सिंचाई कार्यालयमा एक महिनादेखि तालाबन्दी करोडौको ठेक्का अलपत्रमा पर्ने सम्भावना

जनकपुरधाम, २३ बैशाख । प्रदेश सरकारको अधिनमा रहेको जलस्रोत तथा सिचाइ विकास डिभिजन कार्यालय जनकपुरधामको आर्थिक प्रशासन कार्यालयमा विगत एक महिना देखि तालाबन्दी छ । कार्यालयमा तालाबन्दीको कारण करोडौको ठेक्का अलपत्रमा पर्ने सम्भवना बढेको छ ।
आर्थिक मसान्तको सम्पन्न हुन लागेको बेला विभिन्न उपभोक्ता समिति तथा ठेकेदारको कामकारवाही नै अवरोध पारी लेखापाल नविन झाले तालाबन्दी गरेर गएपछि यस कार्यालयलाई मरिहत्ते भएको हो ।
करिब ३ महिना पूर्वदेखि लेखापाल पदमा कार्यरत्त नविन झाले आफु अनुकुल उपभोक्ता समिति तथा विभिन्न ठेकेदारलाई काम गर्न दवाव दिन थालेपछि कार्यालयको काम कारवाही नै प्रभावित हुन थालेको थियो । जसले गर्दा कार्यालय प्रमुख भगवान झा र निवर्तमान लेखापाल नविन झा वीच उत्पन्न विवादले उग्ररुप लियो । यस विषयमा जलस्रोत तथा सिचाई विकास डिभिजन कार्यालय जनकपुरधामले प्रदेश नम्बर २ को भौतिक पूर्वाधार विकास मन्त्रालयलाई एक पत्र लेखि जानकारी गराएको थियो ।
मन्त्रालयमा जानकारी भएपछि नविन झालाई यस कार्यालयबाट जनस्वास्थ्य कार्यालय धनुषामा सरुवा गरेको थियो । सरुवा गराएको झोकमा लेखापाल नविन झाले आर्थिक प्रशासन शाखामा एक महिना देखि नै तालाबन्दी गरे ।
यता डिभिजन कार्यालयका प्रमुख भगवान झाले मन्त्रालयमा पत्र लेखि यस कार्यालयबाट भगाउन खोजेको थाहा पाएपछि लेखापाल नविन झाले कार्यालयको साम्रगी विना बुझबुझारथकै उनी जनस्वास्थ्य कार्यालय धनुषामा हाजिर हुदैँ आएका छन् । तर यस प्रति भने कार्यालय प्रमुख भगवान झाले ५ पटक सम्म मन्त्रालय तथा जनस्वास्थ्य कार्यालय समेतलाई रवाना पत्र विना नविन झालाई हाजिर किन र कसरी गराइयो भनि पत्र पठाएको थियो ।
कार्यालय प्रमुख भगवान झाले लेखापाल नविन झाको बारेमा जिल्ला जनस्वास्थय कार्यालय धनुषामा विना रवाना पत्रको कसरी हाजिर गराएको भनि पत्र पठाएपछि एकाध घण्टाका लागि ताला खोलेको जिकिर गरे ।
आर्थिक प्रशासन शाखामा महत्वपूर्ण फाईल तथा डकुमेन्टस्हरु रहेकाले उपभोक्ता समिति तथा ठेकेदारको आर्थिक कारोबार नै ठप्प रहँदा निकै समस्या परेको छ ।
करोडौँको कामकारवाहीहरु प्रभावित पार्ने गरी महिनौँ दिनसम्म तालाबन्दी रहँदा समेत सम्बन्धित निकायले बेवास्ता गर्दा प्रदेश नम्बर २ को सरकारी कामकाजको व्यथिती लथालिंग रहेको उजागर भएको छ ।
यता तालाबन्दीकै कारण करिब एक महिना देखि समायोजन तथा पदस्थापन भएर यस कार्यालयमा हाजिर हुन आएका एक लेखापाल दिन विताएर घर फर्किने गरेका छन् ।
लेखापाल पदमा चैत २६ गते देखि नै डिभिजन कार्यालयमा हाजिर भएपनि उनको रवाना पत्र हालसम्म यस कार्यालयले नबुझ्दा रामचन्द्र ठाकुर कार्यालय समयमै हाजिर भई ५ बजे तर्फ फर्किने गरेको छ ।
उनी यस कार्यालयमा आउँदा लिएर आएको रवाना पत्र समेत हालसम्म डिभिजन कार्यालयले बुझ्न मानेका छैनन् ।
अर्का लेखापाल नविन झाले विना हिसाबकिताब विना बुझाबुझारथ नै तालाबन्दी गरेर साँचो हस्तान्तरण नगर्दा कार्यालयको अर्को कक्षमा बसेर समयमा काट्ने गरेको उनले जनाए । त्यस्तै ईन्जिनियर गिरिन्द्र झाले गलत क्रियाकलाप गर्ने जोसुकैलाई कडाकारवाही नहुँदा अराजक र अनुशासनहीनता निम्तिएको बताउदँै उनले कार्यालय संचालन र कामकारवाहीमा अवरोध नहोस् भनि सिस्टममा ल्याउन आवश्यकता रहेको बताए ।
तर डिभिजन कार्यालयका प्रमुख भगवान झाले ५ पटकसम्म पनि मन्त्रालयलाई पत्र लेख्दा कुनै ठोस कदम नचालेकाले यस्तो समस्या पहिलो पटक देखा परेको गुनासो गरे । उनले अब छिट्टै नै ताल्चा खुल्ने समेत जनाए ।
तर यस कार्यालयको आर्थिक प्रशासन शाखामा लेखपाल नविन झाले तालाबन्दी गरे लगत्तै कार्यालयले समेत अर्को ताल्चा लगाएका छन् । कार्यालयको अन्य सामाग्री तथा करोडौँको ठेक्कापट्टाको कागजातहरु यस भित्र नै रहेकाले अर्को ताल्चा समेत लगाइएको जनाइएको  छ ।

