जनकपुरधाम मिथिला संस्कृतिकको शहर बन्दै ः मेयर साह

जनकपुरधाम, २६ मंसिर । जनकपुरधाम मिथिला संस्कृति शहरको रुपमा परिणत हुँदै गएको जनकपुरधाम उपमहा नगरपालिकाका मेयर लालकिशोर साहले दावी गरेका छन् ।
जनकपुरधाम उमहानगरपालिका वडा नं. ७ मा ‘मिथिला संस्कृति अध्ययन केन्द्र’ को शिलान्यास गर्दै मेयर साहले सो कुरा बताएका हुन ।
मेयर साहले मिथिलाको कलासंस्कृति धेरै पुरान रहेको छ । तर यसको संरक्षण सम्बद्र्धन हुन नसक्दा हराउन थालेको थियो । जनकपुरधाम धार्मिक नगरीका साथै साँस्कृतिक नगरीको रुपमा समेत रहेकोले ‘मिथिला संस्कृति अध्ययन केन्द्र’ले यसको संरक्षण सम्बद्र्धनको रुपमा कार्य गर्ने विश्वास व्यक्त गरेका छन् । उनले भने, ‘भाषा, साहित्य र संस्कृति यहाँको समृद्धिको पहिचान रहेको छ । यसको संरक्षण र सम्बद्र्धनबाट मात्र जनकपुरधामलाई पर्यटकीय दृष्टिले समृद्ध बनाउन सकिन्छ ।’
मैथिल ब्राह्मण महासभा, नेपालद्वारा आयोजित शिलान्यास कार्यक्रममा मेयर साहले दुईवर्ष भित्र जनकपुरधामको कला संस्कृति झल्किने गरी विकास भएको छ । ‘मिथिला संस्कृति अध्ययन केन्द्र’ को स्थापना पश्चात् जनकपुरधाम मिथिला संस्कृति शहरको रुपमा स्थापित गर्ने आफूले विश्वास लिएको बताएका छन् ।
ब्राह्मण महासभाका अध्यक्ष भगवान झाको अध्यक्षतामा भएको सो कार्यक्रममा नेपाल पत्रकार महासंघ धनुषाका अध्यक्ष अनिल मिश्र, वडा नं. ७ का वडा अध्यक्ष जानकी राम साह, उपमेयर रिता कुमारी मिश्र, जनकपुर बस व्यवसायी संघका अध्यक्ष मनोज चौधरी सहितका व्यक्तिहरुले जनकपुरधामलाई मिथिला संस्कृतिको रुपमा अगाडि बढाउनमा जोड दिएका छन् । उनीहरुले जनकपुरधाम प्रदेश २ को राजधानीका साथै पर्यटकीय नगरी रहेकोले यहाँका पहिचानलाई स्थापित गर्न सबैको दायित्व रहेको बताएका छन् ।

‘जानकी मन्दिरलाई विश्वसम्पदा सूचीमा जान नदिन ठूलो षड्यन्त्र’

