विज्ञापनको माँग गर्नुपर्ने रहेछ । त्यसैगरी बन्दाबन्दीको अवस्थामा विशेष गरी प्रिन्टमिडियालाई मध्यनजर गरी प्रेस काउन्सिलमा समयमा पत्रिका नपुग्ने सम्भावना रहेकोले लोकल्याणकारी वापन आउने विज्ञापनको रकम कट्टा नगर्नका लागि पहल गर्नुपर्ने छलफलमा भएको छ ।
तत्काल खाता सञ्चालनका लागि इमेलबाट नै माइन्टिङ्ग तयार गर्ने र असोज मसान्तभित्रमा कार्यालय सञ्चालनमा ल्याउने समेत छलफल भएको हो ।






 

कोरोनाको आफन्तमा जनकपुरधाममा १५ घरलाई डोजर लगाएर भत्काइयो, पीडितहरु सडकमा

जनकपुरधाम, ३१ बैशाख । कोरोना महामारी रोगबाट बच्न र बचाउनका लागि ‘घरमै बसो, सुरक्षित रहौं’ स्वास्थ्य तथा जनसंख्या मन्त्रालयले निर्देशन दिई रहेको बेलामा करीब १५ वटा गरीब तथा विपन्न परिवारको घरमा डोजर लगाएर भत्काइएका छ ।
धनुषाको जनकपुरधाम उपमहानगरपालिका वडा नं. १२ स्थित कुवामा गुठी संस्थानको जग्गामा  ४० वर्षदेखि बस्दै आएका गरीब तथा विपन्न परिवारको घरमा विहिवार साँझतिर डोजर लगाएर भत्काइएको हो । पाँचवटा भ्यानमा डोजर साथ गएका प्रहरीले घर भत्काउँदा उनीहरु घरवार विहिन भएका छन् ।
ती बस्तीमा मुखिया, कुम्हार, यादव, खत्बे लगायतका समुदायहरु बस्दै आएका छन । दैनिक ज्यालादारी गरी गुजरवसर गर्दै आएको घरमा विहिवार डोजर लगाएर भत्काएपछि रातभरि सडकमै सुतेर समय काटेको पीडितहरु बताउँछन ।
गुठी संस्थान जनकपुरले सूचना बिना नै कोरोना महामारी रोगको बेलामा घर भत्काउँदा घरभित्र रहेको खाद्य समाग्री नोक्सान भएको छ भने गाई भैसीलाई पनि चोटपटक लागेको उनीहरु बताउँछन् ।
यता सन्दर्भमा सोही वडाका वडा अध्यक्ष शत्रुधन यादवसँग टेलिफोन सम्पर्क गर्दा आफूलाई थाहा नभएको जवाफ फर्काएका छन । उनले भने, ‘हामीसँग सोधेर घर बनाएको थिए, घर किन भत्काइएको के कारण हो त्यस सन्दर्भमा आफूलाई थाहा छैन ।’
प्रदेश २ का आन्तरिक मामिला तथा कानून मन्त्री ज्ञानेन्द्र कुमार यादवले यस सन्दर्भमा प्रशासनसँग बुझि रहेको बताएका छन् ।
यता पीडितहरुले कोरोना महामारी रोग फैलिरहेको बेलामा आफ्नो ज्यूज्यानको सुरक्षाका लागि पत्रकार, मानव अधिकारकर्मी लगायत सम्बन्धित निकायसम्म पुग्न निक्कै गाह्रो भएको गुनासो पोखेका छन् ।

