प्रहरीद्वारा चार सय लिटर मदिरा नष्ट

जनकपुर, भाद्र २४ गते । जिल्ला प्रशासन कार्यालय धनुषाले शुक्रवार चार लिटर मदिरा नष्ट गरेको छ ।  अवैध रुपमा घरेलु मदिरा उत्पादन गरी बेच्न लागेको बेलामा सो मदिरालाई नियन्त्रणमा लिई नष्ट गरिएको जनाइएको छ ।

प्रहरी नायब उपरीक्षक मनोज कुमार यादवले धनुषाको मुजेलिया तथा लक्ष्मीनिया बजार नजिकको सो मदिरा पक्राउ गरिएको  हो । जनकपुर आउन लागेको बेलामा मुजेलिया स्थित इलाका प्रहरी कार्यालयले पक्राउ गरिएको जनाइएको छ । जिल्ला प्रहरी कार्यालयमा ल्याएर सो मदिरा नष्ट गरिएको थियो ।
जिल्ला प्रहरी कार्यालय धनुषाका प्रहरी उपरीक्षक लिलामणि आचार्यले पत्रकारहरुसँग गरिएको भेटघाट कार्यक्रममा अधिकांश सञ्चारकर्मीहरुले जनकपुरको गृह परिक्रममा सडक भित्रमा मांस मदिरा बिक्री वितरणमा रोक लगाउन माँग समेत गरेका थिए । उनीहरुले बजारमा खाद्य तथा उपभोग वस्तुको अनुगमन तथा मूल्य निर्धारणका लागि आग्रह समेत गरेका थिए ।
उनीहरुले महेन्द्रनगर स्थित रेष्टुराहरुमा भई रहेको यौनधन्धाका बारेमा सञ्चारकर्मीहरुले लेखेपनि प्रशासन मौन रहेको गुनासो समेत पोखे ।
खाना पकाउने ग्यासमा भई रहेको कालोबजारी, अञ्चल अस्पताल वरिपरि खोलिएको क्लिनिक तथा औषधी पसल, सीमावर्ती क्षेत्रमा युवाहरुद्वारा लागू औषध कारोवार लगायतका दर्जनौं समस्याहरु सञ्चारकर्मीहरु सुझाएका थिए ।