जनकपुरधाम, २२ मंसिर । जानकी मन्दिरलाई विश्वसम्पदा सूचीमा सूचिकृत गराउन प्रदेश सरकार र स्थानीय सरकार, धार्मिक संघसंस्था जोरसोरले आवाज उठाई रहेको छ । तर अर्कोतिर धार्मिक र साँस्कृतिक कार्यक्रम बाहेक प्रचारात्मक कार्यक्रम खुलेआम हुँदा पनि चुप लागेर बसेका छन् । साँसददेखि प्रशासनिक निकायका जिम्मेवारहरुको करणी र कथनीमा फरक देखिएको स्थानीयहरुको आरोप लाग्न थालेको छ ।
‘अध्यात्म चिन्तनमनन र पूजापाठका लागि देशविदेशबाट जानकी माताको दर्शन गर्न श्रद्धालुहरु जनकपुरधाममा आउने गर्छन । तर जानकी मन्दिरकै प्राङ्गणमा ठूलो स्टेज निर्माण गरी मिथिला संस्कृति र धार्मिक कार्यक्रम बाहेक अन्य कार्यक्रम हेरेर पर्यटकहरु अचम्भ पर्नु स्वभाविकै हो । यो मन्दिरको व्यवस्थापनको कमीकमजोरी भन्नौ वा जानकी मन्दिरलाई विश्वसम्पदा सूचीमा सूचिकृत नगराउन दिन ठूलो षड्यन्त्र’ गौ संरक्षण मञ्चका अध्यक्ष जगदीश महासेठ बताउँछन् ।
जानकी मन्दिरको प्राङ्गणमा धार्मिक एवं साँस्कृति कार्यक्रम रोक्न जानकी मन्दिर, जनकपुरधाम उपमहानगरपालिका र जिल्ला प्रशासन कार्यालयको दायित्व हो । तर उनीहरुको करणी र कथनीमा फरक देखिएको छ महासेठको भनाई हो ।
हालैमा ब्रिटिस काउन्सिलद्वारा जानकी मन्दिरको प्राङ्गणमा आयोजित ‘वाउ’ नामक कार्यक्रममा प्रतिनिधिसभा साँसद चन्दा चौधरी, जनकपुरधाम उपमहानगरपालिकाका उपमेयर रिता कुमारी मिश्र, बुद्धिजीवि, नागरिक समाज, महिला अधिकारकर्मी लगायतको उपस्थिति रहेको थियो । तर मन्दिरको प्राङ्गणमा यस्ता कार्यक्रम गर्दा जानकी मन्दिरलाई विश्वसम्पदा सूचीमा जानमा असर पर्नेछ कसैले सुझाएन । कार्यक्रम ( बहस तथा छलफल, संगीत, नृत्य तथा नाट्य प्रस्तुती लगायतको थियो । ठूलो आवाजमा मन्दिरमा यस्ता कार्यक्रमले अध्यात्म दर्शन गर्न आएका श्रद्धालुहरुलाई कस्तो असर परेको होला त ? प्रश्न समेत खडा गरिरहेका छन् ।
‘मिथिला कला संस्कृतिक  र धार्मिक प्रवचनका लागि जनकी मन्दिरको प्राङ्गण उचित छ । तर ती बाहेक राजनीतिक मञ्च, अन्य संघ संस्थाद्वारा प्रचारात्मक कार्यक्रममा रोक लागउनु पर्दछ’ मिथिला नाट्यकला परिषद (मिनाप)का अध्यक्ष परमेश झा बताउँछन् । उनले भने, ‘यसले जनकपुरधामको महत्व घटाउने मात्र होइन, जानकी मन्दिरलाई विश्वसम्पदा सूचीमा सूचीकृत गराउन असर समेत पुर्याउँछ ।’
‘वाउ’ कार्यक्रम जानकी मन्दिर तथा राममन्दिर लगायतको धार्मक स्थलकै प्राङ्गणमा भएको थियो ।
‘लैङ्गिक समानताका लागि महोत्सव’ हो, मलाई पत्र पठाएको थियो । पत्रमा कार्यक्रम स्थल सीताशरण होटल तोकेपनि जानकी मन्दिरमा हेरेर आफै छक्क परे । यहाँ त धार्मिक साँस्कृतिक मात्र हुनुपर्ने यस्तो कार्यक्रम किन राख्नु भयो(मैले सोधे’ प्रतिनिधिसभा साँसद चन्दा चौधरीले दैनिक समाचारसँग भने । उनले भने ‘भीडलाई जम्मा गर्ने उद्देश्यले गरेको पछि मैले बुझे । तर यो सरासर गलत र निन्दनी हो । यस्ता कार्यक्रम जानकी मन्दिरमा गर्नबाट रोक लगाउनु पर्दछ ।’
प्रदेश सभा सदस्य एवं गंगा आरतीका संयोजक रामअशिष यादवले जानकी मन्दिरमा धार्मिक संस्कृतिक कार्यक्रम बाहेक कुनै कार्यक्रम गर्नै मिल्दैन । जानकी मन्दिरमा प्रचारात्मक कार्यक्रम गर्नु समान्य कुरा होइन । यसले के दर्शाउँछ भने जानकी मन्दिरका व्यवस्थापन पक्ष निक्कै कमजोर रहेको छ । अब पहिला जस्ता जनकपुरधाम रहेन । जनकपुरधामको चर्चा विश्वमा हुन थालेकोले कम्तिमा धार्मिक स्थलमा यस्ता कार्यक्रम नगर्न सबैमा आग्रह समेत गरेका छन् ।
जानकी मन्दिरलाई व्यवस्थित एवं धार्मिक दृष्टिले अगाडि बढाउनमा मुख्य जिम्मेवारी जानकी मन्दिर, जनकपुरधाम उपमहानगरपालिका, जिल्ला प्रशासन कार्यालय र धार्मिक संघ संगठनको रहेको छ । यस सन्दर्भमा जनकपुरधाम उपमहा नगरपालिकाका उपमेयर रिता कुमारी मिश्रसँग कुरा गर्दा उनले भने, ‘विगतमा के भयो, त्यसको चर्चा नगर्नस्, तर अब सर्वदलीय बैठक बसाएर त्यस्ता कार्यक्रममा रोक लगाउने छौं ।’
त्यस्तै जानकी मन्दिरका छोटे महन्थ रामरोशन दासले अहिलेसम्म आफूले मन्दिरको प्राङ्गणमा कुनै कार्यक्रम गर्नका लागि स्वीकृति दिएको छैंन । विगतमा जिल्ला प्रशासन कार्यालयमा रोक लगाउनका लागि पत्र समेत पठाएका थियौ । तर चिसो लिएको देखएन । अब राजनीतिक दलका प्रतिनिधि, जिल्ला प्रशासन कार्यालय, उपमहानगरपालिका लगायतको सम्बन्धित पक्षसँग निर्णय गराएर नै रोक लगाउने बताएका छन् ।
यता प्रमुख जिल्ला अधिकारी प्रदीपराज कँडेलले जानकी मन्दिरमा कार्यक्रमको आयोजनाका लागि आफूले स्वीकृति नदिएको बताएका छन् । उनले भने ‘मन्दिरको प्राङ्गणमा कुनै कार्यक्रम गर्नका लागि जानकी मन्दिर वा उपमहानगरपालिकासँग स्वीकृति लिनुपर्दछ । उनीहरुलाई नटेरेमा आफूले स्टेप अगाडि बढाउनेछौं ।’