पत्रकार महासंघ प्रदेश २ द्वारा प्रदेश सरकारलाई ज्ञापनपत्र

जनकपुरधाम, ३० बैशाख । नेपाल पत्रकार महासंघ प्रदेश २ ले प्रदेश २ को सरकारलाई पत्रकारहरुको विभिन्न समस्यालाई लिएर विहिवार ज्ञापन पत्र बुझाएको छ ।
पत्रकार महासंघका प्रदेश अध्यक्ष राजेश कुमार कर्णको नेतृत्वमा गएको टोलीले आन्तरिक मामिला तथा कानून मन्त्री ज्ञानेन्द्र कुमार यादवलाई ज्ञापनपत्र बुझाएका हुन । ज्ञापनपत्रका बोधार्थ प्रदेश २ का मुख्यमन्त्री, सामाजिक विकास मन्त्रालय, नेपाल पत्रकार महासंघ केन्द्रिय कार्यालय समिति तथा प्रदेश २ का सबै जिल्लालाई गरिएको हो ।
समाचार संकलनको क्रममा कोरोना संक्रमित भई मृत्यु भएका पत्रकार मनोज कुमार चौधरी र सञ्चार उद्यमी रमादेवी यादवको परिवारलाई तत्काल राहत उपलब्ध गराउनुपर्ने, संक्रमित पत्रकारहरुको निःशुल्क उपचारको व्यवस्थापन हुनुपर्ने ज्ञानपपत्र मार्फत माँग गरेका छन् ।
त्यसैगरी कोरोना संक्रमितको संख्या बढिरहेको बेलामा जनतालाई सुसूचित गराउने उद्देश्यले  ज्यान जोखमिमा राखेर समाचार संकलन, सम्पादन, सम्प्रेषण र प्रसारण कार्यमा संलग्न सम्पूर्ण सञ्चारकर्मीहरुका लागि सुरक्षा सामाग्रीको व्यवस्थापनको माँग समेत गरेको छ । त्यस्तै कोभिड १९ संक्रमणको कारण प्रभावित भएका सञ्चारसंस्थाहरुको विशेष राहत र सम्पूर्ण सञ्चारसंस्थाहरुलाई कोभिड १९ महामारी नियन्त्रण सम्बन्धी विज्ञापनका साथै अन्य लोक कल्याणकारी विज्ञापन उपलब्ध गराई दिन विज्ञप्तिमा उल्लेख रहेको छ ।
यता ज्ञापनपत्र बुझ्दै मन्त्री यादवले पत्रकारहरुको माँग छिट्टै सम्बोधन हुने अश्वासन दिंदै त्यसका लागि प्रदेश सरकारले अघिदेखिनै कार्य गरिरहेको बताएका छन् । उनले भने, ‘ज्ञापनपत्रमा उल्लेख केही माँगहरुको बारेमा प्रदेश सरकारले अघि नै निर्णय लिई सकेको र केही माँग छिट्टै सम्बोधन हुनेछ ।’
ज्ञापनपत्र बुझाउन प्रदेशका उपाध्यक्ष ज्योति झा, सदस्य कैलास दास, संजय राउत, अजय साह, हदिस खुद्दार, प्रतिभा झा गएका थिए ।

गोपाल धर्मशालमा ३७ बेडको आइसोलेन्सन

जनकपुरधाम, २१ बैशाख । जनकपुरधाम उपमहानगरपालिका भित्रमा कोरोना संक्रमितको संख्या बढन थालेपछि जनकपरधाम उपमहानगरपालिकाले तत्काल ३७ बेडको आइसोलेसन निर्माण गरिएको छ ।
जनकपुरधाम ४ स्थित गोपाल धर्मशालामा ३७ बेडको आइसोलेसनको निर्माण गरिएको हो । आइसोलेसन निर्माणका लागि जनकपुरधाम उपमहानगरपालिकाका मेयर लालकिशोर साह, उपमेयर रिता कुमारी मिश्र, धनुषाका प्रमुख जिल्ला अधिकारी बन्धु प्रसाद बास्तौला, सशस्त्रका प्रमुख लगायतले मंगलवार गोपाल धर्मशालालाई निरीक्षण पनि गरेका हुन ।

जनकपुरधाममा प्रतिदिन सयजनाको हाराहारीमा संक्रमित हुन थालेको छ । यो संख्या निरन्तर बढीरहेकोले त्यसलाई मध्जरनगरी मंगलवारबाट आइसोलेसनको व्यवस्था गर्न लागेको बताइएको छ । उपहानगरपालिकाले तत्काल ५० बेडको आइसोलेसनको व्यवस्था गर्ने लक्ष्य लिएपनि मंगलवार ३७ बेडको आइसोलेसनको व्यवस्था गरेको मेयर लालकिशोर साहले बताएका छन् ।
उनले भने, ‘तीनचारवटा ठाउँहरुको अनुगमन गरिएका छौ. । तर तत्काल गोपाल धर्मशालामा आइसोलेसनको निर्माण पछि अन्य ठाउँमा पनि गर्ने छौं । क्वाइरेन्टाइन निर्माण दोस्रो चरणमा छ ।’

