मिनी मार्केट बनाउने योजना असफल

जनकपुरधाम, १९ चैत । जनकपुर उपमहानगरपालिका वडा नं. ७ स्थित रामजानकी सुडी कुटी अगाडि (सडकपारी) रहेको पोखरीे पुर्न लाग्दा चौतर्फी विरोधपछि रोकिएको छ । पोखरीको दक्षिणवारी डिलमा नक्सापास गरी घर निर्माण भई रहेको छ भने उत्तरपट्टी सडक छेउतर्फबाट माटो भर्ने कार्य गरेका थिए ।
जनकपुर उपमहा नगरपालिकाको योजनामा परिक्रममा सडक भित्रमा पर्ने ३३ वटा पोखरीको सौन्दर्यीकरण गर्ने योजना रहेको छ । ती योजनामा सो पोखरी पनि रहेको जनकपुर उपमहानगरपालिकाका ७ का वडा अध्यक्ष जानकीराम साहले बताएका छन् ।
वडा अध्यक्ष साहले रातिरातिमा पोखरीलाई भर्र्ने प्रयास गरेपछि आफूले रोकेको र सम्बन्धित निकायमा समेत निवेदन दर्ता गराई सकेको बताएका छन् । उनले जनप्रतिनिधि विहीन रहेको बेलामा सार्वजनिक जग्गाहरु अतिक्रमण हुँदै आएको थियो । तर जनप्रतिनिधि भएपछि दायित्व र कानून अनुसार पनि रोक्न पाउने अधिकार रहेको दोहोर्याएका छन् ।
त्यस्तै कुटीका सचिव चन्देश्वर प्रसाद कापडीले गत चैत १० गते रामजानकी सुडी कुटीको वार्षिक साधारणसभामा पोखरीको स्वरुपनै परिवर्तन हुने गरी घर ठडयाइएपछि सुडी कुटीले पोखरीलाई भरेर मिनिमार्केट बनाउने योजना सर्वसम्मत रुपले निर्णय गरेको बताएका छन् । उनले रामजानकी कुटीका प्रमुख संरक्षण बलराम महतोले पोखरीलाई भरेर आफनो निजी खर्चमा अत्याधुनिक मिनी मार्केट बनाउने विडा उठाएको पनि बताएका छन् ।
कापडीले भने ‘टोलवासीलाई पटकपटक सो पोखरीमा फोहर नफाल्न आग्रह गरिएपनि उनीहरुले अटेरी गरेर फोहर फयाल्दै आएकोले पोखरी भरेर मिनि मार्केट बनाउन वाध्य भएको वताएका छन् । सो पोखरी यदि सौन्दर्यीकरणमा परेको छ भने नगरपालिकाले जिम्मेवारी लियोस ,सुडी कुटिले पोखरीमा भरेको माटो निकाल्न तयार रहेको सचिव कापडीले जिकिर गरेका छन् ।
यता जनकपुरधाम उपमाहानगरपालिकाका मेयर लालकिशोर साहले पोखरी भर्नु अथवा पोखरीमा घर बनाउनु कामलाई नियन्त्रण गर्ने काम सुरु भई सकेको बताएका छन् । पोखरीको डिल भन्दा १५ फिट अलगगै घर बनाउनुपर्ने प्रावधान छिटै बनाउने भन्दै मेयर साहले पोखरी भर्ने कार्य होस या पोखरीमा अतिक्रमण गरेर घर बनाउने कार्य होस त्यसलाई निस्तेज गर्ने प्रतिवद्धता जनाएका छन । उनले जनकपुरधाम उपमाहानगरपालिका भित्रमा भरिइसकेको पोखरीलाई पनि खोजबीन गरी जिर्णोद्धार गर्ने बताएका छन ।
जनकपुरधाम वार्ड नं ७ स्थित पुरानो बसपार्क नजिक परिक्रमा सडकको बगलमै रहेको सो पोखरी संरक्षणको अभावमा विगत केही वर्षदेखि डम्पीङ साइटमा परिणत भएको छ । मन्दिरमा दर्शनका लागि शुद्ध हुनका लागि तत्कालिन समयमा निमार्ण गरिएको पोखरीमा टोलभरिको भएभरको फोहर त्यसैमा फालिने गरिएको छ भने पोखरीमा पानीको अवस्था पनि नाम मात्रकै रहेको छ ।
पोखरीको दक्षिणतिर घर लक्ष्मण साहले चारवटा कोठा निर्माण गरिरहेका छन् । साहका अनुसार आफूले २०७२ सालमा जिवछ यादव र रामबाबु यादवसँग किनेर र सोको लालपूर्जा मात्र होइन, जनकपुर उपमहानगरपालिकाको मापदण्ड अनुसार नक्सा समेत पास गराएर घर निर्माण गरेको बताएका छन् । धनुषाकै कल्याणपुरका धनुषधारी शरणले तत्कालिन समयमा जनकपुरधाम दर्शन गर्न आउने भक्तजनहरुका लागि वस्नका लागि कुटी र रामजानकीको मुर्ति स्थापना गरी मन्दिर निमार्ण गरेका थिए भने बगलमै नुहाउन तथा शुद्ध हुनका लागि पोखरी खनाएकोे कबीर कुटीका वयोवृद्ध महन्थ रामनन्दन दासले बताएका छन् ।  पोखरीको भीड सहित चार कट्ठा जग्गा रहेको छ ।