देशभरिका ६० लाख दलितद्वारा आन्दोनको तयारी

जनकपरधाम, २१ मंसिर । मुलुकमा तीन तहको सरकार आएपनि दलितहरुलाई विभिन्न क्षेत्रमा अधिकारबाट वञ्चित गर्दै आएकोले देशभरिकै ६० लाखबढी दलितहरु आन्दोलनको तयारीमा रहेको छ ।
मधेश र पहाडका दर्जनभन्दा बढी दलितहरुको राजनीतिक संस्थाहरुले संयुक्त राजनीतिक दलित संघर्ष समिति, नेपाल गठन गरी आन्दोलनको तयारीमा रहेको छ ।
समितिद्वारा जनकपुरधाममा शनिवार प्रदेश २ स्तरीय अन्तरक्रिया कार्यक्रममा सहभागी दलित अगुवा नेताहरुले सो कुरा बताएका हुन । १८ बुँदे साँझा सहमतिको घोषणा गर्दै अब दलितहरुको आन्दोलनको विकल्प नरहेकोले आन्दोलन रोज्न सबैले सुझाएका छन् ।
दलित नेता दीपनारायण दासको अध्यक्षतामा भएको ‘वर्तमान प्रस्थितिमा संयुक्त दलित आन्दोलनको अवस्था’ सम्बन्धी अन्तरक्रिया कार्यक्रममा समितिका केन्द्रिय संयोजक राजकुमार हिङमाङले संसद, सरकार र सडकबाट सशक्त र घनिभूत पारेर जात व्यवस्था विरुद्ध आन्दोलन गर्नुपर्ने आवश्यकता रहेको बताएका छन् । उनले भने, ‘विकसित राज्य निर्माण गर्ने कार्य दिशालाई अंगिकार गरेर मात्र दलित अधिकारलाई नयाँ उचाईमा उठाउन सकिन्छ ।’
संयोजक हिङमाङले कानून निर्माण मात्र होइन, कार्यान्वयन पनि ल्याउनुुपर्छ । अहिलेसम्म बनेको कानून कार्यान्वयनमा आएको छैन । दलितप्रतिको विभेद, छुवाछुत लगायत कायमै छ । देशभरि १३.८ प्रतिशत दलित छन् । प्रदेश नं. २ मा १७.२९ प्रतिशत दलित छन् । तर सबभन्दा पछाडि पारिएको छ । जबसम्म दलितहरु आन्दोलन मार्फत संघर्ष गर्दैन तबसम्म अधिकार पाउने आवस्था नरहेको बताएका छन् ।
प्रस्तुत १८ बुँदे कार्यपत्रमा आन्तरिक राष्टिूयतालाई सुदृढ गर्दै वैचारिक राजनीतिक स्वतन्त्रताको विरुद्धमा राज्इद्वारा लादिएको राजनीतिक हकमाथिको प्रतिबन्धनात्मक चरित्रको विरुद्धमा जाने, राज्यले संघ, प्रदेश र स्थानीय तहको संरचनालाई पुर्णसमानुपातिक बनाईनुका साथै दलित समुदायलाई क्षतिपूर्तिको व्यवस्था हुनुपर्ने, प्रशासनिक सरचनाहरु, संवैधानिक निकायहरु, निजामति सेवा, पुलिस, सेना, न्यायिक क्षेत्र लगायतका सम्पूर्ण निकायमा  अधिकारको व्यवस्था हुनुपर्ने, राज्यको विभिन्न निकायहरुमा समानुपातिक समावेशी प्रतिनिधित्व हुनुपर्ने । संविधान संशोधन गरी भूमिहीन दलितलाई बाँच्न पुग्ेन जमिन उपलब्ध गराउनुपर्ने, सुकुम्बासी दलितलाई बसिरहेको जमीनमाथिको अधिकार ग्यारेण्टी हुनुपर्ने लगायत रहेको छ ।
कार्यक्रममा राष्टिूय सभासदस्य रामपृत पासमान, प्रदेश सभा सदस्य सीतादेवी मोची, मुन्नी देवी दास, शिव कुमार , राजाराम मण्डल, तृप्ती महरा, राम नेपाली लगायत सयौंको संख्यामा दलित अगुवाहरुको सहभागिता रहेको थियो । संयुक्त राजनीतिक दलित संघर्ष स,मिति, नेपाल प्रदेश नं. १, २ र ३ मा गठन भई सकेको र अरु प्रदेशमा हुन लागेको जानकारी समेत गराएका छन् ।

