विशेष कवि गोष्ठी सम्पन्न, जेष्ठ नागरिकको सम्मानमा जोड

कैलास दास
जनकपुर, असार २१ । जेष्ठ नागरिकहरुको दुःख पीडा तथा गौरवलाई चित्रण गर्ने गरी जनकपुरमा विशेष कवि गोष्ठी गरिएको छ ।

एजिङ्ग नेपाल, राजश्री वाङमय प्रतिष्ठान, मैथिली साहित्य समाज, सरस्वती राजनारायण प्रतिष्ठानको आयोजनामा तथा डा. राजेन्द्र विमल प्रतिष्ठानको संयोजकत्वमा सो गोष्ठी भएको हो । नेपाल वार एशोसिएशनमा आयोजित सो गोष्ठीमा ३७ जना कविले कविता वाचन गरेका छन् ।
प्रतिष्ठानका संस्थापक वरिष्ठ साहित्यकार डा. राजेन्द्र प्रसाद विमलको अध्यक्षतामा भएको गोष्ठीका विशेष अतिथि डा. रामानन्द झा रमणले साँस्कृतिकबाट समाज, समाजबाट सहर र सहरबाट मान्छेहरु विदेशिन गरेकोले साहित्य र साँस्कृतिको दूरी बढ्दै गएको बताए । उनले जेष्ठ नागरिकबाट धेरै कुराहरु सिख्नु पर्ने हुन्छ । साहित्यकद्वारा यो सन्देश फैलाउने जुन उद्देश्य यस गोष्ठीको रहेको सराहनीय रहेको बताए ।
त्यस्तै वरिष्ठ साहित्यकार राजेन्द्र विमलले जेष्ठ नागरिकहरुको सम्मान तथा दुःख पीडा समाज र सरकारको दायित्व रहेको बुझ्नु पर्ने  बताए ।
वरिष्ठ साहित्यकार प्राज्ञ रामभरोस कापडिले वृद्धावस्थाका बारेमा प्रकाश पार्दै जबसम्म मानिसमा जनचेतना आउँदैन तबसम्म जेष्ठ नागरिकहरु सम्मान नपाउने विश्वास व्यक्त गर्दै साहित्यद्वारा नै जनेचतना फैलाउने कार्य होस् जिज्ञासा राखे ।
कवि गोष्ठीमा ३७ जना कविहरुले वृद्धहरुको अवस्थाका बारेमा चित्रण गरी कविता वाचन गरेका थिए । कविता वाचन गर्नेहरुमा कैलास दास, नागेन्द्र मण्डल, अरुण राउत, अमरकान्त अमर, पुनम झा, चन्द्रनाथ झा, अशोक दत्त, राजेश्वर ठाकुर, रामहृदय प्रसाद , सपना कर्ण, विजय दत्त मणी, रुद्रनारायण झा, मनोजकान्त झा, जीवछ पाण्डे, विदेह ललन, सुमित, राजाराम राठौड, कृष्ण शंकर मिश्र, अयोध्यायनाथ चौधरी, तौआराज घिमिरे, महेन्द्र मिश्र, रामभरत साह, ऋषिशेष झा, दिगम्बर झा,हिमान्सु चौधरी, रेवतीरमण लाल, रामभरोस कापडि लगायतका कविहरु थिए ।
कार्यक्रमका उद्घोषण अशोक दत्तले गरेका थिएन भने स्वागत मन्तव्य हिमांसु चौधरीले गरेका थिए । गोष्ठीमा वाचन गरिएका कविताहरु छिट्टै प्रकाशित हुने तौआराज घिमिरेले जानकारी गराएका थिए ।