प्रदेश २ सरकारको जनलोकपाल आयोग गठन

 जनकपुरधाम, २२ भदौं । प्रदेश २ सरकारले प्रदेशमा आर्थिक सुशासन कायम गर्न तीन सदस्यीय प्रदेश जनलोकपाल आयोग गठन गरेको छ ।
आयोगको अध्यक्ष पदमा रामसहाय राय यादवलाई नियुक्त गरेको छ भने सदस्यहरुमा शोभा कुमारी महतो राजकिशोर प्रसाद साहलाई नियुक्त गरेको हो । नव नियुक्ति तीनै जनालाई प्रमुख हरिशंकर मिश्रले गोपनीयताको सपथ ग्रहण गराएका छन् ।
उक्त अवसरमा मुख्यमन्त्री लालबाबु राउत, सभामुख सरोज कुमार यादव, उपसभामुख उपमा देव, प्रदेश साँसद शत्रुधन महतो, प्रमुख सचिव हरि प्रसाद मैनाली सहित प्रदेश सरकारका सचिवहरुको उपस्थिति रहेको थियो ।
आयोगका नवनियुक्त पदाधिकारीहरुले ग्रमिण प्रशिक्षण केन्द्र मुजेलिया स्थित आयोगको कार्यालय पुगि आजै पदभार ग्रहण गर्नु भएको छ ।