राजपाले नेकाँ कार्यकर्ता कुटे

जनकपुरधाम, १८ चैत । नेपाली काँग्रेसका कार्यकर्ताले भोट नदिएको निहुँमा कुटपिट राजपा वडा अध्यक्षले कुटपिट गरेको आरोप लगाएका छन् ।
जनकपुर उपमहा नगरपालिका वडा नं. १६ कपिलेश्वरका वडा अध्यक्ष रामअशिष पजियार र वडा सदस्य किशोरी राउतले भोट नदिएको भन्दै नेकाँ कार्यकर्ता रामचन्द्र राउतले आरोप लगाएका छन् ।
जनकपुरधाममा आईतवार पत्रकार सम्मेलन गरी उनले वडा अध्यक्ष पजियारले तिम्रो नाउँ निवेदन आएको तिमी वडा कार्यालयमा आउँ भनेपछि आफूले लिखित रुपमा मलाई जानकारी चाहिन्छ भनेपछि उनीहरुले कुटपिट गरेको बताएका छन् ।
जनकपुर अञ्चल अस्पतालको वेडमा नै पत्रकार सम्मेलन गरी उनले भने, ‘आफू काँग्रेसको नेता भएकोले राजपालाई भोट नदिंदा आपूmलाई कुटपिट गरेको हो ।’ उनले आँखा, पिठ्युर खुट्टामा चोट लागेको बताएका छन् ।
यता वडा अध्यक्ष पजियारले मैले कसैलाई कुटपिट नगरेको भन्दै भाईभाईको झगडा हुँदा निवेदन आएको र सोहीका लागि आउन भनेपछि गाली गल्लोज गरेका थिए । राउतको भाईले नै धक्कमधक्का गरेको बताएका छन् ।

‘दस वर्षदेखि प्रतिशोध लिंदै आएको आरोप’

