‘बाह्र दिनसंगै राखेर सडकमै छोडेर भाग्यो’

जनकपुरधाम, २४ चैत । धनुषाकी २३ वर्षिय एउटा महिलाले आफूले जससँग प्रेम गरे, उनले घरबाट भगाएर अर्को ठाउँमा घर भाडा लिई १२ दिनसम्मसँगै विताए र त्यसपछि यहाँ सबैलाई थाहा भई सकेको छ, अर्को ठाउँमा जाउ भनेर बाटै छाडेर भागेको गुनासो पोखेकी छिन् ।
जनकपुर स्थित ओरेक नेपाल संस्थामा १२ दिनदेखि बस्दै आएकी २३ वर्षिय बिबता यादवले दैनिक जनकपुरसँग सो कुरा बताएकी छन् । बबितालाई एउटा छोरा र दुईवटा छोरी छन् । धनुषाको चारनाथ नगरपालिका वडा नं. २ चोराकोयलपुर (डुमरिया) बस्ने ब्रम्हदेव यादवको छोरा साधुशरण यादवसँग आठ वर्ष अघि बबिताको विहे भएको थियो । बबितालाई ठूलो छोरा रहेको छ भने सबभन्दा सानो एउटा छोरी रहेको छ ।
करीब दुई वर्षदेखि सोही गाउँमा बस्ने बैजु यादवको छोरा राजकिशोर यादवसँग प्रेम भएको र उनी शारीरिक सम्बन्ध समेत रहेको बबिता यादवले बताएकी छन् । बबिताले भनिन, ‘दुई वर्षदेखि प्रेम बस्दै आएपछि आफूले विहेको प्रस्ताव राखे । यी कुराहरु केटाको आमाबुवालाई पनि थाहा छ । उसको आमा बुवाले कतिचोटी दुबैलाई यहाँबाट भाग भन्दै पनि आएको थियो ।’
‘फागुन २२ गते गाउँबाट मलाई भगाएर यदुकोहामा घरभाडा लिई हामी दुबै बस्दै आएको थियो । यदुकोहामा हामी १८ दिनसम्मसँगै बसे । त्यसपछि केटाले भने यहाँ सबैलाई थाहा भई सकेको छ । अब अन्तै घर भाडा लिएर बस्नु पर्छ । मलाई त्यहाँबाट अब मिर्चैमै घर भाडा लिएर बस्ने भन्दै मिर्चैकै बाटोमा मलाई छोडेर भागे’ उनले दुखेसो सुनाइन ।
उनले अगाडि भने, ‘उताबाट हाम्रो देवर प्रमोद यादव आई रहेको थियो । उसले मलाई समातेर घर ल्याइयो । दुई दिनसम्म मन्दिरमै राख्यो । घरदेखि यदुकोहा चौकीसम्म पञ्चयती बस्यो । तर केही फैसला भएन । त्यसपछि मलाई प्रहरीले ओरेक नेपाल संस्थाको जिम्मा लगाइएको छ ।’
घर बनाउँछु भनेर मैले आमासँग २० हजार रुपैया कर्जामा लिएर र ३० हजारको भैसी बेचेको पैसा पनि केटीलाई दिएको हो । त्यति मात्र होइन, चालिस भरि चाँदी र एकभरि सुन पनि केटाले लिएर फरार भएको उनले आरोप लगाएकी छन् ।
बबिताले भनिन, ‘मलाई राजकिशोर यादवकै २ महिना गर्भ रहेको थियो । तर ओरेक नेपालमा आएपछि चारनाथ नगरपालिकाकी उपमेयर मिना यादवले मलाई धाकधम्की दिई बच्चालाई खसाएर पहिलाकै पतिसँग बस नत्र तिमीलाई जेल पठाई दिन्छु भनेर बच्चा खसाउनका लागि दववा दिएपछि आफूले सो बच्चा खसाएको आरोप लगाएकी छन् । उनले विभिन्न किसिमको धाक धम्की समेत उपमेयरले दिंदै आएको बताएकी छन् ।
यता ओरेक नेपालकी सुरक्षा गृह निकायका इन्चार्ज निर्मला काफ्लेले १२ दिन अघि प्रहरीले यस संस्थामा बबितालाई पठाइएको बताएकी छन् । उनले आफूले सम्झाई बुझाई न्याय दिलाउने पक्षमा रहेको थियो । तर केटीको आमा रामदुलारी यादवले उपमेयर मिना यादवलाई लिएर म कहाँ पुगिन । केटीको आमा, उपमेयर र म बसेर छलफल भयो । छलफलमै केटीले गर्भ तुहाएमा पहिलाको पतिले राख्नका लागि स्वीकार्ने छ भनेर सहमति भयो । केटीकै सहमतिमा गर्भ खसाएको हो । तर अहिले आरेक नेपालमाथि पैसा खाएर जबरजस्ती आरोप लगाउने गरेको बताएकी छिन् । उनले कसैले प्रमाणित गरि दिएमा म जुनसुकै सजाय भोग्न तयार रहेको समेत बताएकी छिन ।
उनले आरेक नेपालमा सबै कुराहरु गोप्य किसिमले हुने गरेको छ । तर यसरी हल्ला फैलिएरपछि गोपनियता खत्म भएकोले आफूले त्यो केटीलाई राख्न नसक्ने बताएकी छिन् ।
यता महिलाकी देवर प्रमोद यादवले उपमेयर मिना यादव केटाको रिलेशनमा रहेको र उनी कुरा मिलाउनका लागि पाँच लाख रुपैया खर्चिएको आरोप लगाएका छन् । यता केटीले पनि जसले मलाई भगाएर ल्याएको छ उनीसँगै बस्ने जिकिर गर्दै आएकी छन् । तर नागरिकता अनुसार केटाको उमेर १८ वर्ष पनि नपुगेको ओरेक नेपालले बताएका छन ।