गाउँमा शिक्षक र सहरमा विद्यार्थी हुँदैन ः राज्यमन्त्री यादव

जनकपुरधाम, ७ बैशाख । आर्थिक मामिला तथा योजना राज्यमन्त्री उषा यादवले गाउँको समुदायिक विद्यालयहरुमा सबभन्दा बढी विद्यार्थी हुन्छ, तर त्यसमा शिक्षक दरबन्दी कम निक्कै न्यून हुन्छ । सहरमा शिक्षक दरबन्दी बढी हुँदा पनि विद्यार्थी संख्या न्यूनि हुन्छ । यस्तो गुणस्तरीय शिक्षाको परिकल्पना पनि गर्न नसकिने बताएकी छन् ।
एनसिई नेपालद्वारा मंगलवार जनकपुरधाममा आयोजित प्रदेश २ को शैक्षिक अवस्था र अबको कार्यदिशा ‘छलफल कार्यक्रम’मा राज्यमन्त्री यादवले शिक्षाको अवस्था सबभन्दा कमजोर यसै प्रदेशको हो । यसको कतिपय कारण मध्ये राज्यको विभेदकारी नीति पहिलो कारण हो । प्रदेश सरकार गठन भएपनि शिक्षा सम्बन्धी विधेयक निर्माण गरेको छैन,जबसम्म संघले शिक्षा विधेयक ल्याउँदैन प्रदेश ल्याउन सकिदैन । त्यसैल संघको विभेदकारी नीतिको कारण प्रदेशले गुणस्तरीय शिक्षामा खेल्नुपर्ने भूमिका खेल्न नसकेको बताएकी छन् ।
उनले भनिन, ‘यस प्रदेशमा गुणस्तरीय शिक्षा नहुनुको कारण शिक्षामा राजनीतिकरण हो । हरेक दलका शिक्षकहरु आफ्ना संगठन खोलेका छन् । यो शिक्षा क्षेत्रको लागि दुर्भाग्यपूर्ण अवस्था हो । त्यसैले प्रदेश शिक्षा कानून निर्माण आवश्यक छ ।’
त्यसैगरी प्रदेश साँसद परमेश्वर साहले देश कानून र संविधानले चल्छ, व्यक्तिको विचारले होइन । हामी जति भाषण गरेपनि कानून प्रावधान प्राप्त नहुन्जेलसम्म केही गर्न सकिने अवस्थामा नरहेको जिकिर गरेका छन् ।
उनले भने ‘यस प्रदेशमा ४८.३० प्रतिशत युवाहरु शिक्षा र रोजगारबाट वन्चित छन् । स्थानीय सरकारले बजेटको ०३५ प्रतिशत शिक्षामा बजेट छुट्याउँछन यस्तो अवस्थामा कसरी गुणस्तरी शिक्षाको परिकल्पना गर्न सकिन्छ ।’
साँसद साहले स्थानीय सरकारले शिक्षामा बजेट छुटउन सकिन्छ, तर प्रदेशको कुरा गर्ने हो भने शिक्षा ऐन निर्माण हुन नसक्दा केही गर्न सकिने अवस्थामा छैन । विद्यालयका शिक्षक समयमा आउन सकेन, विद्यालयमा गुणस्तरीय शिक्षा भएन, भौतिक पूर्वाधार नभएपनि प्रदेश सरकारले केही गर्न सक्दैन । यसको एउटै कारण हो प्रदेश शिक्षा विधेयक निर्माण नहुनु । प्रदेश सरकार समन्वयकारी भूमिका बाहेक केही गर्न नसकिने बताएका छन् ।
कार्यक्रममा जनकपुरधाम उपमहानगरपालिकाकी मेयर रिता कुमारी मिश्र, औरही गाउँपालिकाका अध्यक्ष ब्रह्मदेव यादव लगायतका व्यक्तिले शिक्षामाथि प्रकाश पारेका थिए । त्यसैगरी राम गैरेले प्रदेश २ को शैक्षिक अवस्था बारेमा कार्यपत्र प्रस्तुत गरेका थिए ।