असन्तुष्ट पक्षले खाना र भत्ता खाएर सडकमा गरे प्रदर्शन

जनकपुरधाम, २३ बैशाख । जनकपुरधाम उपमहा नगरपालिकाको सोमवार भएको तेस्रो नगरसभामा असन्तुष्ट पक्षहरुले भत्ता र खाना खाएर नगरमा नगरप्रमुखको विरुद्धमा प्रदर्शन गरेका छन् ।
विहान ७ बजेदेखि शुरु हुने नगरसभा ११ बजेबाट शुरु भएको थियो । नगरसभाको प्रारम्भमा केही वडा अध्यक्ष र सदस्यहरुबीच मनमुटाव देखिएको थियो । नगरसभा शुरु हुँदा खल्लो देखिएपनि विस्तारै विस्तारै वडा अध्यक्ष तथा सदस्यहरुको सहभागिता संख्या बढ्दै गएको थियो ।
नगरभामा केही सदस्य तथा वडा अध्यक्षहरु सहभागी भई छलफल पनि गरे । केही बुँदामा विशेष छलफल हुन लाग्दा उनीहरुले खाना खाएर हो हल्ला गर्न थालेको नगरप्रमुख लालकिशोर साहले बताएका छन् । उनले नगरसभा शान्तिपूर्ण तरिकाबाट सम्पन्न भयो । नगरसभा सक्न लाग्दा वा सफल भएपश्चात् परिचालित किसिमले केही वडा अध्यक्ष र सदस्यहरुले हो हल्ला गरेको बताएका छन् ।
मेयर साहले भने, ‘नगरसभामा सन्तुष्टी र असन्तुष्टी पोख्नु स्वभाविकै हो । त्यसका लागि नगरसभामा नै छलफल गरी विवाद सल्टाउनु पर्दछ । तर नगरसभामा अमर्यादित किसिमबाट प्रस्तुत हुनु दुःखद कुरा हो ।’
मेयर साहले चारवटा बुँदामा छलफल भयो । विविध बुँदा आएपछि उनीहरुले हो हल्ला गर्न थाल्यो । त्यसमा काँग्रेसका वडा अध्यक्ष तथा सदस्यहरु रहेको थियो । नगरसभालाई सुनियोजित किसिमले असफल गर्ने प्रयास भएको उनले बताएका छन् । उनले बहुमतबाट नगरसभा सफल भएको दावी समेत गरेका छन् ।
नगरसभाको उद्घाटन सत्रमा प्रशासकीय अधिकृत सीता परियारले यस आर्थिक वर्षमा ३१.४४ प्रतिशत कार्य मात्र भएको बताएकी छन् । उनले जुन प्रकारले कार्य हुनुपर्ने थियो त्यसो नभएको असन्तुष्टि व्यक्त गरेकी छन् ।
‘संघीय सरकारले करारमा कर्मचारी भर्ना गर्न नपाइने निर्णय गरिसकेको छ,’ वडा नम्बर ९ का अध्यक्ष परमेश्वर साहले भने । उनले भने, ‘गैरकानुनी कार्यप्रति हामीले असहमति राख्न खोज्यौं, तर हामीलाई ‘नोट अफ डिसेन्ट’ लेख्न दिइएनन् ।’
चित्त नबुझेको कुरामा असहमति व्यक्त गर्ने लोकतान्त्रिक अधिकार हुँदाहुँदै यहाँ मनोमानी गरिएको वडा नम्बर १५ का वडाध्यक्ष अशोक चौधरीले बताए । ‘करारमा कर्मचारी भर्ना हुँदा भविष्यमा अख्तियारले छानबिन गरे हामी त्यसको भागिदार बत्र चाहेका छैनौं,’ चौधरीले भने ।
करारमा कर्मचारी भर्ना गर्न नगरसभाबाट पारित गराइएको प्रस्तावविरुद्ध उनीहरुले प्रमुख जिल्ला अधिकारीलाई लिखित जानकारी समेत दिएका छन् ।  यदि यसको सुनुवाई नभए उनीहरुले अदालतसम्म जाने चेतावनीसमेत दिएका छन् ।

मेयर साह विरुद्ध नाराबाजी
असन्तुष्ट वडा अध्यक्ष तथा वडा सदस्यहरुले जनकपुरधाम उपमहानगरपालिकाका मेयर लालकिशोर साह विरुद्धमा नाराबाजी गरेका छन् । जनकपुरधाम उपमहा नगरपालिकाबाट नारा जुलुस लगाउँदै भानुचौक, शिवचौक, जनक चौक लगायतमा उनीहरुले प्रदर्शन गरेका हुन ।
असन्तुष्टहरुले ‘अब मनमानी चल्दैन, तानाशाही बन्द गर । भ्रष्ट मेयर नगर छोर’ लगायतका नारा जुलुस लगाएका छन् । उनीहरुले मेयर साह आफू खुशी मनपरी ढंगले कार्य गरिरहेको आरोप समेत लगाएका छन् ।
नगर प्रदर्शन गर्दै जनक चौकमा आएर कोणसभामा परिणत भएका थिए । उनीहरु मेयर साहको यस्तै रवैया रह्यो भने अदालतसम्म जाने चेतावनी समेत दिएका छन् ।
वडा सदस्यहरुद्वारा वनभोजन
जनकपुरधाम उपमहा नगरपालिकाको नगरसभाकै दिन केही असन्तुष्ट सदस्यहरुले नगरभित्रमा नै वन भोज गरेका छन् । उनीहरु नगरसभामा सहभागी नभई वनभोज मनाउन भवनगाामा स्कूल गएका थिए । जबकि नगरसभामा सहभागी भई आफ्नो विचार राख्नुपर्ने थियो ।

