जनकपुरमा ७२ सीटको विमान सञ्चालनमा

जनकपुर समाचारदाता
जनकपुरधाम, १२ कात्तिक । जनकपुर विमान स्थलमा ७२ सीटको विमान सञ्चालनमा आउन लागेको छ ।
जनकपुर विमान स्थलका प्रमुख मुरारी प्रसाद पौडेलले ७२ सीटको विमानका लागि सबै पूर्वाधार तयार भई सकेको भन्दै यहि कात्तिक १५ गतेदेखि विमान सञ्चालनमा आउने जानकारी दिएका छन् ।
प्रमुख पौडेलले बुद्ध एयरको ७२ सीटको विमान पहिला पनि निरीक्षण गरी सकेको भन्दै विधिवत रुपमा कात्तिक १५ गतेदेखि निरन्तर रुपमा सञ्चालनममा आउने बताएका छन् । उनले जनकपुरमा यात्रुको बढी चाप भएको बेला बुद्ध एयरको ७२ सीटको विमान आएपछि यात्रामा सहज र भाडामा समेत कमी आउने विश्वास दिलाएका छन् ।