जनकपुरधामबाट हतियार सहित एक पक्राउ

जनकपुरधाम, २१ भदौ ।  जनकपुरधामबाट एक युवकलाई हतियारसहित पक्राउ गरेको छ । पक्राउ पर्नेमा महोत्तरी मटिहानी नगरपालिका(२ का ३५ वर्षीय सुनिल मुखिया सहनी रहेको प्रहरीले जनाएको छ।
प्रहरीले सहनीलाई जनकपुर(१ स्थित उनको डेराबाट पक्राउ गरेको हो। कोठामा हतियार लुकाई छिपाई राखेको विशेष सुराकीको आधारमा सहनीलाई पक्राउ गरिएको जिल्ला प्रहरी कार्यालय धनुषाका डीएसपी दीपेन्द्रबहादुर शाहीले जानकारी दिएका छन्।सहनीको कोठा खानतलाशगर्दा कोठा बाहिर र्भयाङ मुनीबाट पेस्तोल १ थान र त्यसमा प्रयोग हुने म्याग्जिन २ थान बरामद भएको शाहीले बताए । पक्राउ परेका सहनी उपर आवश्यक अनुसन्धान भइरहेको प्रहरीले जनाएको छ।
यसअघि प्रहरीले गत मंगलबार धनुषाको मिथिला नगरपालिकाबाट गणेशमान चारनाथ नगरपालिका–२ का ३१ वर्षीय सन्तोष पासवानलाई १ थान कटुवा पेस्तोलसहित नियन्त्रणमा लिएको थियो।
पक्राउ परेका दुबैजनाविरुद्ध हातहतियार तथा खरखजाना मुद्दा अन्तर्गत कारबाही अगाडी बढाइएको जिल्ला प्रहरी कार्यालय धनुषाले जनाएको छ।

खुल्ला सीमानाका कारण मानव बेचबिखनमा वृद्धि

जनकपुरधाम, २० भदौ । नेपाल(भारतको खुल्ला सीमानाका कारण मानव बेचबिखन ओसरारपसारमा दिनहुँ वृद्धि हुँदै गएको जनाइएको छ ।
जनकपुरधाममा बुधवार सामाजिक विकास मन्त्रालयद्वारा आयोजित १२ औ राष्टिूय मानव बेचबिखन विरुद्धको दिवसको सन्दर्भमा ‘अन्तरक्रिया कार्यक्रम’मा सहभागीहरुले सो कुरा बताएका हुन ।
सामजिक विकास मन्त्री नवलकिशोर साहको अध्यक्षतामा भएको सो कार्यक्रमका अतिथि प्रहरी उपरीक्षक गोविन्द थपलियाले नेपालभारतबीच खुल्ला सीमानाका कारण मानव बेचबिखनमा संलग्न अपराधीलाई पक्राउ गर्न समस्या हुने गरेको बताएका छन् ।
उपरीक्षक थपलियाले मानव बेचबिखनमा संलग्नहरुलाई पक्राउ गर्न खोज्दा भारतमा लुक्ने गरेकोले समस्यामाथि समस्या उत्पन्न हुने गरेको कुरा दोहोर्याएका छन् ।
उनले कानूनी प्रक्रिया र त्यसमा संलग्नहरुमाथि हुने दण्ड सजायको बारेमा जानकारीका लागि मानव बेचबिखन सम्बन्धी कार्यपत्र प्रस्तुत गरेका थिए ।
त्यस्तै सामाजिक विकास मन्त्रालयका उपसचिव दानीकान्त झाले विषय वस्तुमाथि प्रकाश पार्दै कार्यपत्र समेत प्रस्तुत गरेका थिए । उनले प्रस्तुत गरेको कार्यपत्रमा शोषणमुलक घरेलु काममा लागउन, जबरजस्ती वेश्यावृतिमा लागउन, विवाहको प्रलोभन दिन, कृषि क्षेत्रमा शोषण मुलक काममा लागउन, कलकारखाना, घर बनाउने ठाउँमा लगाउन लगायतका लागि मानव बेचबिखन गर्ने गरेको उल्लेख गरेका छन् ।
उनले मानव बेचबिखन ओसारपसारबाट बाँच्नका लाग कसैमाथि झट्टै विश्वास नगर्ने, कहाँ जाने ? कोसँग जाने, त्यसबारे पूर्ण निर्णय लिएर मात्र जाने वा नजानेबारे निर्णय गर्ने बताएका छन् । त्यस्तै मानिसले किन्ने वा बेच्नेलाई २० वर्ष कैद र २ लाख जरिवानाको कानूनी व्यवस्था रहेको, मानिसलाई कुनै अंग झिक्नेलाई १० वर्ष कैद र २ लाख देखि ५ लाखसम्म जरिवाना गर्ने लगायतको कानूनी प्रावधान रहेको बताएका छन् ।
कार्यक्रममा मानव अधिकारकर्मी, सामाजिक क्षेत्रमा कार्य गर्ने संघसंस्था लगायतका प्रतिनिधिहरुको उपस्थिति रहेको थियो ।