नयाँ एप्प रोलिङ नेक्सस बजारमा

 

जनकपुरधाम, २१ चैत्र । मोसफल परीक्षणपछि पौराणिक तथा सांस्कृतिक शहर जनकपुरधाम सहित प्रदेश भर व्यवसायिक सामाजिक सञ्जाल रोलिङ नेक्सस एप्स बजारमा आएको छ ।
रोलिङ प्लान्स प्राइभेट लिमिटेडले आफ्नो ब्राण्डको रुपमा स्थापना गरी बजारमा ल्याएको व्यवसायिक सामाजिक सञ्जाल रोलिङ नेक्सस डटकमको मुल नारा नया सम्भावनाहरुको सञ्जाल रहेको छ । यससञ्जालको अवधारणालाई मुख्यत४–भ्को सिद्धान्त अनुरुप संचालन गरिएको हो ।
सो एप्पको  रोजगारी सृजना तथा प्रवर्द्धन सम्बन्धि दक्षताअभिवृद्धि,  उद्यमशीलता प्रर्वद्धन तथा व्यवसायीक वृद्धि, शक्तीकरणः महिला, विपन्नसमूह, फरक सक्षमता भएका र सेवा निवृत समुहलाई पनि अवसर र सम्भावना दिनका लागि विशेष पेज मार्फत प्रवर्द्धन, समान सामाजिक वा व्यवसायीक रुचि, गतिविधि, दैनिक क्वीज जस्ता सामाग्री बाटम नोरञ्जन लगायतको विशेषता रहेको जनाइएको छ ।
जनकपुरधाममा शुक्रवार पत्रकार सम्मेलन गरी रोलिङनेक्ससका अध्यक्ष अनुप जंगमले एप्पसका बारेमा जानकारी गराउँदै भने ‘एप्सलाई प्रयोगकर्ताको प्राथमिकता अनुसार स्वदेश र विदेशमा विभाजित गरिएको छ ।’
कार्यक्रममा संस्थाका प्रदेश २ इन्चार्ज सविता यादव, स्थानीय बुद्धिजीवि, पत्रकार, नागरिक समाज तथा संस्थाका पदाधिकारीहरुको उपस्थिति रहेको थियो ।

राज्यमन्त्री कुशवाहाद्वारा २५ घर हस्तान्तरण

जनकपुरधाम, १० चैत्र । आन्तरिक मामिला तथा कानून राज्यमन्त्री सरोज सिंह कुशवाहाले दलित समुदायहरु २५ वटा पक्की घर हस्तान्तरण गरेका छन् ।
महोत्तरीको मनरा सिस्वा नगरपालिका वडा नंं ६ का दलित समुदायहरुलाई सो घर हस्तान्तरण गरेका हुन् ।
जनता आवास अन्तरगत पहिलो चरणमा डोम, हलखोर, मुसहर र मेस्तरको घर निर्माण गर्नुपर्ने रहेछ । सोही अन्तरगत राज्यमन्त्री कुशवाहाले एक समारोहबीच मंगलवार २५ वटा घर दलित समुदायहरुलाई हस्तान्तरण गरेका छन् ।
घर हस्तान्तरण गर्दै राज्यमन्त्री कुशवाहाले भने, ‘प्रदेश सरकारले दलित समुदायहरुका लागि गरेको प्रतिबद्धता अनुसार कार्य गरिरहेका छन् । यस प्रदेशका १८ प्रतिशत दलित समृद्ध भएमा यो प्रदेश समृद्ध हुनेछ ।’
राज्यमन्त्री कुशवाहाले जनता आवास योजना संघ सरकारको भएता पनि संघ सरकारले गर्न नसकेको कार्य प्रदेश सरकारले गरेको देखाएका छन् । उनले भने, ‘प्रदेश सरकारले ल्याएको दलित सशक्तिकरण ऐन कार्यान्वयन पश्चात् सबैले सम्मान अधिकार र पहुँच पाउनेछ । यति मात्र होइन, प्रदेश सरकार जनसंख्याको आधारमा प्रत्येक क्षेत्रमा कोटा छुट्याएकोले दलित समुदायहरु अब शिक्षामा बढी जोड दिनुपर्छ ।’
जबसम्म शिक्षा हुँदैन, तबसम्म प्रदेश सरकार जति गरेपनि दलितहरु समृद्ध हुँदैन । त्यसैले शिक्षामा विशेष जोर दिनका लागि उनले सबैसँग आग्रह गरेका छन् ।
घर हस्तान्तरण कार्यक्रममा स्थानीय भलभलादमी, राजनीतिक दलकाप्रतिनिधिहरु, स्थानीय प्रतिनिधिहरुको समेत उपस्थिति रहेको थियो ।
त्यसैगरी राज्यमन्त्री कुशवाहाले सोही वडाको दलित वस्ती अगाडि ३० लाखको लागतमा पक्की सडक निर्माणको शिलान्यास समेत गरेका छन् । 