जनकपुरधाम, १८ चैत । जनकपुर उपमहानगरपालिका वडा नं. १७ कनकपट्टीका रविन्द कुमार यादवले राजनीतिको दम्भमा विगत १० वर्षदेखि भौतिक र मानसिक रुपमा प्रतिशोध लिंदै आएको आरोप लगाएका छन् ।
जनकपुरधाममा आईतवार पत्रकार सम्मेलन गरी यादवले तिलेश्वर यादव, विलेश्वर यादव, धनेश्वर यादव र उनका छोरा रामविनय यादव, प्रदीप यादव, शंकर यादवले पटक पटक कुटपिट र जग्गा कब्जा समेत गरेको बताएका छन् । उनले जिल्लादेखि चौकीसम्म न्यायको लागि गुहारेपनि न्याय नपाएकोले पत्रकार माझ आएको गुनासो पोखेका छन् ।
पीडित यादवले उनी सबै विभिन्न राजनीतिमा लागेका छन् । आफु बिलकुलै स्वतन्त्र रहेकोले कसैले सहयोग नगरेको बताएका छन् । उनले भने, ‘जेल परेका रामविनोद यादव लगायतले २०६५ सालमा मरन्नासन गरी आफू र बुवालाई कुटपिट समेत गरेको थियो । उनीहरुकै डरले २ वर्ष वैदेशिक रोजगारी पनि गए । एकवर्ष जनकपुरमै घर भाडा लिई विताए । तर स्थानीय निकायको निर्वाचन पश्चात गाउँ गएपनि उपद्रव दिने कार्य छोडेको छैन ।’
यादवले वैदेशिक रोजगारीबाट आएपछि घर निर्माणको आधी कार्य भई सकेको छ । छत ढलान मात्र बाँकी रहेकोले ढलान गर्न जाँदा उनीहरुले कुटपिट तथा प्रहरी प्रशासनलाई रकम खुवाएर तोडफोड गराँउर्दै आएको कुरा दोहोर्याएका छन् ।
पीडित यादवले तिलेश्वर, विलेश्वर र धनेश्वरले नगर डिहवारको जग्गा कब्जा गरेको र सोको विरोधमा जिल्ला अदालतमा मुद्दा दर्ता समेत गराएको थियो । जनकपुर उच्च अदालतले सो मुद्दालाई ०७३ चैत १२ गतेमा आफ्नै पक्षमा फैसला समेत सुनाएको छ । तर अहिलेसम्म त्यो जग्गा खाली गराएको छैन । डिहवारको बाटोबाटै हाम्रो घरको पनि बाटो रहेकोले आफूले मुद्दा दिएको बताएका छन् ।
उनले आफूले न्याय नपाएमा काठमाडौंसम्म जाने भन्दै राज्यले नसुनेमा धर्ना दिने बताएका छन् ।
यसरी साधियो रिश्वी
पीडित रविन्द्र यादवले पत्रकार सम्मेलनमा भने, ‘रामविनोद यादव, तिलेश्वर यादव, विलेश्वर यादव, धनेश्वर यादव विभिन्न राजनीतिक दलमा लागेका हुन । उनीहरुले गाउँ विकासका लागि आउने रकमहरु सचिवलाई मिलाएर झ्वाम्मै खाउने गरेको थियो । त्यति मात्र होइन गाउँघरमा झगडा हुँदा पचास हजार देखि एकलाखसम्म जरिवाना लगायत गर्ने गरेको र सो पंचायत गर्दा रकम समेत लिंदै आएको थियो ।’
उनले अगाडि भने, ‘उनीहरुसँग सबै गाउँवासीहरु डराउँदथे । तर आफूले युवाहरुको सहयोगमा सो गाउँमा २०६३ सालमा ‘हंस वाहिनी समाज सेवी युवा समिति’ गठन गरे ।  त्यसको जिल्ला प्रशासन कार्यालयमा ११४८ दर्ता नम्वर रहेको छ । त्यसपछि युवा समितिका युवाहरुले झै झगडा लगायतमा निःशुल्क रुपमा मिलाउने कार्य गर्ने गर्दथे । ०६३ सालमा कन्कपट्टी गाउँ विकास समिति रहेको थियो । गाउँ विकासको लागि ४२ लाख रुपैया आएको थियो । त्यसलाई कागजी भरपाई होइन, कार्यमा सदुपयोग हुनुपर्ने अडान राखेपछि उनीहरुले सोही दिनदेखि रिश्वी साध्दै आएको हो ।’

दैनिक करोडौ नोक्सान

जनकपुरधाम, १८ चैत । जनकपुर उपमहानगरपालिकाको विकासको क्रममा तोडफोड शुरु हुँदा यहाँका बजार व्यापार शुन्यमा झरेको छ ।
एशियाली विकास बैंकको ऋण सहयोगमा यहाँका सडक तथा नाला निर्माण कार्य तिव्रगतिमा हुँदैछ । तर बजार व्यापार बिलकुलै शुन्यमा झरेपछि व्यापारीहरु निक्कै चिन्तित बनेका छन् ।
‘जनकपुर शहरको बाटोघाटो बिलकुलै बन्द नै भएको अवस्थामा छ । पसलहरुमा राखिएको सामानहरु कहाँकहाँ छ अतोपतो छैन । जहाँ सेवाग्राही जान सकिदैन, त्यहाँ व्यापार नचल्नु स्वभाविकै हो’ ( जनकपुर उद्योग वाणिज्य संघका अध्यक्ष ललित साहले बताएका छन् ।
अध्यक्ष साहले भने, ‘सेवाग्राहीहरु अहिले जनकपुर आउनमा कतराई रहेका छन् । बजारमा सेवाग्राही नै शुन्य हो, यस्तो अवस्थामा व्यापार शुन्य हुनु स्वभाविकै हो । दैनिक रुपमा करोडौको घाटा व्यापारीहरुको छ ।’ तोडफोड हुँदा यहाँका व्यापारीहरु बोर्डरपारी जाने गरेको उनले बताएका छन् ।
अध्यक्ष साहले ‘जनकपुरको विकासको कुरामा यसको विरोध पनि गर्नु उचित मैलैले बुझेको छैन । आजको विनास भोलीको विकासको रुपमा देखिएको छ । राज्यलाई घरधनीहरुलाई मुआब्जा दिनुपर्ने थियो ।’
त्यस्तै जनकपुर उद्योग वाणिज्य संघका पूर्व वरिष्ठ उपाध्यक्ष विजय साहले यहाँको बजार शुन्य मात्र होइन, दोहरो घाटामा रहेको बताएका छन् । उनले घरहरु तोडफोड र निर्माण कार्य पनि व्यापारीहरुलाई गर्नु परिरहेको छ । व्यापार संघले गर्नुपर्ने कार्यमा मुकदर्शक बनेर बसेको आरोप लगाएका छन् । हप्तौदेखि पसलहरु पूर्ण रुपमा बन्द रहेको उनले जिकिर गरेका छन् । उनले भने, ‘संवैधानिक व्यवस्था अनुसार पनि अहिलेको विकास नीति गलत र जिम्मेवार विहीन रहेको छ ।’
जनकपुर नगरपालिका भित्रमा शिवचौकदेखि रेल्वे स्टेशनसम्म, जानकी चौकदेखि रामानन्द चौकसम्म घर भत्काउने कार्य चलिरहेको छ । निर्माण कार्यमा तिव्रता आएपनि कतिदिनसम्म यहाँको व्यापारहरु शुन्यमै रहने भन्न अप्ठ्यारो रहेको जनकपुर उद्योग वाणिज्य संघका महासचिव जितेन्द्र कुमार महासेठले बताएका छन् ।

