संविधान परिमार्जनमा एमालेले सहयोग आवश्य गर्छन ः मन्त्री लेखक

जनकपुर, भदौ २४ गते । भौतिक पूर्वाधार तथा यातायात मन्त्री रमेश लेखकले संविधान संशोधनमा एमालेले सहयोग गर्ने छ आफू विश्वस्त रहेको बताएका छन् । उनले जनता तथा राष्ट्रको हितमा एमालेले पछाडि नपर्ने धारणा औल्याए ।

जनकपुर—भिठामोड तथा हुलाकी सडकको शिलान्यास गर्न आएका मन्त्री लेखकले जनकपुर विमान स्थलमा प्रेस युनियनले गरेको पत्रकार सम्मेलनमा आवश्यक पर्ने परिमार्जनहरु गरी कार्यान्वयन तर्फ जाने सरकारको लक्ष्य रहेको समेत बताए ।
उनले संविधान सबैको साँझा दस्तावेज र सम्पति रहेकोले यसलाई स्थापित र सुनिश्चित गर्न यस सरकारको लक्ष्य भन्दै संविधानमा तराई÷मधेशका आदिवासी, जनजाति, थारु लगायतका असन्तुष्टिलाई सम्वादका मार्फत लोकतान्त्रिक ढंगबाट सहमति गरेर परिमार्जन गरी कार्यान्वयन तर्फ जाने जिकिर गरे  ।