‘जनता आवासको ३० करोड फ्रिज हुने सम्भावना’

जनकपुरधाम, २० बैशाख । धनुषामा जनता आवासका लागि आएको करीब ३० करोड रुपैया फ्रिज हुन लागेको छ ।
असार मसान्तभित्रमा जनता आवास अन्तर्गत निर्माण कार्य पुरा गरीसक्नु पर्ने थियो । तर कर्मचारी अभावको कारण लाभग्राहीहरु फारम दर्ता गराएको फाराम कम्प्यूटराइज्ड बाहेक कुनै कार्य नभएको जनता आवास धनुषा संयोजक परमेश्वर साहले जानकारी गराएका छन् ।
संयोजक साहले भने, ‘यसवर्षको असार मसान्तभित्रमा ८ सय घर निर्माण गरी सक्नुपर्ने छ । अहिलेसम्म सर्वेपनि भएको छैन । कुनै पनि हालतमा जनता आवास अन्तर्गत घर निर्माण हुने सम्भावना देखिदैन ।’ उनले धनुषामा १५ सय लाभग्राहीहरुले जनता आवासका लागि फाराम दर्ता गराई सकेका,  तर कर्मचारी अभावको कारण कार्य अगाडि नबढेको गुनासो पोखेका छन् ।
उनले ८ सय घर निर्माणका लागि धनुषामा २९ करोड ७० लाख रुपैया बजेट विनियोजन भएको छ । तर कार्यालयमा कर्मचारी र इन्जिनियर नहुँदा निवेदनमाथि सर्वे कार्य अगाडि बढेको छैन । यसले स्पष्ट हुन्छ यसवर्ष ८ सय लाभग्राहीहरु जनता आवासबाट वन्चित रहने बताएका छन् ।
संयोजक साहले निवेदन दर्ता गराएको अढाई महिना विति सक्यो । कर्मचारीको अतोपतो छैन । यस सन्दर्भमा पटकपटक प्रदेश सरकार केन्द्रिय सरकारलाई ध्यानाकर्षण गराएपनि कसैले चासो नलिएको गुनसो पोखेका छन् ।
साहले भने, ‘२०७६÷०७७मा धनुषामा २ हजार घर निर्माण गर्नुपर्ने छ । त्यसका लागि ७० करोड रुपैया बजेट समेत रहेको हो ।’ उनले जनता आवास योजना आएपनि कर्मचारी अभावको कारण असफल हुन लागेको बताएका छन् ।
पहिलो चरणमा  जनता आवास अन्तर्गत डोम, मुसहर, हलखोर र मेस्तर समुदायको घर निर्माण हुनेछ । त्यसका लागि जनकपुरधाम उपमहा नगरपालिका १ देखि २५ वटाका वडाहरुका यी समुदायहरुको घर निर्माण हुनेछ । त्यस्तै औरही गाउँपालिका, धनौजी गाउँपालिका, लक्ष्मीनिया गाउँपालिका, मिथिला बिहारी नगरपालिकाको वडा नंं. ७,८, र १०, हंसपुर नगरपालिकाको २,३,र ४, शहीद नगरपालिकाको वडा नं. ७ कमला नगरपालिकाको वडा नं. ५ मा बस्ने डोम, मुसहर, हलखोर र मेस्तर समुदायको घर निर्माण गर्ने कार्यक्रम रहेको संयोजक साहले जानकारी गराएका छन् ।

‘एउटा मुद्दामा गाउ“पालिका नै घेरियो’