यातायात मन्त्री महासेठलाई १०१ किलोको माला

जनकपुरधाम, १६ चैत । भौतिक पूर्वाधार तथा यातायात मन्त्री रघुवीर महासेठले विकास निर्माणको कार्यमा कुनै प्रकारको राजनीति गर्दैनौ । तर यसका लागि सबै राजनीतिक दलहरुको सहयोग चाहिन्छ ।  सबैको सहयोगले नै नयाँ नेपालको निर्माण हुने बताएका छन् ।
गणेश युवा कमिटीद्वारा आयोजित स्वागत तथा सम्मान कार्यक्रमका प्रमुख अतिथि समेत रहेका मन्त्री महासेठले ‘अप्पन मधेश, सम्पन्न प्रदेश’ को लागि सरकार र पार्टी दुबै प्रतिबद्ध रहेको बताएका छन् । उनले देश र जनताको पैसा सही कार्यमा सदुपयोग गर्ने ठोकुवा पनि गरेका छन् ।  मधेशको लागि वर्तमान सरकारले विशेष प्याकेजको व्यवस्थापन गर्न लागेको जानकारी गराउँदै जनकपुर जसरी विश्वमा चर्चित रहेको छ, त्यसरी नै विकासको मामलामा पनि फड्को मार्ने विश्वास दिलाएका छन् ।
मन्त्री महासेठले स्थानीय सरकारको बजेट व्यवस्थापन भई सकेको र प्रदेश र संघीयको लागि जोरजोरले छलफल भई रहेको जानकारी पनि दिएका छन् । उनले भने, ‘प्रत्येक गाउँपालिकालाई शहरसँग जोड्ने योजना आउँदैछ ।’  कुन सडक स्थानीय तह, कुन सडक प्रदेश र कुन सडक केन्द्रले राजस्व उठाउने त्यस सन्दर्भमा पनि छलफल भई रहेको बताएका छन् ।
त्यस्तै भौतिक पूर्वाधार तथा विकास मन्त्री जितेन्द्र सोनलले यो प्रदेशको लागि केन्द्रमा पनि भौतिक पूर्वाधार मन्त्री मधेशी र राज्यमा पनि मधेशी रहेकोले विकास निश्चित रहेको ठोकुवा गरेका छन् । उनले यो देश गाउँको देश हो । गाउँ बनेपछि प्रदेश बन्नेछ र प्रदेश बनेपछि देश बन्ने विश्वास दिलाएका छन् । विकास मन्त्री सोनलले जनकपुर उपमहानगरपालिकामा आउटअफ रिंग रोड चाँडै बन्ने प्रतिबद्धता व्यक्त गरेका छन् । उनले सोको लागि नेपाल सरकार लागयतमा पहल गरिसकेको बताएका छन् ।
त्यस्तै जनकपुर उपमहानगरपालिकाका मेयर लालकिशोर साहले युवा क्लवको प्रशंसा गर्दै जसरी राजनीतिभन्दा माथि उठेर यो कार्यक्रमको आयोजना गरिएको छ । त्यसरी नै राजनीतिक दलहरु पनि विकासको नाउँमा राजनीतिभन्दा माथि उठ्नु पर्ने बताएका छन् । ‘सबके साथ सबके विकास’ भएमा जनकपुरको विकासलाई कसैले रोक्न नसक्ने ठोकुवा गरेका
छन् ।
कमिटीका अध्यक्ष सुनिल लाल दासको अध्यक्षतामा भएको उक्त कार्यक्रममा जनकपुर उद्योग वाणिज्य संघका निवर्तमान अध्यक्ष शिवशंकर साह हिरा, अध्यक्ष ललित साह लगायत विचार राखेका छन् । क्लवले स्वागत तथा सम्मान कार्यक्रममा प्रदेश साँसद, मन्त्री, युवा क्लव, पत्रकार, बुद्धिजीवि, समाजसेवी लगायतलाई सम्मान गरेका छन् ।