अन्याय सहनु पनि ठूलै अन्याय हो ः मन्त्री यादव

जनकपुरधाम, ८ चैत । प्रदेश २ का आन्तरिक मामिला तथा कानून मन्त्री ज्ञानेन्द्र कुमार यादवले अन्याय सहनु पनि ठूलै अन्याय रहेको दावी गरेका छन् ।
जनकपुरधाममा आईतवार ५६ औं अन्तर्राष्टिूय जातिभेद उन्मूलन दिवसको अवसरमा प्रदेश स्तरीय दलितको अवस्था बारे ‘अन्तरक्रिया कार्यक्रम’मा मन्त्री यादवले दलितहरु पछाडि परेको होइन, उनीहरुलाई पारिएको हो । प्रदेश सरकारको यसतर्फ ध्यानाकर्षण भएको छ । प्रदेश सरकार दलितको हकहित सूचित गर्न अगाडि बढिसकेको बताएका छन् । मन्त्री यादवले भने, ‘दलितमाथि अन्याय गर्ने अर्थात विभेद गर्नेलाई बर्दास्त गर्दैन, त्यसैले कसैले तपाईहरुमाथि अन्याय गरिरहेका छन् भने तपाईहरु चुप लागेर नबस्नुस्, अन्याय सहनु पनि अन्याय हो ।’
करीब आधा दर्जन दलित सरोकारको क्षेत्रमा कार्य गर्ने संघ संस्थाको आयोजनामा भएको अन्तरक्रिया कार्यक्रममा कानून मन्त्री यादवले प्रदेश सरकार अब जसको सरोकार उसैको नेतृत्व हुनुपर्ने ऐनहरु ल्याएको छ, र ल्याउँदैछ । त्यति मात्र होइन, दलितहरुको न्यायमा पहुँचका लागि दलित सेल पनि गठन गर्न लागेको बताएका छन् ।
उनले दलित सशक्तिकरण ऐनको ब्याख्या गर्दै भने, ‘प्रदेश सरकारका पनि कोही मन्त्री विभेद जस्तो गरिरहेको छ, भन्ने तपाईहरु प्रमाण दिनुस्, कारवाही प्रक्रियाको लागि म अगाडि बढ्ने बताएका छन् । जबसम्म जातिय विभेद अन्त्य हुँदैन, विभेद रहित समता मुलक प्रदेशको परिकल्पना गर्न सकिदैन उनले भने, ‘विभेदको विरुद्धमा प्रदेश सरकार रहँदै आएको र रहने छ हाम्रो प्रतिबद्धता हो ।’
मन्त्री यादवले डा. भीमरावको सिद्धान्तको उद्दृत गर्दै भने ‘शिक्षित भएर, संगठित भएमा र संघर्ष गरेमा आफै विभेदको अन्त्य हुनेछ । यी तीन मन्त्री दलित समुदायले मात्र होइन जुनसुकै समुदाय अपनाएमा विभेदको अन्त्य हुनेछ ।’
शर्मिला महिराको अध्यक्षतामा भएको सो कार्यक्रममा प्रदेश साँसद चमेली देवी दास, राष्टिूय मानव अधिकार आयोगका प्रदेश संयोजक वीरबहादुर बुढामगर, जिल्ला समन्वय समितिका उपाध्यक्ष दीपक झा, समुदायिक रेडियो प्रसारक संघका निवर्तमान प्रदेश संयोजक एवं वरिष्ठ पत्रकार अशोक दत्त, संयोजक मनोज कुमार यादव, इन्सेकका प्रदेश संयोजक राजु पासमान, राष्टिूय दलित पत्रकार संघका प्रदेश संंयोजक कैलास दास,  मानव अधिकारकर्मी विनोद महरा, दलित अगुवा चन्देश्वर सदाजनकपुरधाम उपमहा नगरपालिकाकी कार्यपालिका सदस्य सुनिता राउत सहितका व्यक्तिहरुले आफ्ना विचार राखेका थिए ।