आफन्तद्वारा ३६० विद्यार्थीलाई स्कूले बैंग

जनकपुरधाम, १८ मंसिर । धनुषाको बटेश्वर गाउँपालिकाको दुईवटा विद्यालयका ३६० जना विद्यार्थीलाई आफन्त नेपालले स्कूले बैंग वितरण गरेको छ ।
शिक्षा, स्वास्थ्य र सामाजिक क्षेत्रमा कार्य गर्दै आएका आफन्त नेपालले बटेश्वर गाउँपालिका ४ स्थित जनजाति प्राथमिक विद्यालयका २१० जना विद्यार्थी तथा वडा नं. ३ स्थित देवकी नमूना विद्यालयका १५० जना विद्यार्थीहरुलाई बैंग वितरण गरिएको हो ।
शिक्षामा बालबालिकाको प्रोत्साहन गर्ने उद्देश्यले सो बैग वितरण गर्ने गरेको आफन्तका संयोजक जयप्रकाश मण्डलले जानकारी दिएका छन् ।

जनजाति प्राथमिक विद्यालयमा विद्यालय व्यवस्थापन समितिका अध्यक्ष शशि रविदासको अध्यक्षतामा तथा देवकी नमूना माध्यमिक विद्यालयमा लक्ष्मी महताको अध्यक्षतामो सो बैंग वितरण गरिएको हो ।
वैंग वितरण कार्यक्रमका प्रमुख अतिथि प्रदेश साँसद शत्रुधन महतोले शैक्षिक क्षेत्रमा आफन्तको योगदानलाई विर्सन नसकिने बताएका छन् । साँसद महतोले भने, ‘स्थानीय सरकार र प्रदेश सरकारले गर्ने कार्य यो संस्थाले गरेको हो । धनुषा महोत्तरीमा करीब आधा दर्जन विद्यालयमा गरेको कार्य प्रशंसनीय रहेको छ ।’
बैंग वितरण कार्यक्रममा सोही गाउँपालिकाका अध्यक्ष डम्बर बहादुर राउत क्षेत्री, उपाध्यक्ष प्रमिला महतो, वडा अध्यक्ष दीप रमण दहाला, हिरा महतो, प्रध्यापक कोइली देवी जर्घा, प्रदीप यादव मरबैता, विष्णुदेव यादव तथा अभिभावकहरुको उपस्थिति रहेको थियो ।