जनकपुरधाम, २८ चैत्र । धनुषाको बटेश्वर गाउँपालिकाकी उपाध्यक्ष प्रमिला देवी महतोले इजलासमा आएको एउटा मुद्दालाई छिनोफानो गर्न लाग्दा केही व्यक्तिले गाउँपालिकालाई नै घेराबन्दी गरेको बताएकी छन् ।
उपाध्यक्ष महतोले भनिन, ‘न्यायपालिका समिति इजलासमा घरेलु हिंसा भन्नो वा सम्बन्ध विच्छेदको मुद्दा आएको थियो । गाउँपालिकामा अध्यक्ष पनि थिएन, इजलास बस्न लागेकै थियो कि राजनीति पार्टीकै एकपक्षले करीब अढाई तीन सयको संख्यामा मान्छेहरु हो हल्ला गर्न थाले ।’ उनले यस्तो अवस्थामा इजलास हाक्नु चुनौती  जस्तो लाग्यो । तर आफूले अलिकतिपनि विचलित भएन बताइन ।
अहिलेसम्म बटेश्वर गाउँपालिका२ सय ३० वटा मुद्दा पर्यो जसमध्ये सयभन्दा बढी मेलमिलापकै माध्यमले समाधान गरेका छौं । समस्या र चुनौतीबीच हामी इजलास चलाई राखेका उनले भनिन, ‘सयभन्दा बढी मुद्दा जग्गा विवाद, ४ वटा घरेलु हिंसा र ४ वटा सम्बन्ध विच्छेदको मु्द्दालाई छिनोफानो गरिसेकका छौं ।’
उपाध्यक्ष महतोले सबभन्दा बढी जकिरिएको मुद्दा सम्बन्ध विच्छेदकै रहेको छ । यस गाउँपालिकामा सम्बन्ध विच्छेदको थोरै मुद्दा भएपनि जटिल रहेको बताइन । वैदेशिक रोजगारीमा श्रीमान गएको बेलामा महिलाहरुले अन्यसँग गरेको लेनदेन, अरुसँग बनाएको सम्बन्धलाई लिएर झण्डै जटिल देखा परेको उनले
बनाइन ।
अहिलेसम्म यहाँबाट एउटा पनि मुद्दा अदालतमा पठाएको छैन उनले भनिन,‘श्रीमानश्रीमती बीचको मुद्दा पनि इजलासमै आउने गर्छन, तिनीहरुलाई सम्झाई बुझाई फर्काउने गरेको हो । कतिपय यस्ता मुद्दाहरु छन जसलाई बिना दर्ता नै मिलापत्र गरी पठाएका हौं ।’

