धनुषामा पा“च वर्षीया बालिका बलात्कृत

जनकपुरधाम, २६ चैत । धनुषाको धनौजी गाउँपालिका–१ लखौरीमा पाँच वर्षीया बालिकालाई बालत्कार गरिएको छ । उनी विद्यालय जाँदै गरेको बेलामा १४ वार्षिय बालकले बलात्कार गरेको आरोप रहेको छ । आइतबार पीडित बालिका एक्लै विद्यालय गइरहेको बेला सोही विद्यालयमा पढ्ने ती बालकले उनलाई जबरजस्ती समातेर झाडीमा लगि बलात्कार गरेका हुन् । उनलाई प्रहरीले बालात्कारको आरोपमा आफ्नो नियन्त्रणमा पनि लिएको छन ।
बालिकालाई बलात्कार गरेर बालक भागेका थिए। बालिकाले आफूसँग नराम्रो गरेको भनि अभिभावकलाई भनेपछि छोरीलाई बलात्कार भएको भन्दै अभिभावकले प्रहरीलाई जानकारी गराएका थिए ।
पीडित बालिकाले आफूसँग दुष्कर्म गर्ने आफ्नै विद्यालयका छात्र भएको आमाबुवालाई बताएपछि प्रहरीले बालकलाई पक्राउ गरेको हो । बालिकाको शारीरिक परीक्षण गराउँदा जबरजस्ती करणी भएको कुरा पुष्टी भएको धनुषाका प्रहरी उपरीक्षक चक्रबहादुर सिंहले बताएका छन । सिंहले भने, ‘बालकलाई नियन्त्रणमा लिएर कानुनी कारवाही अगाडी बढाइएको छ ।’
आरोपी नाबालक भएको हुनाले यस्तो अपराध गरेको खण्डमा अदालतबाट बाल सुधार गृहमा पठाउन सक्ने वा तोकिएको भन्दा आधी सजाय हुन सक्ने कानुनी व्यवस्था रहेको छ । आरोपी नाबालक रहेकाले यसप्रकार सानो बच्चीसँग कुकर्म गरेको भनी पत्याउन समेत गाहे हुने अवस्थामा प्रमाण नै फेला परेपछि आश्चर्य लागेको प्रहरी उपरीक्षक सिंहले बताएका छन। उनले भने, पछिल्लो समय बलात्कार जिल्लामा ठूलो सुरक्षा चुनौतीको रुपमा अघि आएको छ ।
यस अघि गत चैत १४ गते मात्र जिल्लाको सहिद नगरपालिका ८ विषरभोरामा फुपुसँगै घरमा रहेकी १४ वर्षीय बालिकालाई दुई युवकले घरबाट अपहरण गरी सामुहिक बलात्कार गरेका थिए।
बालिकाका अभिभावक घरमा नभएको मौका छोपी स्थानीय शहीदनगर नगरपालिकाका मनोज नर्सिया यादव र दिपेश बिराजीले बालिकालाई मुख थुनी घरबाट खेतमा लगेर बलात्कार गरेका थिए । यस वर्षमा धनुषामा ९ वटा बलात्कारको घटना भइसकेको छ। जसमा १० जना पीडक पक्राउ परेका छन् भने ३ जना फरार रहेका छन् ।

‘बाह्र दिनसंगै राखेर सडकमै छोडेर भाग्यो’