सीताराम विवाह महामहोत्सवमा सहभागी श्रद्धालुहरु यसरी उर्मिए

कृषिमा पैसा खर्च गर्न सकिने मान्छे छैन ः सचिव शर्मा

जनकपुरधाम, १४ मंसिर । भूमि व्यवस्था, कृषि तथा सहकारी मन्त्रालयका सचिव गोविन्द प्रसाद शर्माले कृषिमा आएको बजेट खर्च गर्न सकिने मान्छे नभएको दावी गरेका छन् ।
जनकपुरधाम ४ स्थित शुभलक्ष्मी बचत तथा ऋण सहकारी संस्थाको १० औं वार्षिक साधारण सभामा उनले सो कुरा बताएका हुन । उनले भने, ‘प्रदेश सरकारले कृषि भूमि सुधार सम्बन्धी मापदण्ड बनाउन सकेको छैन । कृषि योजना नबनेसम्म कृषि प्रदेशको रुपमा स्थापित हुन सकिदैन ।’
प्रदेश २ कृषि प्रदेशका साथै सबभन्दा माछा उत्पादन, आँप, केरा, पशुपालन, तरकारी र उद्योग यसै प्रदेशमा हुन्छ । यसो हेर्ने हो भने सहकारीलाई प्mस्टाउन सबै साधनस्रोत यसै प्रदेशमा भएपनि पछाडि परेको हेरेर दुःखद लाग्दो रहेको उनले भने, ‘प्रत्येक क्षेत्रको विकासको प्रबल सम्भवाना भएपनि केही चुनौतीहरु पनि छन् । ती चुनौतीहरुमा बाढीको समस्या । तटबन्ध र चुरे विनासको कारण प्रत्येक वर्ष बाढीले हजारौं विघा कृषि र घरहरु भत्काउने गर्दछ ।’
सचिव शर्माले प्रदेश २ नै नेपाललाई पाल्न सकिन्छ । त्यसका लागि किसानलाई सहज किसिमले कृषि मल्ल, खाद्य, सिंचाईका साधन र अन्य क्षेत्रमा लगानीको आवश्यकता रहेको बताएका छन् ।
उनले किसानको साक्षरतामाथि प्रश्न गर्दै भने, ‘किसानलाई कृषिक्षेत्रमै साक्षर बनाउनुपर्छ । कृषिमा मात्र ध्यान पुर्याएमा वैदेशिक रोजगारीमा जाने युवाहरुको संख्या स्वतः घटने छ । ’ उनले सहकारीसंघ सहकार्य गरेर मन्त्रालयलाई बढाउनुपर्ने आवश्यकता रहेको बताएका छन् ।
त्यस्तै जिल्ला बचत तथा ऋण सहकारी संघ धनुषाका अध्यक्ष तथा सहकारी बैंकका सञ्चालक धुब्रनारायण यादवले सहकारी संघ सहकार्य गरेर प्रदेश सरकारले अगाडि बढेमा यो प्रदेश समृद्ध हुने दावी गरेका छन् । उनले सहकारीको बारेमा जानकारी गराउँदै भने, ‘सहज र सुलभ किसिमले कार्य गर्नु गराउनु नै सहकारीको काम र कर्तव्य हो । मन्त्रालयसँग सहकार्य गरेर सहकारी संस्थाहरु कार्य गर्न चाहन्छ ।’
संस्थाका अध्यक्ष जितेन्द्र कुमार लाभको अध्यक्षतामा भएको सो कार्यक्रममा संस्थाका प्रबन्धक सुरेश यादवले आर्थिक वर्ष २०७६÷०७७ का आयव्याय प्रस्तुत गरेका थिए । त्यस्तै शेयरधनी रामप्रबोध ठाकुर, ब्रहमा मण्डल सहितका व्यक्तिहरुले विचार समेत राखेका थिए ।