तीन महिनामा ४६ जनालाई छोरी बिमा शिक्षा

जनकपुरधाम, २७ चैत्र । छोरीको पहुँच बृद्धि गर्न प्रदेश नम्बर २ सरकारले ल्याएको छोरी शिक्षा विमा कार्यक्रम प्रभावकारी भएको प्रदेश सरकारले दावी गरेको छ ।
‘मुख्यमन्त्री बेटी पढाउ, बेटी बचाउ’ कार्यक्रम बनाएर शिक्षामा छात्राको पहुच बृद्धि गर्ने योजना अन्तर्गत यो कार्यक्रमलाई अघि सारिएको हो । उक्त योजना अन्तर्गत प्रदेशका ८ वटा नगरपालिकाबाट सुरु भएको छोरी शिक्षा बीमा कार्यक्रम प्रदेश भरी लागू भएपछि अहिलेसम्म ४६ जना छोरीहरुको विमा भईसकेको छ । प्रदेशले यसका लागि ५ करोड ६० लाख बजेट छुट्ट्याएको थियो । विशेष अनुदानपछि यसको बजेट ५५ करोड ६० लाख पुगेको छ । ‘प्रदेश २ का सबै छोरी अब बिमा कार्यक्रममा समावेश हुने प्रदेशका प्रमुख सचिव दिपक सुवेदीले बताए । ‘बेटी पढाउ, बेटी बचाउ’ बिमाअन्तर्गत प्रदेश सरकारले १३ हजार ६ सय ४६ रुपैयाँ छोरीका नाममा जम्मा गर्छ । उक्त रकममा प्रभु बैंकले १ हजार थप गरिदिने सम्झौता गरेको छ । २०७५ साल माघ १ गतेपछि जन्मिएका छोरीले शिक्षा बिमा तथा मुद्दती बचतस्वरूप बिमा गरिएको २० वर्षमा १ लाख २५ हजार रुपैयाँ प्राप्त गर्नेछन् । तर शिक्षाको लागि रकमको आवश्यकता परे प्रदेश सरकारको सिफारिसमा बीचमा समेत केही रकम झिक्न पाउने व्यवस्था गरिएको छ ।
बीमाको लागि नवजात छोरीको फोटो, आमा वा बुबाको नागरिकता, जन्मदर्ताको प्रमाणपत्र र वडा सिफारिस आवश्यक रहेको छ । छोरी बीमा कार्यक्रमलाई सफल बनाउन प्रदेश सरकारले स्वयंसेवकसमेत परिचालन गरेको छ । यस कार्यक्रमका लागि संघीय सरकारले ५० करोड विशेष अनुदान उपलब्ध गराएको छ । छोरी बीमा कार्यक्रम प्रभावकारी बन्दै गएपछि प्रदेशभरि नै लागू गरिएको हो । प्रदेश २ को महत्वकांक्षी योजना छोरी शिक्षा बिमा कार्यक्रम फागुन १० गते औपचारिक रूपमा शुरुवात गरिएको थियो । मुख्यमन्त्री तथा मन्त्रिपरिषद् कार्यालयले आयोजना गरेको एक कार्यक्रममा राष्टूपति विद्यादेवी भण्डारीले छोरी शिक्षा बिमा र मुद्दती खाताको शुरुवात गरेकी थिईन