राम्रोमा ताली, नराम्रोमा गाली गर्नुस् ः मन्त्री यादव

जनकपुरधाम, २० फागुन ।  प्रदेश नं. २ का आन्तरिक मामिला तथा कानुन मन्त्री ज्ञानेन्द्र कुमार यादवले प्रदेश सरकारले राम्रो कार्य गरेमा ताली र नराम्रो गरेमा गाली गरेर पनि समाचार सम्प्रेशन गरी दिन सबैमा आग्रह गरेका छन् ।
क्रिएटिभ ब्रोडकास्ट नेटवर्क प्रा.लि.को आयोजनामा शुक्रवार आयोजित समुदायिक रेडियोको समस्या र समाधान विषयक ‘कार्यशाला गोेष्ठी’मा मन्त्री यादवले सञ्चारकर्मीसँग अन्यथा नलिन भन्दै यो प्रदेशमा राम्रो राम्रो कार्यको थालनी हुँदा पनि केही सञ्चारकर्मीहरुले सधैं नेगेटिभ समाचार लेख्दा नसोहाउने कुरा जस्तो लागेको बताएका छन् । उनले जहाँ राम्रो कार्य हुन्छ, त्यहाँ केही नराम्रो पनि हुनसक्छ । तर नराम्रोलाई लेख्ने र राम्रोलाई नलेख्ने प्रवृतिको अन्त्य हुनुपर्ने बताएका छन् ।
उनले भने, ‘यस प्रदेशलाई मिडिया मैत्री प्रदेश बनाउने प्रदेश सरकारको उद्देश्य छ । प्रदेश सरकार उद्देश्य बमोजिम कार्य पनि गरिरहेका छन् । सञ्चार विधेयक ल्याउँदा सञ्चारकर्मीहरुसँग एक दुईपटक मात्र होइन, पटकपटक छलफल गर्यो, त्यसपछि मात्र सञ्चार विधेयक ल्याइएका छौ ।’
मधेश सरकार गठनमा सञ्चारकर्मीहरुको ठूलो भूमिका हो । सञ्चारकर्मीहरुले खेलेको भूमिका अनुसार सञ्चारकर्मीहरुको क्षेत्रमा आफू कार्य गर्न नसकेको मन्त्री यादव स्वीकार्दै भने, ‘अब आम सञ्चार काउन्सिल, मिडिया प्राधिकरण गठन भई सकेको छ । उनीहरु १० वर्षे लक्ष्यका साथ अगाडि बढ्नेछ ।’
मन्त्री यादवले काउन्सिल अध्यक्ष र प्राधिकरण अध्यक्षलाई आग्रह गर्दै तपाईहरु एकवर्षमा गर्ने कार्य र १०वर्षमा गर्ने कार्यको योजना बनाउनुस, प्रदेश सरकार साथमा रहेको दावी गरेका छन् । संघीयतालाई बचाउन सबैको दायित्व रहेको मन्त्री यादवले भन्दै आ आफ्नो तर्फबाट प्रदेशलाई सहयोग गर्न सबैमा आग्रह गरेका छन् ।
त्यसैगरी कार्यक्रमका विशेष अतिथि कानून राज्यमन्त्री सरोज सिंह कुशवाहाले समुदायिक रेडियोमा अहिलेपनि यहाँका कला, संस्कृति तथा भेषभूष उजगार गर्ने जस्ता समाचार नआईरहेको गुनासो पोखेका छन् । उनले प्रदेश सरकारले प्रदेश २को सञ्चारलाई बलियो बनाउने हरसम्भव प्रयास गरिरहेको बताएका छन् ।
राज्यमन्त्री कुशवाहाले पत्रकारहरुका लागि तालिम, गोष्ठी तथा सिखमुलक भ्रमणका लागि योजना बनाउँदैछ । यहाँका पत्रकारहरुबाट अरुले सिख्ने छ आफू विश्वस्त रहेको जिकिर गरेका छन् । यसै प्रदेशमा पत्रकारिता सम्बन्धी पठनपाठनको व्यवस्था गर्ने प्रदेश सरकार लागेको उनले दावी समेत गरेका छन् ।
राज्यमन्त्री कुशवाहा भने, ‘प्रदेश सरकारले आफै रेडियो र पत्रिका सञ्चालन गरि प्रदेशका दक्ष सञ्चारकर्मी तथा पत्रकारलाई जागिरको व्यवस्था गर्ने तयारीमा छ ।’