संविधान संशोधन गर्न सरकार तयार छ ः मन्त्री महासेठ

जनकपुरधाम, १६ चैत । भौतिक पुर्वाधार तथा यातायात मन्त्री रघुवीर महासेठले संविधान संसोधन गर्न वर्तमान सरकार तयार रहेको बताएका छन् ।
जनकपुर विमान स्थलमा पत्रकारहरुको घेटघाट कार्यक्रममा मन्त्री महासेठले संविधान संशोधनको विरुद्धमा एमाले रहेको हल्ला विल्कुल निराधार रहेको भन्दै मधेश र मधेशी जनताको हितमा वर्तमान सरकार संविधान संशोधन गर्न तयार रहेको दोहोर्याएका छन् ।
उनले भने, ‘मधेशको हित हुने किसीमको संशोधन गर्न वर्तमान सरकार तयार रहेको छ । यसका लागि मधेशवादी दलसँंग छलफल गरी सहमति पनि भइसकेको हो ।’ मधेशवादी दलहरुसँग सरकारमा सहभागी हुनका लागि सहमति भइसकेको र उनीहरुकै आन्तरिक कारणले सरकारमा आउन ढिलो भएको थपेका छन् । उनले छिटो भन्दा छिटो मधेशवादी दल सरकारमा आउनेमा आफु विश्वस्त रहेको पनि बताएका छन् ।
मन्त्री महासेठले चुनावको समयमा जनतालाई देखाइएको सपना पुरा गर्नका लागि सरकार गठन भएको दिनदेखि नै जनताको प्रतिवद्धता पुरा गर्न वर्तमान सरकार जुटिसकेको र विभिन्न विकृतिहरुलाई समाप्त गरेर अगाडी बढ्ने जमर्को गरिदैँ छ बताएका छन् ।
उनले भने, ‘जनताको प्रतिवद्धता पुरा गर्नका लागि पाँच वर्ष निकै नै लामो अवधि रहेको छ । समयमै प्रतिवद्धता पुरा गर्न सके नयाँ नेपाल बनाउन सकिन्छ ।’  वर्तमान सरकारको रेलमार्ग, सडक मार्गबाट जोड्ने पहिलो जमर्को रहेको जानकारी दिंदै उनले मधेशका पिछडिएका गाउँहरुमा आउने पाँच वर्षभित्र सडक कालोपत्रे गर्ने सरकारको सोच रहेको बताएका छन् ।
उनले अहिले नेपाली जनताको वार्षिक आयदर ८३२ डलर छ । तर १० वर्षभित्रमा पाँच हजार डलरसम्म पुर्याउने सरकारको लक्ष्य रहेको जानकारी पनि गराएका छन् । यो सरकारलाई बाधा अड्चन पनि धेरै छ । त्यसैले एकैचोटी सम्भव छैन । नया नेपाल बनाउनका लागि इमान्दार नेताको जरुरी रहेको र अहिलेसम्म यस्ता इच्छाशक्ति भएको नेता जन्म नलिएपनि औल्याउँदै यसपाली प्रधानमन्त्री केपी ओलीले जुन प्रकारले निर्देशन दिएका छन यसको आधा पनि पालना भयो भने नया नेपाल बनाउन सकिने बताएका छन् ।

