जनकपुर विकासका कहा“ खर्चिए ४६ अर्ब रुपैया

जनकपुर । भारतले जनकपुर विकासका लागि दसवर्ष भित्रमा ४६ अर्ब रुपैया सहयोग गरेको खुलासा भएको छ । तर यत्रो ठूलो रकम कहाँ खर्चिएको हो त ? स्थानीयवासीहरुका लागि एउटा प्रश्न खडा हुनु स्वभाविकै हो ।  भारत झारखण्ड प्रदेशका पूर्व वित्तमन्त्री तथा झारखण्ड प्रदेशका भाजपा उपाध्यक्ष छटुराम महतोले भारत सरकारले जनकपुरको विकासका लागि १० वर्षमा ४६ सय करोड सहयोग गरेको दावी गरेका छन् ।

भारतले दिएको ४६ अर्ब रुपैया जनकपुरको विकासमा साँच्चिकै खर्चिएको भए भने आज जनकपुरको  दूदर्शा यस्तो हुने थिएन । जनकपुर प्रवेशका लागि सडक छैन, जनकपुर भित्र नाला, सडक दुबै छैन, मठ मन्दिरको सौन्दर्यीकरण हुन सकेको छैन । धार्मिक स्थल त्यही अवस्थामा छ, फेरी कहाँ गए ४६ अर्ब रुपैया त ? यो प्रश्न हाम्रै लागि मात्र होइन, मन्त्रीले समेत बुझ्न पाएन ।

बिहारका पूर्व वित्तमन्त्री तथा झारखण्ड प्रदेशका विजेपीका उपाध्यक्ष समेत रहेका महतोले भने‘ आफूलाई भारत सरकारले जनकपुरको विकास हेर्नका लागि पठाएको छ । तर आफू जनकपुर आउँदा सोचे जस्तो उल्टो देखियो । धार्मिक साँस्कृतिक नगरी यस्तो छ भन्ने विश्वास पनि लाग्दैन । सीमावर्ती क्षेत्रबाट २९ किलोमिटर सडकको अवस्था हेर्दा जुनसुकैलाई अचम्भ लाग्नसक्छ । त्यसपछि यहाँका अवस्था बुझ्ने प्रयास समेत गरेको छु । यस्तो अवस्थामा जनकपुरवासी राजनीतिद्वन्दमा मात्र होइन, विकासबाट समेत अपेक्षित रहेको मैले पाए ।’ उनले अगाडि थपे ‘आफ्नो जनकपुरमा राजनीति यात्राको उद्देश्यले आएको होइन । भारतले दिएको रकम सदुपयोग भएको छ,कि छैन उद्देश्यले भारत सरकारले नै पठाएको छ । तर, जनकपुरका लागि कति रकम आएको छ, कहाँ कहाँ खर्चिएको छ स्थानीयवासीलाई समेत थाहा नभएको आफूले बुझेको हो ।’
विजेपी उपाध्यक्ष महतोले जनकपुरको रेल्वे निर्माण, मठ मन्दिर तथा धार्मिक सरसरोवर, जनकपुर भीठामोड सडक, विद्यार्थीहरुको छात्रवृति लगायतमा भारतले सो रकम सहयोग गरेको छ । तर त्यस मध्ये एउटाको पनि विकास देखिएन ।

राजनीतिक द्वन्दमा यहाँको विकासको कार्य अवरुद्ध होइन, राजनीति शोषणमा समेत जनकपुरवासी रहेको आफूले थाहा पाएको संकेत गरे । नेपालको राजनीतिक समस्या आन्तरिक समस्या हो, यो समस्या नेपाल सरकारले नै समाधान गर्नुपर्दछ । नेपाल सुन्दर र शान्त देश भएपनि राजनीतिक अस्थिरताका कारण आपसी द्वन्दमा फसेको महसुस गरेको बताउँदै सरकारले छिट्टोभन्दा छिट्टो यो समस्या समाधान गर्नेछन आफू विश्वस्त रहेको बताए ।विश्वभारती फाउण्डेशन जनकपुरधामका टोली जनकपुरको विकासका बारेमा गुनासो गरेपछि केन्द्र सरकारले स्थानीयस्तरबाट यहाँको विकासका बारेमा बुझ्नका लागि पाँच जनाको टोलीमा पठाएको जिकिर गरे । उनले नेपाल एकटा देश भएपनि दुई समुदायबीच बाटिएको थाहा पाउँदा आश्चर्य लागेको छ । संविधानमा यहाँको नागरिकता, जनसंख्याको आधारमा प्रतिनिधित्व, तथा सीमाकंन मुख्य समस्या रहेको बुझेको उनले बताए । टोलीमा राष्टिूय गौ रक्षा संघ (राष्टिूय सचिव) तथा संयोजक भारत इकाइका डा.पी.के. ठाकुर, विशेष सल्लाहकार विश्वभारती फाउण्डेशन तथा प्रवक्ता राष्टिूय गौ रक्षा संघका प्रो.आर.एन.सिंह, तथा  दुई जना पत्रकार संजय कुमार रवानी, मिथिलेश कुमार जनकपुर आएका थिए ।