राप्रपा नेपालमा तीव्र विवाद

कैलास दास
जनकपुर, जेठ ७ । राष्टिूय प्रजातन्त्र पार्टी नेपाल धनुषामा तीव्र विवाद उत्पन्न भएको छ । राप्रपा नेपालको जनकपुर उद्योग वाणिज्य संघमा पार्टीका उपाध्यक्ष डा. धवल शम्शेर राणाको प्रमुख आतिथ्यमा भएको जिल्ला अधिवेशनमा केन्द्रिय सदस्य मनोज प्रताप मल्लले हैकामवादी प्रवृति देखाएर जिल्ला कार्य समिति गठन गरेकोमा त्यो अवैधानिक भएको कृष्णदेव चौधरी नेतृत्वको वर्तमान कार्यसमितिले जनाएको छ ।
रिपोटर्स क्लव जनकपुरमा विहिवार आयोजना गरिएको पत्रकार सम्मेलनमा राप्रपाको विधानविपरित अवैधानिक तरिकाले कार्यसमितिको घोषणा गरेकाले त्यो वैधानिक हुन नसक्ने र आफुहरु जिल्ला अधिवेशन स्थगित गरी अधिवेशन स्थलबाट बाहिर गएकाले गठन भएको समिति मान्य नहुने अध्यक्ष चौधरीले बताए । षडयन्त्रपूर्ण तरिकाले भएको जिल्ला अधिवेशन बारेमा केन्द्रिय कार्य समितिमा जानकारी गराईएको सचिव रामनरेश यादवले बताए ।
धनुषा जिल्लाका ४ वटा निर्वाचन क्षेत्रमा मात्र अधिवेशन भएको बताउदै मनोज प्रताप मल्ले पार्टीलाई आफनो खल्तिको पार्टी बनाउन खोजेको बताए । उनमा हैकमवादी सोंच कायमै रहेको र प्रजातान्त्रिक संस्कार र राजनीतिक साेंच नभएको बताए । साक्षात्कार कार्यक्रममा क्षेत्र नं. ७ का अध्यक्ष मिन बहादुर थिङ्गले राप्रपा नेपालको विधानको धारा ४२ ङ अनुसार अधिवेशनको प्रमाणितकरण जिल्ला अध्यक्षबाट हुनुपर्नेमा अध्यक्षले नै बहिष्कार गरेकाले जर्वरजस्ती बनाईएको कार्य समिति वैधानिक नभएको बताए । अवैद्यानिक तरिकाले भएको अधिवेशनलाई मान नसकिने बताउदै अधिकांश पार्षदहरु आफुहरुको पक्षमा रहेको थिङ्गले बताए । यस अघि जिल्ला अधिवेशनले मनोज प्रताप मल्ल पक्षधर भनिएका रितेश सिंहको अध्यक्षतामा कार्य समिति गठन गरेका थिए । पत्रकार सम्मेलनमा पार्टीका जिल्ला उपाध्यक्ष रामचन्द्र यादव, क्षेत्र नं. ४ का अध्यक्ष दामोदर प्रधान, रामकुमारी साह र नगर अध्यक्ष अलाउदिन साफि सहितका नेताहरु उपस्थित रहेका थिए ।
राजावादी र हिन्दुवादी पार्टीको रुपमा हाल सम्म चिनिएका राप्रपा नेपालले दोश्रो संविधानसभामा जनताको मत राम्रो संग बटुुले पनि देश भरिका पार्टी संगठन व्यापक विवाद रहेको छ । सभासदको चयनमा पनि देखिएको विवादका कारणले अहिले जिल्ला जिल्लामा त्यसको असर देखिन थालिएको छ । धनुषामा पनि मनोज प्रताप मल्ल पक्षधरलाई सभासद बनाउनमा पाखा लगाएका कारणले जिल्ला अधिवेशनबाट ती पक्षलाई पाखा लगाउने काम भएको छ ।