धनुषा कांग्रेसको अधिवेशन अन्यौलमै

जनकपुरधाम, २३ चैत । नेपाली कांग्रेस धनुषाको जिल्ला अधिवेशनलाई लिएर अन्यौलता कायमै रहेको छ । पटक पटक जिल्ला अधिवेशनको मिति सर्दै जादा अन्यौताको श्रृजना भएको छ । चैत २४ र चैत २८ गते अधिवेशन गर्ने दूई वटा मिति घोषणा गरिएपनि हुन नसक्दा वैशाख ५ वा ६ गते गते गर्ने घोषणा गरिएको छ । तर अब आएर यो मितिमा पनि अधिवेशन हुने छाँटकाँट देखिदैन ।
जिल्ला अधिवेशनको मितिको विषयलाई लिएर अन्यौलता कायम रहेपनि तीन जना नेता आफ्नो दावेदारीलाई लिएर प्रचार प्रसारमा पहिलेदेखि नै लागि सकेका छन । नेता महेशशंकर गिरी, जिल्ला सचिव संतोष यादव र दिनेश प्रसैला आफ्नो उम्मेदवारीलाई प्रचार प्रसारमा पहिले देखि नै लागि सकेका छन ।
जिल्ला अधिवेशनको विषयमा अन्यौलता रहेको बेला अध्यक्ष पदका लागि उम्मेदवारी दिने सोच बनाएका वर्तमान सचिव संतोष यादव निधि खेमाका नेताहरुलाई जिम्मेवार ठान्छन । उनीहरुकै रवैयाका कारण अहिले सम्म अधिवेशन हुन नसकेको यादवले आरोप लगाए । अधिवेशन नहुँदा विधानको धज्जी उडि रहेको हुँदाले खेद समेत प्रूकट गर्नुभयो ।
सचिव यादवको आरोपलाई खण्डन गर्दै नेपाली कांग्रेस धनुषाका सभापति रामसरोज यादव वैशाख ५÷६ गते नहुने सम्भावनालाई स्वीकार गर्नु हुन्छ । उहाँले कांग्रेस नेता खुमबहादुर खडकाको निधन भएका कारणले यो मितिमा अधिवेशन हुने सम्भावना कमै रहेको प्रतिक्रिया दिनु हुन्छ । सभापति यादवले हामी गम्भिर भएर अधिवेशन गर्ने तयारीमा रहेको दावी गर्नुभयो ।
कोइराला लबीबाट प्रसैलाको नाउँ तय नै देखिएपनि कुनै नेता खुलेर बोल्न रुचाई रहेका छैनन् । नेत गिरीलाई अध्यक्ष पदको उम्मेदवार बनाउने निधि पक्षले यस अघि नै निर्णय गरि सकेको छ । यता डा. चन्द्रमोहन र उहाँका बुवा पूर्व राष्टूपति डा. रामवरण यादवले संतोषलाई कुनै हालतमा उम्मेदवार बन्न नदिनका लागि आफ्नो सम्पूर्ण ताकत लगाई सकेका छन । कांग्रेसका बरिष्ठ नेतृ लिला कोइराला यसअघि संतोषकै पक्षमा थिए तर डा. चन्द्रमोहन बुवा छोराको अडानका कारण उहाँ पनि निर्णय गर्न सकि रह्नु भएको छैन । 
कांग्रेस धनुषाको नेतृत्व सर्वसम्मतिका लागि चयन गर्नका लागि दिग्गज नेताहरु लागि परेका छन । सर्वसम्मति गर्नका लागि कांग्रेसका बरिष्ठ नेता विमलेन्द्र निधि सर्वसम्मत बनाउनका लागि जनकपुर आई पुगेका छन । अकांक्षी उम्मेदवारीहरु आ(आफ्नो कुरा राख्नका लागि समेत पुगी रहेको कांग्रेस निकट श्रोतले जनाएको छ ।  