महिला संघद्वारा उपमहानगरपालिकालाई १५ दिने अल्टिमेटम

जनकपुरधाम, २० भदौ । जनकपुरधाम उपमहानगर पालिकालाई राजापा नेपाल महिला संघले १५ दिने अल्टिमेटम दिएका छन् ।
महिला संघले बुधवार जनकपुर उपमहा नगरपालिकालाई १५ दिनभित्रमा परिक्रममा सडक भित्रमा मांस मदिरा बन्द गर्नका लागि ज्ञापन पत्र दिएका छन् ।
ज्ञापनपत्रमा जनकपुरधाम मन्दिरै मन्दिरले भरिएकाले धार्मिक एवं साँस्कृतिक किसिमले यहाँको विकासका लागि पहिलो चरणमा परिक्रममा सडक भित्रमा पर्ने मांस मदिरा पसलको लाइसेन्स खारेजीको माँग गरेको छ । मिथिलाको संस्कृति र संस्कारलाई विश्वमै उजगार गर्न नगरभित्रमा मांस मदिरा निषेधित क्षेत्र हुनुपर्ने विज्ञप्तिमा उल्लेख गर्दै नगरप्रमु्खले १५ दिनभित्रमा त्यसलाई कार्यान्वयनमा नल्याएमा अर्को कदम चाल्ने चेतावनी समेत दिएका छन् ।महिला संघकी विन्दु ठाकुरले ज्ञापनपत्र बढ्दै भनिन, ‘१५ दिनभित्रमा माँग कार्यान्वयन नभएमा कुुनै अप्रिय घटना भएमा त्यसको जिम्मेवार स्थानीय निकायले लिनुपर्ने छ ।’ उनले प्लास्टिकको कारण वातावरण प्रदूषण भईरहेकोले प्लास्टिकलाई समेत निषेध गर्न विज्ञप्तिमा आग्रह गरेका छन् ।

यता ज्ञापन पत्र बुझ्दै नगरप्रमुख लालकिशोर साहले आफूले सपथ लिनेबेलादेखि नै जनकपुरलाई जनकपुरधाम बनाउने अभियानलाई लिएको र ती अभियान सफल भएको बताएका छन् । उनले महिला संघले उठाएको आवाज सराहनीय रहेको भन्दै आफू पनि ती अभियानलाई लागु गर्न  प्रतिद्धत रहेको बताएका छन् । मेयर साहले भने, ‘जनकपुरधामलाई धार्मिक दृष्टिले विकासको लागि मांस मदिरा बन्द हुनु आवश्यक छ। महिला संघले उठाएको यी कदममा नगरपालिकाले सँगसँगै हिड्नेछ ।’
ज्ञापनपत्र बुझाउन राजपा नेतृ विभा ठाकुर, सरिता शर्मा, पुनम झा लगायत दर्जनौंको संख्यामा महिलाहरुको उपस्थिति रहेको थियो । उनीहरुले केही बेरा नारा जुलुस लगाउँदै उपमहानगरपालिकालाई ज्ञापनपत्र बुझाएका थिए ।

कांग्रेस र उपमहानगरपालिका बीच सार्थक वार्ता

जनकपुरधाम, २० भदौ । स्थानीय सरकारले गरेको कर वृद्धिलाई लिएर नेपाली काँग्रेस नगर कार्य समिति र जनकपुर उपमहानगरपालिका बीच बुधवार वार्ता भएको छ ।
उपमहानगरपालिकाका मेयर लालकिशोर साहको संयोजकत्वमा भएको वार्ता साकारात्मक रहेको दुबै पक्षले स्वीकारेका छन् । यहि भदौ ७ गते नेपाली काँग्रेसले स्थानीय सरकारले गरेको करवृद्धि विरुद्ध नारा जुलुस लगाउँदै उपमहानगरपालिकालाई ज्ञापनपत्र बुझाएका थिए ।
नेपाली काँग्रेसको तर्फबाट नगर सभापति मनोज कुमार साह, किशोरी साह, जनकपुर उद्योग वाणिज्य संघका पूर्व अध्यक्ष निर्मल कुमार चौधरी लगायतको रहेको थियो भने जनकपुर उपमहानगरपालिकाको तर्फबाट कर शाखा प्रमुख परमेश झा, प्रशासकीय अधिकृत उमेश ढुंगाना, उपमेयर रिता कुमारी मिश्र लगायतको रहेको थियो ।
दुबै पक्षबीच भएको वार्ता साकात्मक रहेको उपमहानगरपालिकाका प्रमुख लालकिशोर साहले दैनिक जनकपुरलाई बताएका छन् । उनले भने ‘ कर सम्बन्धी नेपाली काँग्रेससँग भएको पहिलो बैठक साकारात्मक रह्यो । अर्को बैठक सोमवार बस्ने भएको छ । वार्ता साकारात्मक नै हुनेछ विश्वास छ ।’ उनले जनतालाई मार नपर्ने कर लगाउने आफ्नो पनि इच्छा रहेको छ । त्यही अनुसार कुरा अगाडि बढेको हो मेयर साहले बताएका छन् ।
त्यस्तै नेपाली काँग्रेसका नगरसभापति मनोज साहले पनि बुधवार उपमहानगरपालिका बीच भएको वार्ता साकारात्मक भएको बताएका छन् । उनले भने, ‘मेयर साहले हाम्रो बुँदामा प्रतिबद्धता जनाएका छन । सोमवार हुृने वार्तामा अध्ययन प्रतिवेदन पेश गर्ने छौ । आशा र विश्वास छ कुरा सकारात्मक नै हुने छ ।’
नेपाली काँग्रेस, नगर कार्य समिति धनुषाले भदौ ७ गते कर वृद्धिको विरोधमा उपमहा नगरपाकिलालाई ज्ञापनपत्र बुझाएका थिए भने भदौ १४ र १५ गते १देखि २५ वटै वडा कार्यालयहरुमा धर्ना दिएका थिए ।