जनकपुरधाम, २४ चैत । धनुषाकी २३ वर्षिय एउटा महिलाले आफूले जससँग प्रेम गरे, उनले घरबाट भगाएर अर्को ठाउँमा घर भाडा लिई १२ दिनसम्मसँगै विताए र त्यसपछि यहाँ सबैलाई थाहा भई सकेको छ, अर्को ठाउँमा जाउ भनेर बाटै छाडेर भागेको गुनासो पोखेकी छिन् ।
जनकपुर स्थित ओरेक नेपाल संस्थामा १२ दिनदेखि बस्दै आएकी २३ वर्षिय बिबता यादवले दैनिक जनकपुरसँग सो कुरा बताएकी छन् । बबितालाई एउटा छोरा र दुईवटा छोरी छन् । धनुषाको चारनाथ नगरपालिका वडा नं. २ चोराकोयलपुर (डुमरिया) बस्ने ब्रम्हदेव यादवको छोरा साधुशरण यादवसँग आठ वर्ष अघि बबिताको विहे भएको थियो । बबितालाई ठूलो छोरा रहेको छ भने सबभन्दा सानो एउटा छोरी रहेको छ ।
करीब दुई वर्षदेखि सोही गाउँमा बस्ने बैजु यादवको छोरा राजकिशोर यादवसँग प्रेम भएको र उनी शारीरिक सम्बन्ध समेत रहेको बबिता यादवले बताएकी छन् । बबिताले भनिन, ‘दुई वर्षदेखि प्रेम बस्दै आएपछि आफूले विहेको प्रस्ताव राखे । यी कुराहरु केटाको आमाबुवालाई पनि थाहा छ । उसको आमा बुवाले कतिचोटी दुबैलाई यहाँबाट भाग भन्दै पनि आएको थियो ।’
‘फागुन २२ गते गाउँबाट मलाई भगाएर यदुकोहामा घरभाडा लिई हामी दुबै बस्दै आएको थियो । यदुकोहामा हामी १८ दिनसम्मसँगै बसे । त्यसपछि केटाले भने यहाँ सबैलाई थाहा भई सकेको छ । अब अन्तै घर भाडा लिएर बस्नु पर्छ । मलाई त्यहाँबाट अब मिर्चैमै घर भाडा लिएर बस्ने भन्दै मिर्चैकै बाटोमा मलाई छोडेर भागे’ उनले दुखेसो सुनाइन ।
उनले अगाडि भने, ‘उताबाट हाम्रो देवर प्रमोद यादव आई रहेको थियो । उसले मलाई समातेर घर ल्याइयो । दुई दिनसम्म मन्दिरमै राख्यो । घरदेखि यदुकोहा चौकीसम्म पञ्चयती बस्यो । तर केही फैसला भएन । त्यसपछि मलाई प्रहरीले ओरेक नेपाल संस्थाको जिम्मा लगाइएको छ ।’
घर बनाउँछु भनेर मैले आमासँग २० हजार रुपैया कर्जामा लिएर र ३० हजारको भैसी बेचेको पैसा पनि केटीलाई दिएको हो । त्यति मात्र होइन, चालिस भरि चाँदी र एकभरि सुन पनि केटाले लिएर फरार भएको उनले आरोप लगाएकी छन् ।
बबिताले भनिन, ‘मलाई राजकिशोर यादवकै २ महिना गर्भ रहेको थियो । तर ओरेक नेपालमा आएपछि चारनाथ नगरपालिकाकी उपमेयर मिना यादवले मलाई धाकधम्की दिई बच्चालाई खसाएर पहिलाकै पतिसँग बस नत्र तिमीलाई जेल पठाई दिन्छु भनेर बच्चा खसाउनका लागि दववा दिएपछि आफूले सो बच्चा खसाएको आरोप लगाएकी छन् । उनले विभिन्न किसिमको धाक धम्की समेत उपमेयरले दिंदै आएको बताएकी छन् ।
यता ओरेक नेपालकी सुरक्षा गृह निकायका इन्चार्ज निर्मला काफ्लेले १२ दिन अघि प्रहरीले यस संस्थामा बबितालाई पठाइएको बताएकी छन् । उनले आफूले सम्झाई बुझाई न्याय दिलाउने पक्षमा रहेको थियो । तर केटीको आमा रामदुलारी यादवले उपमेयर मिना यादवलाई लिएर म कहाँ पुगिन । केटीको आमा, उपमेयर र म बसेर छलफल भयो । छलफलमै केटीले गर्भ तुहाएमा पहिलाको पतिले राख्नका लागि स्वीकार्ने छ भनेर सहमति भयो । केटीकै सहमतिमा गर्भ खसाएको हो । तर अहिले आरेक नेपालमाथि पैसा खाएर जबरजस्ती आरोप लगाउने गरेको बताएकी छिन् । उनले कसैले प्रमाणित गरि दिएमा म जुनसुकै सजाय भोग्न तयार रहेको समेत बताएकी छिन ।
उनले आरेक नेपालमा सबै कुराहरु गोप्य किसिमले हुने गरेको छ । तर यसरी हल्ला फैलिएरपछि गोपनियता खत्म भएकोले आफूले त्यो केटीलाई राख्न नसक्ने बताएकी छिन् ।
यता महिलाकी देवर प्रमोद यादवले उपमेयर मिना यादव केटाको रिलेशनमा रहेको र उनी कुरा मिलाउनका लागि पाँच लाख रुपैया खर्चिएको आरोप लगाएका छन् । यता केटीले पनि जसले मलाई भगाएर ल्याएको छ उनीसँगै बस्ने जिकिर गर्दै आएकी छन् । तर नागरिकता अनुसार केटाको उमेर १८ वर्ष पनि नपुगेको ओरेक नेपालले बताएका छन ।