बालविवाह गरेमा हदैसम्म कारवाही गर्छौ ः मेयर राउत

जनकपुरधाम, २७ चैत्र ।  धनुषाको बटेश्वर गाउँपालिकाका अध्यक्ष डम्बर बहादुर राउत क्षेत्रीले बाल विवाह गरेमा हदैसम्म कारवाही गर्ने चेतावनी दिएका छन् ।
औपचारिक सेवा केन्द्र (इन्सेक)द्वारा बुधवार आयोजित शिक्षा स्वास्थ्य र खाद्य अधिकारका सवालमा सेवा प्रदायक र सेवाग्राहीबीच गाउँपालिकास्तरीय ‘अन्तरक्रिया’ कार्यक्रममा अध्यक्ष राउतले भने, ‘बालविवाह गर्ने विरुद्ध खाडो रुपमा उत्रिन्छौं, रोक्न सबै शक्ति परिचालन गर्नेछौं तर बालविवाह हुन दिन्नौं ।’ उनले यहाँसम्मकि बरातलाई पनि फर्काउने छौं, परिणाममा गाउँपालिकालाई क्षतिपूर्ति व्यहोर्नु परेमा व्यहोर्न पनि तयार रहेको बताएका छन् ।
मानव अधिकार निगरानी समूहका अध्यक्ष देवसागर दासको अध्यक्षतामा भएको सो कार्यक्रममा अध्यक्ष राउतले वडा अध्यक्ष तथा कार्यपालिका सदस्यहरुलाई आग्रह गर्दै भने, ‘नराम्रो कुरा मलाई भन्नुस र राम्रो कुरा बाहिर ल्याउनुस, आफूभित्र रहेको कमीकमजोरी सोधार्ने छौं ।’
अध्यक्ष राउतले शिक्षा, स्वास्थ्य तथा खाद्यमा यस प्रदेशमा नै चुनौती र समस्याले जक्रिएको हो । त्यसको समाधानका लागि स्थानीय सरकार लागि परेको छ, केही दिनसमा त्यसको परिणाम पनि सबैमा सुन्न आउने नै छ उनले भने, ‘शिक्षा, स्वास्थ्य र खाद्यको क्षेत्रमा अनुगमन गरी सुझाव दिनुस, हामी कार्यान्वयनमा ल्याउने छौं ।’
स्वास्थ्य विज्ञ, शिक्षा विज्ञ तथा कृषि विज्ञ लगायत वडा अध्यक्ष, सदस्य, कार्यपालिका सदस्य तथा नागरिक समाजबीच भएको अन्तरक्रिया कार्यक्रममा अधिकांश सहभागीहरुले गुनासो पोखेका छन् ।
कार्यक्रमको बारेमा इन्सेक नेपालका प्रदेश २ इन्चार्ज राजु पासमानले प्रकाशन पारेका थिए भने गाउँपालिका उपाध्यक्ष प्रमिला महतो, स्वस्थ्यकर्मी रुद्रनारायण यादव, शिक्षक लक्ष्मी कुमारी महतो, रामबाबु महतोले विचार राखेका छन् । कार्यक्रम संचालन विनोद महराले गरेका थिए ।