साइकलमा चढेर, गुम्तीमा बसेर प्रदेश चलाउन तयार छौं ः मन्त्री सोनल

जनकपुरधाम, १७ चैत । भौतिक योजना तथा विकास मन्त्री जितेन्द्र सोनलले संघीयता बचाउनका लागि साइकलमा चढेर र गुम्तीमा बसेर कार्य गर्नका लागि तयार रहेको बताएका छन् ।
मधेशी पत्रकार समाज नेपालद्वारा आयोजित प्रादेशिक भेलामा मन्त्री सोनलले संघीयता कसैको कृपा र दानमा आएको छैन । सैकडौ मधेशी जनताको बलिदानीबाट संघीयता आएको हो । तर प्रदेश २ बाहेक कसैले संघीयता नचाहेको बताएका छन् । उनले भने, ‘ यो संविधान अधुरा, अपूर्ण, खोटपूर्ण र अपांग संविधान हो । प्रदेश त बनाइएको छ । तर प्रहरी र कर्मचारी भर्ना गर्न सकिदैन । भौतिक पूर्वाधार प्रदेशको हाथमा छैन । यो कस्तो विडम्बना हो ।’ संघीय सरकारले केही नदिएपनि साइकलमा चढेर र गुम्तीमा बसेर कार्य गरी संघीय बचाउने छौं । समृद्धि प्रदेश निर्माण गर्ने छौ उनले जिकिर गरेका छन् ।
उनले संघीय सरकारलाई चेतावनी दिदै भने, ‘अब कुनै पनि हालतमा अन्याय सहदैनौ र याचना पनि गर्दैनौं । अधिकार पहिला पनि लडेर लिएका छौं र अगामी दिनमा पनि लडेर लिनेछौं ।’मन्त्री सोनलले यो प्रदेशमा धेरै चुनौतीहरु छन् । केन्द्रले जनकपुर चुरोट कारखाना र वीरगञ्जको जुट मिल संचालनमा असफल रह्यो । तर प्रदेश सरकारलाई स्वामित्व दिएमा सञ्चालन गरेर देखाउने छौं ठोकुवा गरेका छन् । उनले यो प्रदेश कुनै खिराको बतिया होइन, जतिखेर पनि टिपेर लग्न सकिन्छ । यस प्रदेशको भूभागको ‘जमीनको कन’ पनि अरु प्रदेशमा दिन्न बताएका छन् । उनले यस प्रदेशलाई सवल, सक्षम र समृद्धि प्रदेश बनाउने प्रतिबद्धता समेत व्यक्त गरेका छन् ।
आन्तरिक मामिला तथा कानून राज्य मन्त्री सरोज सिंह कुशवाहाले मधेश आन्दोलन र संघीयता ल्याउनमा पत्रकारहरुको महत्वपूर्ण भूमिका रहेको छ । त्यसरी नै यस प्रदेशलाई समृद्धि प्रदेश बनाउनमा सरकारको गतिविधि सम्बन्धी कलम चलाई दिनेछ आशान्वित रहेको बताएका छन् । उनले प्रदेशका जनताले शान्ति सुरक्षा जुन रुपमा अनुभूति गर्नुपर्ने थियो त्यो भई रहेको छैन । यसका दोषी संघीय सरकार रहेको बताएका छन् । उनले भने, ‘प्रहरी प्रशासन, कर्मचारीहरु संघीय सरकारको मातहत छ । संघको निर्देशनमा उनीहरु कार्य गर्दैछन । यस्तोमा शान्ति सुरक्षाको अनुभूति राज्यले दिन नसक्ने औल्याएका छन् । उनले भने मुलुकमा संघीयता आएपनि संघमा विश्वस्तता छैन । जबसम्म संघको स्पष्ट नीति आउँदैन तबसम्म राज्यमा समस्या रहिरहने बताएका छन् । उनले प्रहरी प्रशासन, कर्मचारी सम्बन्धी प्रदेश सरकारले कानून निर्माणमा लागि सकेका छन् । राज्यको कानून निर्माण पछि प्रदेशका जनताले सबै किसिमबाट शान्ति सुरक्षा अनुभूति गर्ने बताएका
छन् ।
समाजका अध्यक्ष सुभाष कर्णको अध्यक्षतामा भएको प्रादेशिक भेलामा पत्रकार महासंघका अध्यक्ष अनिल मिश्र, सामुदायिक रेडियो प्रसारक संघ प्रदेश २ का अध्यक्ष अशोक दत्त, प्रेस युनियनका पूर्व अध्यक्ष प्रविण शाह, प्रेस चौतारी धनुषाका संयोजक अवधेश कामत, समाजका उपाध्यक्ष दरशथ भण्डारी, वीरेन्द्र रमण लगायतका व्यक्तिहरुले धारणा राखेका छन् ।