धनुषा कांग्रेसको अधिवेशन अन्यौलमै

जनकपुरधाम, २३ चैत । नेपाली कांग्रेस धनुषाको जिल्ला अधिवेशनलाई लिएर अन्यौलता कायमै रहेको छ । पटक पटक जिल्ला अधिवेशनको मिति सर्दै जादा अन्यौताको श्रृजना भएको छ । चैत २४ र चैत २८ गते अधिवेशन गर्ने दूई वटा मिति घोषणा गरिएपनि हुन नसक्दा वैशाख ५ वा ६ गते गते गर्ने घोषणा गरिएको छ । तर अब आएर यो मितिमा पनि अधिवेशन हुने छाँटकाँट देखिदैन ।
जिल्ला अधिवेशनको मितिको विषयलाई लिएर अन्यौलता कायम रहेपनि तीन जना नेता आफ्नो दावेदारीलाई लिएर प्रचार प्रसारमा पहिलेदेखि नै लागि सकेका छन । नेता महेशशंकर गिरी, जिल्ला सचिव संतोष यादव र दिनेश प्रसैला आफ्नो उम्मेदवारीलाई प्रचार प्रसारमा पहिले देखि नै लागि सकेका छन ।
जिल्ला अधिवेशनको विषयमा अन्यौलता रहेको बेला अध्यक्ष पदका लागि उम्मेदवारी दिने सोच बनाएका वर्तमान सचिव संतोष यादव निधि खेमाका नेताहरुलाई जिम्मेवार ठान्छन । उनीहरुकै रवैयाका कारण अहिले सम्म अधिवेशन हुन नसकेको यादवले आरोप लगाए । अधिवेशन नहुँदा विधानको धज्जी उडि रहेको हुँदाले खेद समेत प्रूकट गर्नुभयो ।
सचिव यादवको आरोपलाई खण्डन गर्दै नेपाली कांग्रेस धनुषाका सभापति रामसरोज यादव वैशाख ५÷६ गते नहुने सम्भावनालाई स्वीकार गर्नु हुन्छ । उहाँले कांग्रेस नेता खुमबहादुर खडकाको निधन भएका कारणले यो मितिमा अधिवेशन हुने सम्भावना कमै रहेको प्रतिक्रिया दिनु हुन्छ । सभापति यादवले हामी गम्भिर भएर अधिवेशन गर्ने तयारीमा रहेको दावी गर्नुभयो ।
कोइराला लबीबाट प्रसैलाको नाउँ तय नै देखिएपनि कुनै नेता खुलेर बोल्न रुचाई रहेका छैनन् । नेत गिरीलाई अध्यक्ष पदको उम्मेदवार बनाउने निधि पक्षले यस अघि नै निर्णय गरि सकेको छ । यता डा. चन्द्रमोहन र उहाँका बुवा पूर्व राष्टूपति डा. रामवरण यादवले संतोषलाई कुनै हालतमा उम्मेदवार बन्न नदिनका लागि आफ्नो सम्पूर्ण ताकत लगाई सकेका छन । कांग्रेसका बरिष्ठ नेतृ लिला कोइराला यसअघि संतोषकै पक्षमा थिए तर डा. चन्द्रमोहन बुवा छोराको अडानका कारण उहाँ पनि निर्णय गर्न सकि रह्नु भएको छैन । 
कांग्रेस धनुषाको नेतृत्व सर्वसम्मतिका लागि चयन गर्नका लागि दिग्गज नेताहरु लागि परेका छन । सर्वसम्मति गर्नका लागि कांग्रेसका बरिष्ठ नेता विमलेन्द्र निधि सर्वसम्मत बनाउनका लागि जनकपुर आई पुगेका छन । अकांक्षी उम्मेदवारीहरु आ(आफ्नो कुरा राख्नका लागि समेत पुगी रहेको कांग्रेस निकट श्रोतले जनाएको छ ।  

