३०३ वटा कैदीका लागि १० वटा शौचालय

जनकपुरधाम, ९ मंसिर । प्रदेश २ को सप्तरी स्थित राजविराज कारागारमा ३०३ जना कैदीका लागि १० वटा शौचालय मात्र रहेको छ । सो कारागारमा बढीमा १२५ जना कैदी बस्ने ठाउँ भएपनि त्यसमा ३०३ जना कैदीलाई राखिएको हो ।
नेपाल सरकार तथा प्रदेश सरकारले घरघरमा स्वच्छता अभियान सञ्चालनमा ल्याएपनि कारागारतर्फ ध्यान नदिएको सप्तरीवासीहरुको भनाई रहेको छ । १० वटा शौचालयले ३०३ जनालाई शौच गर्न बाध्य मात्र पुर्याउने गरेको मात्र छैन, स्वस्थ्य कैदीलाई रोग लाग्ने बढी सम्भावना देखिएको छ ।

वार्षिक बजेट अनुसार १२५ जना कैदीको खाना, औषधी लगायतको मात्र आउने गरेको जेलर सत्यनारायण यादवले बताएका छन । थपका लागि पुनः माँग गरेपछि उपलब्ध गराउने गरेको उनले बताएका छन् ।
कारागारमा अधिकांश कैदीहरु विभिन्न रोगले ग्रस्त समेत रहेको जनाइएको छ । जेलमा ३०३ वटा कैदी मध्ये १७ वटा महिला कैदी रहेकी छिन् । ती मध्ये एकवर्षिय बालिका समेत रहेको जेलर यादवले बताएका छन् ।
कारागारमा अधिकांश व्यक्ति बलात्कारको अभियोग तथा ज्यान मार्ने मुद्दामा जेल सजाय काटि रहेको जेलर यादवले बताएका हुन । अधिकांश कैदीको उमेर २५देखि ४५ वर्षसम्मको रहेको छ ।  सो कारागरामा भूमिगत भई आन्दोलन गर्दै आएका गोइत समूहका ४ जना, ज्वाला तथा भाइरस किलकारका १५जना कार्यकर्ता समेत सजाय काटिरहेको जनाइएको छ ।