जनकपुरमा यसरी मनाइयो जुडशितल

जनकपुर, वैशाख २ । मिथिलाञ्चल लगायतका ठाउँहरुमा प्रत्येक वर्ष बैशाख २ गते  मनाउने जुडशीतल पर्व यसवर्ष पनि जनकपुरमा हर्षाेलास पूर्वक मनाइएको छ । जनकपुरको बल्वा टोलमा युवाहरुको एउटा समूहले यस पर्वलाई निरन्तरता दिंदै कादोमाटोमा नै रमेका थिए ।

नयाँ वर्ष सतु खाएर मनाएका छन् भने दोस्रो दिन हिलोमाटो खेलेर रमाएका छन् । वैशाख १ गते नयाँ वर्षका राति बनाएको विभिन्न परिकारहरु भोली पल्ट खाने चलन रहेको छ । वैशाख १ गते तयार पारेको विभिन्न परिकारहरु, कडी, करही तथा बांसी भात २ गते विहान खाएर जुड शितल मनाउने चलन रहेको छ । यस दिन ठूला वडाले आफ्ना घरका सदस्यहरुको टाउकोमा शितल पानी छ्यापेर आशिष दिने चलन छ । थारु जातिले पनि शिरुवा पर्वको रुपमा मनाउने चलन रहेको छ । थारु र मधेशीको धेरै पर्वहरुमा समानता रहेको छ ।