कैलास दास
जनकपुर । धनुषा जिल्ला अदालतको थुनछेकको आदेशमा पूर्पक्षका लागि जलेश्वर कारागार पठाईएका सभासद संजय कुमार साहलाई ठाउँको अभाव भएको भन्दै कारागारले राख्न अस्वीकार गरेपछि उनलाई जिल्ला प्रहरी कार्यालय महोत्तरीमा राखिएको छ । क्षमताभन्दा बढी कैदी रहेको बेलामा “क” श्रेणीको सुविधा पाउने गरी कारागारमा पठाईएका सभासद संजय कुमार साहलाई राख्नका लागि बातावरण एवं ठाउँको अभाव भएकाले कारागारले राख्नलाई अस्वीकार गरेको श्रोतले जनाएको छ ।
जलेश्वर कारागारमा १ सय ३५ जना कैदी बन्दी राख्ने क्षमता भए पनि अहिले ४ सय ४९ बन्दी मध्ये ५ आश्रित बालबालिका, ३२ महिला र ४ सय १२ जना पुरुष बन्दी रहेका छन् । कारागारका प्रमुख शोभेन्द्र ठाकुरले जेलको अवस्थालाई दृष्टिगत गरेर निर्णय परिवर्तनका लागि स्थानिय सुरक्षा निकाय मार्फ पत्र नै पठाएका छन् । जलेश्वर जेलमा बन्दी अत्याधिक भएका कारणले एक जनालाई शौचालय गर्नका लागि घण्टौं सम्म लाईन कुर्नु पर्ने बाध्यता रहेको कारणले कैदीहरुले निक्कै सास्ती व्यहोर्नु परेको छ । यस अघि जनकपुर बम विस्फोटका प्रमुख योजनाकार अर्जुन सिंह भनिने मुकेश चौधरी सहित केही कैदीलाई पनि कारागारले बाहिर पठाएका छन् ।
ठाउँको अभाव भनिएपनि सुरक्षाको कारणले पनि उक्त निर्णय कारागार प्रशासनले गरेको हुन सक्ने विश्वस्त श्रोतको दावी रहेको छ । एक्कै मुद्दामा कारागारभित्र बन्दी राखियो भन्ने झडप भएर असुरक्षा उत्पन्न हुने सम्भावनालाई मध्यनजर गरेर पनि सुरक्षा निकायकै राय सल्लाह अनुसार छुट्टा छुट्टै राखिएको श्रोतले जनाएको छ ।
यस अघि पनि पटक(पटक जलेश्वर कारागारको क्षमता अभिवृद्धिका लागि प्रयास भए पनि सार्थक हुन सकेको छैन । जलेश्वर कारगारको स्थल पनि उपयुक्त नरहेको, वर्षा र बाढी याममा जेलभित्रै पानी जम्ने गरेका छन् । कारागारको ठाउँ सारी गरि जनकपुर र जलेश्वरको बीचमा पर्ने एकान्त ठाउँमा नयाँ भवन बनाएर व्यवस्थित गर्न उपयुक्त रहेको छ ।
जनकपुर । धनुषा जिल्ला अदालतको थुनछेकको आदेशमा पूर्पक्षका लागि जलेश्वर कारागार पठाईएका सभासद संजय कुमार साहलाई ठाउँको अभाव भएको भन्दै कारागारले राख्न अस्वीकार गरेपछि उनलाई जिल्ला प्रहरी कार्यालय महोत्तरीमा राखिएको छ । क्षमताभन्दा बढी कैदी रहेको बेलामा “क” श्रेणीको सुविधा पाउने गरी कारागारमा पठाईएका सभासद संजय कुमार साहलाई राख्नका लागि बातावरण एवं ठाउँको अभाव भएकाले कारागारले राख्नलाई अस्वीकार गरेको श्रोतले जनाएको छ ।
जलेश्वर कारागारमा १ सय ३५ जना कैदी बन्दी राख्ने क्षमता भए पनि अहिले ४ सय ४९ बन्दी मध्ये ५ आश्रित बालबालिका, ३२ महिला र ४ सय १२ जना पुरुष बन्दी रहेका छन् । कारागारका प्रमुख शोभेन्द्र ठाकुरले जेलको अवस्थालाई दृष्टिगत गरेर निर्णय परिवर्तनका लागि स्थानिय सुरक्षा निकाय मार्फ पत्र नै पठाएका छन् । जलेश्वर जेलमा बन्दी अत्याधिक भएका कारणले एक जनालाई शौचालय गर्नका लागि घण्टौं सम्म लाईन कुर्नु पर्ने बाध्यता रहेको कारणले कैदीहरुले निक्कै सास्ती व्यहोर्नु परेको छ । यस अघि जनकपुर बम विस्फोटका प्रमुख योजनाकार अर्जुन सिंह भनिने मुकेश चौधरी सहित केही कैदीलाई पनि कारागारले बाहिर पठाएका छन् ।
ठाउँको अभाव भनिएपनि सुरक्षाको कारणले पनि उक्त निर्णय कारागार प्रशासनले गरेको हुन सक्ने विश्वस्त श्रोतको दावी रहेको छ । एक्कै मुद्दामा कारागारभित्र बन्दी राखियो भन्ने झडप भएर असुरक्षा उत्पन्न हुने सम्भावनालाई मध्यनजर गरेर पनि सुरक्षा निकायकै राय सल्लाह अनुसार छुट्टा छुट्टै राखिएको श्रोतले जनाएको छ ।
यस अघि पनि पटक(पटक जलेश्वर कारागारको क्षमता अभिवृद्धिका लागि प्रयास भए पनि सार्थक हुन सकेको छैन । जलेश्वर कारगारको स्थल पनि उपयुक्त नरहेको, वर्षा र बाढी याममा जेलभित्रै पानी जम्ने गरेका छन् । कारागारको ठाउँ सारी गरि जनकपुर र जलेश्वरको बीचमा पर्ने एकान्त ठाउँमा नयाँ भवन बनाएर व्यवस्थित गर्न उपयुक्त रहेको छ ।
No comments:
Post a Comment