क्रिएटिभ ब्रोडकास्ट नेटवर्क प्रा.लि.का प्रदेश अध्यक्ष अशोक दत्तको अध्यक्षतामा भएको सो कार्यक्रममा आठवटै जिल्लाका समुदायिक रेडियो सञ्चालकहरुले मन्त्री समक्ष गुनासो गरेका थिए ।
त्यसैगरी सञ्चार क्षेत्र समस्या र चुनौतीको बारेमा प्रदेश साँसद परमेश्वर साह, आम सञ्चार प्रेस काउन्सिलका अध्यक्ष शिवहरि भट्टराई, आम सञ्चार प्राधिकरणका अध्यक्ष श्यामसुन्दर यादव, नेपाल पत्रकार महासंघका केन्द्रिय सदस्य शैलेन्द्र झा, नेपाल पत्रकार महासंघ प्रदेश २ का अध्यक्ष दीपेन्द्र चौहान, पत्रकार शीतल साह लगायतका व्यक्तिहरुले विचार राखेका छन् ।

दलितको क्षेत्रमा प्रतिबद्ध भई कार्य गर्छु ः उपाध्यक्ष बैठा

जनकपुरधाम, १८ फागुन ।  प्रदेश सरकारले गठन गरेको दलित विकास समितिका पदाधिकारीका उपाध्यक्ष रामप्रवेश बैठाले आफूले पाएको जिम्मेवारी जुन सुकै आफतविपतमा कार्य गर्ने दावी गरेका छन् ।
राष्ट्रिय दलित पत्रकार संघ प्रदेश २ र दलित सरोकार मञ्चद्वारा संयुक्त रुपमा गरेको दलित सशक्तिकरण तथा कार्यान्वयनको अवस्था, चुनौती र अवसर विषयक ‘अन्तरक्रिया तथा सम्मान’ कार्यक्रममा उपाध्यक्ष बैठाले यस प्रदेशका दलितहरुको धेरै समस्या छन्, समस्यालाई समाधान गर्न धेरै चुनौतीहरु पनि आउन सक्छ । तर ती समस्या र चुनौतीलाई सामना गर्न आफू तयार रहेको दावी गरेका छन् ।
उनले भने, दलित समुदायमा शिक्षा, स्वास्थ्य, बेरोजगारी तथा न्यायमा पहुँच छैन । छुवाछुत र विभेद जस्ता क्यान्सर रोग यथावत् । यो समितिले यस क्षेत्रलाई प्राथमिकता राख्ने छ ।’
प्रदेश सरकारप्रति अशांक व्यक्त गर्दै उपाध्यक्ष बैठाले आफूले दलित विकास समितिको उपाध्यक्ष भएकोमा खुश छैन, कार्य गरेर दलित समुदायलाई देखाएमा मात्र खुश हुने बताएका छन् ।
समिति गठन हुनु धेरै ठूलो कुरा होइन, कार्यालय र साधन स्रोत उपलब्ध गराएमा मात्र हामी लक्ष्य अनुसार यी समुदायको क्षेत्रमा कार्य गर्न सक्छौं उनले भने, ‘दलित समुदायको उत्थान र अधिकारको क्षेत्रमा कही कतैबाट बाधाव्यवधान आएपनि सामना गर्छौ, सामाना गर्न नसकेमा वा लक्ष्य अनुसार कार्य गर्दा समस्या आएमा राजिनामा समेत दिनेछौं ।’