जनता दलको राष्ट्रिय महाधिवेशन सम्पन्न अध्यक्षमा पुनः साह निर्वाचित केन्द्रिय सदसस्य मुञ्जय राउत

जनकपुरधाम, २७ चैत्र । नेपाली जनता दलको पाँचौ राष्टिूय महाधिवेशन भव्यताका साथ सम्पन्न भएको छ ।
राष्टिूय महाधिवेशनबाट अध्यक्ष पदमा पुनः हरिचण साह निर्वाचित भएका छन् । साहको अध्यक्षतामा २५ सदस्यीय केन्द्रिय कार्य समिति गठन भएको हो ।
अध्यक्ष पदका लागि पाँच जनाले उम्मेदवारी दिएका थिए । ती मध्ये सबभन्दा बढी मत ल्याई हरिचरण साह निर्वाचित भएका हुन् । उहाँको प्रतिपक्षमा तेजनारायण यादव, रामप्यारे पासमान, रघु पजियार र श्रवण कुमार चौधरीले उम्मेदवारी दिएका थिए ।
त्यस्तै केन्द्रिय सदस्यमा धनुषाबाट पाँचजनालाई सर्वसम्मतिले चयन गरिएको छ । धनुषाबाट केन्द्रिय सदस्यमा मुञ्जय राउत, जीवछी चौधरी, रामेश्वर यादव, मोहम्मद हासिन, राजकुमार झा रहेका छन् ।
राष्टिूय महाधिवेशनका उद्घाटन सत्रका प्रमुख अतिथि प्रदेश नं. ३ का आर्थिक मामिला तथा योजना मन्त्री कैलास ढुंगानाले नेपाली जनता दल संसद बाहिर भएपनि ठूलो पार्टी रहेको भन्दै देशको विकासका लागि मिलेर जानुपर्ने आवश्यकता रहेको बताएका छन् ।
त्यस्तै नवनिर्वाचित अध्यक्ष साहले संविधान संशोधन गर्ने, सातवटै प्रदेशमा कमिटी गठन गर्ने र मधेशको अधिकारका लागि थप जिम्मेवारी भएको बताएका छन् । उनले नेपाली जनता दल मधेश, पहाड र हिमाललाई जोड्ने कार्य गर्ने प्रतिबद्धता जनाएका छन् ।
त्यस्तै नवनिर्वाचित केन्द्रिय सदस्य मुञ्जय राउतले मधेशी जनताको चाहना अनुसार संविधान संशोधन गर्न संघीय सरकारलाई दवाव सृजना गर्न पार्टीको रुपमा नेपाली जनता दल रहेको जिकिर गरेका छन् । उनले मधेश, पहाड र हिमालको जनताको दुःख पीडामा सधैं साथ दिने यो पार्टीरहेको जिकिर गर्दै भ्रष्टाचारको खिलाप तथा मुलुकको विकास लागि काँधमा काँध मिलेर हिड्न तयार रहेको बताएका छन् ।