जनकपुरधामको विकासका लागि बेलायत सरकार र उपमहानगरपालिकाबीच सम्झौता

जनकपुरधाम, १२ मंसिर । जनकपुरधामको धार्मिक पर्यटकीय विकास तथा प्रबद्र्धनका लागि बेलायत सरकार र जनकपुरधाम उपमहा नगरपालिकाबीच विहिवार सम्झौता भएको छ ।
नेपाल शहरी उत्थानशीलता परियोजना शीर्षक दिएको सो सम्झौता पत्रमा जनकपुरधाम उपमहानगरपालिकाको तर्फबाट मेयर लालकिशोर साह र बेलायत सरकारको अन्तर्राष्टिूय विकास मन्त्रालयको तर्फबाट लिसा होनानले हस्ताक्षर गरेका छन् ।
उपमहानगरपालिकाको सभाकक्षमा विहिवार दुबै पक्षबीच सम्झौता पत्रमा हस्ताक्षर भएको हो ।
सम्झौतामा दुबैपक्षबाट हस्ताक्षर भएको मितिदेखि बढीमा ४ वर्ष ६ महिनासम्म परियोजनाले उपमहा नगरपालिकाको नेतृत्व र स्वामित्वमा सञ्चालन हुने सहयोगका क्षेत्रहरुमा प्राविधिक सहयोग उपलब्ध गराउने रहेछ ।
जनकपुरधाम उपमहा नगरपालिकालाई पर्यटन प्रवद्र्धन र सौन्दर्यीकरणको क्षेत्रमा कार्य गरी आत्म निर्भर बनाउने परियोजनाको लक्ष्य रहेको छ । बेलायत सरकारले नेपालको जनकपुरधाम उपमहा नगरपालिका, पोखरा महानगरपालिका र बुटवल नगरपालिका बीच यो सम्झौता गरिएको जनाइएको छ ।
उपमहानगरपालिकाको उत्थानका लागि दुबै पक्षले गर्नुपर्ने कार्यको बारेमा प्रोजेक्टरमार्फत अजयचन्द्र लालले देखाएका छन् । प्रोजेक्टरमा नगरलाई सफाईदेखि लिएर सम्बद्र्धनसम्मको विषयवस्तुलाई समेटिएको थियो ।
यसरी दुबैपक्षबीच भएको सम्झौतामा परियोजनाका प्राविधिक सहयोगी कर्मचारी, संचालन खर्च तथा प्राविधिक सहयोग अन्तरगतका क्रियाकलापहरु संचालनका लागि परियोजनाबाटै व्योहोरिने गरी खर्चको सुनिश्चितता गर्ने, परियोजनाको क्षमताभित्र रही पुर्णरुपमा सहयोग तथा समन्वय गर्ने र कार्यसम्पादनमा कमी आएमा तुरुन्त सुधारका उपायको सुनिश्चिता गर्ने । परियोजनाका क्रियाकलापहरुमा शहरी विकास मन्त्रालय तथा अन्य साझेदारहरुसंग समन्वय गर्ने लगायतको प्रतिवद्धता जनाइएको छ ।
त्यसैगरी जनकपुरधाम उपमाहानगरपालिकासंग जोडिएका प्राविधिक सहयोग टोलीलाई सहयोगका क्रियाकलापहरु सम्वन्धी योजना तर्जुमा, कार्यान्वयन तथा अनुगमनका लागि सहयोग गर्ने तथा टोली संग निकटतम सम्पर्कमा रही काम गर्ने, नतिजाका क्षेत्रहरुको प्रभावकारितामा सुधार ल्याउन परियोजना तथा जनकपुरधामवीच सहकार्य तथा लागत सहभागिता क्षेत्रहरुको खोजी गर्ने । योजना तर्जुमा कार्यान्वयन तथा अनुगमनका लागि कार्यान्वयन संयन्त्रको निमार्ण गर्ने, सहयोगी टोलीलाई आवश्यक भौतिक सुविधा उपलव्ध गराउने लगायतमा समझदारी भएको छ ।
बेलायतका प्रतिनिधि लिसा होनानले नेपालमा संघियता आएकोले विकासका लागि सफलताको सुत्र भएको वताइन । उनले जनकपुरधाममा जानकी मन्दिर र आफनै संस्कृति भएकोले यसलाई व्यवस्थित वनाउन सकिए जनकपुरधामको विकासलाई कसैले रोक्न नसक्ने दोहोर्याएकी छन् ।
उनले उपमहानगर कार्यालयलाई सक्षम भएको देख्न चाहेको तथा महिलाहरुको कार्यालयको विभिन्न पदमा काम गरेको देख्न चाहेको भावना व्यक्त गरिन ।
यता उपमहानगरपालिका मेयर लालकिशोर साहले यो सम्झौता पश्चात् जनकपुरधामको कायापलट हुने दावी गरेका छन् । उनले जनकपुरधामलाई धार्मिक पर्यटकीय दृष्टिले मात्र होइन, समग्र रुपमा विकासका लागि पनि यो सम्झौता लाभदायक रहेको दावी गरेका छन् ।