संघका प्रदेश संयोजक कैलास दासको अध्यक्षतामा भएको सो कार्यक्रमका प्रमुख अतिथि भोला पासमानले दलित समुदायको क्षेत्रमा समस्या र चुनौतीहरु जक्रिएको छ । यी समिति गठनपछि यस प्रदेशका दलित समुदायको न्याय, अधिकार, पहुँच लगायतको क्षेत्रमा आशा पलाएकोले यी आशा र विश्वासलाई नतोड्न सबैमा आग्रह गरेका छन् ।
उनले दलित विकास समिति गठनपछि यस प्रदेशका १८ प्रतिशत दलित समुदायको उम्मेद जागेकोले निष्पक्ष, निर्भिक भएर कार्य गर्न आग्रह गरेका छन् ।
कार्यक्रममा समितिका अध्यक्ष राज कुमार दास, सुनिता मरिक डोम, श्याम सरदार, सेवती देवी दास, दलित अभियन्ता चन्देश्वर दास, दलित महिला अधिकारकर्मी मुन्नी देवी दास, राजु पासमान लगायतका व्यक्तिहरुले सुझाव, शुभकामना तथा बधाई दिएका छन् ।

समुदायिक भवन निर्माणपछि समाजिक कार्यको उत्थान हुन्छ ः राज्यमन्त्री कुशवाहा

जनकपुरधाम, १७ फागुन । प्रदेश नं. २ का आन्तरिक मामिला तथा कानून राज्यमन्त्री सरोज सिंह कुशवाहाले ४५ लाखको लागतमा बन्ने समुदायिक भवनको शिलान्यास गरेको छ ।
महोत्तरीको सम्सी गाउँपालिका ४ स्थित पोखरभिण्डामा ३० लाखको लागतमा तथा सोही गाउँपालिकाको गाढामा १५ लाखको लागतमा बन्ने समुदायिक भवनको एक समारोहबीच शिलान्यास गरेका हुन ।
त्यसैगरी सोही गाउँपालिकाको वडा नं. ३ लक्ष्मीनिया स्थित रामजानकी कुटीको जग्गामा बाउण्ड्री वालका लागि बजेट दिने प्रतिबद्धता जनाएका छन् ।
शिलान्यास गर्दै राज्यमन्त्री कुशवाहाले ग्रामिण क्षेत्रमा बसोबास गर्नेहरुलाई समुदायिक भवन निर्माण पश्चात् सार्वजनिक कामकाजमा सहजता हुने बताएका छन् ।
उनले भने ‘शिलान्यास पश्चात् निर्माण कार्य छिट्टै हुनेछ । यो समुदायिक भवन निर्माण भएपछि एकअर्कालाई जोडने कार्यमा मद्दत पुर्याउने आफू विश्वस्त छौं ।’
सामाजिक वातावरणलाई बलियो बनाउन तथा समाजलाई एकठाउँमा उभ्याउनमा यस्ता कार्यहरुले सहयोग गर्नेछ उनले भने ‘वर्षोदेखि पिछडिएका ग्रामिण भेगमा सर्वसाधारण जनताको आवश्यकता अनुसार कार्य गर्ने गरेका छौं ।’

शिलान्यास कार्यक्रममा पूर्व स्वास्थ्य राज्यमन्त्री सुरेन्द्र यादव, जसपाका क्षेत्रीय अध्यक्ष, वडा अध्यक्ष,स्थानीयहरु, नेता तथा कार्यकर्ताहरुको उपस्थिति रहेको थियो ।