दलितलाई आत्मनिर्भर बनाउन राज्यको जिम्मेवारी होः प्रदेश प्रमुख कायस्थ

जनकपुरधाम, २३ चैत । प्रदेश नं. २ का प्रदेश प्रमुख रत्नेश्वर लाल कायस्थले आर्थिक समान्ता, समृद्धि एवं अधिकार पाउनका लागि पनि तत्मा समुदायलाई शिक्षित हुनु आवश्यक रहेको बताएका छन् ।
जनकपुरधाममा राष्ट्रिय तत्मा समाज नेपालको ‘प्रथम अधिवेशन’ को उद्घाटन सत्रमा प्रदेश प्रमुख कायस्तले भने, ‘मुलुक संघीय लोकतान्त्रिक गुणन्त्रतात्मक राज्यमा रुपान्तरण भई सकेको छ । हरेक जातजातिको पहिचान सहितको अधिकार स्थापित हुनुपर्छ ।’ आर्थिक समृद्धि र अधिकारको लागि शिक्षित हुनु आवश्यक छ । शिक्षित भएमा मात्र तत्मा समुदायको सामाजिक उत्थान, जनचेतना आउने हो उनले थपे ।
प्रदेश प्रमुख कायस्थले यो महाधिवेशन आउनेवाला दिनमा समाजमा हरेक गतिविधिमा महत्वपूर्ण भूमिका निर्वाह गर्नेछ । राष्टिूय महाधिवेशन एकताको अधिकार, सामाजिक उत्थानका लागि गौरवपूर्ण क्षण रहेको दोहोर्याएका छन् । उनले दलितहरुलाई आत्मनिर्भर बनाउन राज्यको जिम्मेवारी रहेको हो । राज्यले दलितहरुप्रति विशेष ध्यान दिने छ विश्वास समेत दिलाएका छन ।
तत्मा समाजका केन्द्रिय अध्यक्ष रामअशिष दासको अध्यक्षतामा भएको ‘महाधिवेशन’ मा  भारत बिहारका पूर्व विधायक रविन्द्र दास ताँतीले दलितमा पनि सबभन्दा बढी गरीब दलित तत्मा समुदाय रहेको भन्दै राजनीतिक लगायत हरेक निकायमा हिस्सेदार बनाउनका लागि प्रदेश प्रमुख कायस्थसँग आग्रह गरेका छन् । उनले भने, ‘तत्मा समुदाय गरीब छ, तर इमान्दार छ । त्यही इमान्दारीको फाइदा अरुले लिने गरेको हो ।’
उनले तत्मा समुदायप्रति संकेत गर्दै भने, ‘अधिकार माँगेर कसैले दिंदैन, अधिकार छिन्नु पर्छ । त्यसका लागि तत्मा समुदायको रहेको नारा शिक्षित, संगठित एवं संघर्ष गरौ’को पालना गर्नु पर्दछ ।’
कार्यक्रममा नेकपा एमालेका धनुषा जिल्ला अध्यक्ष राजकिशोर यादव, नेपाली काँग्रेसका धनुषा सचिव सन्तोष यादव, मुसहर समुदायका अगुवा नेता चन्देश्वर सादा, प्रदेश सभा सदस्य चमेली देवी दास, प्रमिला देवी दास, समाजका धनुषा जिल्ला अध्यक्ष राजदेव दास, राजकुमार दास, झगरु दास लगायत दर्जनौं व्यक्तिले विचार राखेका छन् ।
‘प्रथम अधिवेशन’मा आठवटै जिल्लाका तत्मा समुदायका करीब १० हजारबढी को सहभागिता रहेको थियो । अहिलेसम्मकै दलितहरुको सबभन्दा ठूलो र भव्य कार्यक्रम रहेको सहभागीहरुले दावी गरेका छन् ।