दलितलाई आत्मनिर्भर बनाउन राज्यको जिम्मेवारी होः प्रदेश प्रमुख कायस्थ

जनकपुरधाम, २३ चैत । प्रदेश नं. २ का प्रदेश प्रमुख रत्नेश्वर लाल कायस्थले आर्थिक समान्ता, समृद्धि एवं अधिकार पाउनका लागि पनि तत्मा समुदायलाई शिक्षित हुनु आवश्यक रहेको बताएका छन् ।
जनकपुरधाममा राष्ट्रिय तत्मा समाज नेपालको ‘प्रथम अधिवेशन’ को उद्घाटन सत्रमा प्रदेश प्रमुख कायस्तले भने, ‘मुलुक संघीय लोकतान्त्रिक गुणन्त्रतात्मक राज्यमा रुपान्तरण भई सकेको छ । हरेक जातजातिको पहिचान सहितको अधिकार स्थापित हुनुपर्छ ।’ आर्थिक समृद्धि र अधिकारको लागि शिक्षित हुनु आवश्यक छ । शिक्षित भएमा मात्र तत्मा समुदायको सामाजिक उत्थान, जनचेतना आउने हो उनले थपे ।
प्रदेश प्रमुख कायस्थले यो महाधिवेशन आउनेवाला दिनमा समाजमा हरेक गतिविधिमा महत्वपूर्ण भूमिका निर्वाह गर्नेछ । राष्टिूय महाधिवेशन एकताको अधिकार, सामाजिक उत्थानका लागि गौरवपूर्ण क्षण रहेको दोहोर्याएका छन् । उनले दलितहरुलाई आत्मनिर्भर बनाउन राज्यको जिम्मेवारी रहेको हो । राज्यले दलितहरुप्रति विशेष ध्यान दिने छ विश्वास समेत दिलाएका छन ।
तत्मा समाजका केन्द्रिय अध्यक्ष रामअशिष दासको अध्यक्षतामा भएको ‘महाधिवेशन’ मा  भारत बिहारका पूर्व विधायक रविन्द्र दास ताँतीले दलितमा पनि सबभन्दा बढी गरीब दलित तत्मा समुदाय रहेको भन्दै राजनीतिक लगायत हरेक निकायमा हिस्सेदार बनाउनका लागि प्रदेश प्रमुख कायस्थसँग आग्रह गरेका छन् । उनले भने, ‘तत्मा समुदाय गरीब छ, तर इमान्दार छ । त्यही इमान्दारीको फाइदा अरुले लिने गरेको हो ।’
उनले तत्मा समुदायप्रति संकेत गर्दै भने, ‘अधिकार माँगेर कसैले दिंदैन, अधिकार छिन्नु पर्छ । त्यसका लागि तत्मा समुदायको रहेको नारा शिक्षित, संगठित एवं संघर्ष गरौ’को पालना गर्नु पर्दछ ।’
कार्यक्रममा नेकपा एमालेका धनुषा जिल्ला अध्यक्ष राजकिशोर यादव, नेपाली काँग्रेसका धनुषा सचिव सन्तोष यादव, मुसहर समुदायका अगुवा नेता चन्देश्वर सादा, प्रदेश सभा सदस्य चमेली देवी दास, प्रमिला देवी दास, समाजका धनुषा जिल्ला अध्यक्ष राजदेव दास, राजकुमार दास, झगरु दास लगायत दर्जनौं व्यक्तिले विचार राखेका छन् ।
‘प्रथम अधिवेशन’मा आठवटै जिल्लाका तत्मा समुदायका करीब १० हजारबढी को सहभागिता रहेको थियो । अहिलेसम्मकै दलितहरुको सबभन्दा ठूलो र भव्य कार्यक्रम रहेको सहभागीहरुले दावी गरेका छन् ।

मिनी मार्केट बनाउने योजना असफल

जनकपुरधाम, १९ चैत । जनकपुर उपमहानगरपालिका वडा नं. ७ स्थित रामजानकी सुडी कुटी अगाडि (सडकपारी) रहेको पोखरीे पुर्न लाग्दा चौतर्फी विरोधपछि रोकिएको छ । पोखरीको दक्षिणवारी डिलमा नक्सापास गरी घर निर्माण भई रहेको छ भने उत्तरपट्टी सडक छेउतर्फबाट माटो भर्ने कार्य गरेका थिए ।
जनकपुर उपमहा नगरपालिकाको योजनामा परिक्रममा सडक भित्रमा पर्ने ३३ वटा पोखरीको सौन्दर्यीकरण गर्ने योजना रहेको छ । ती योजनामा सो पोखरी पनि रहेको जनकपुर उपमहानगरपालिकाका ७ का वडा अध्यक्ष जानकीराम साहले बताएका छन् ।
वडा अध्यक्ष साहले रातिरातिमा पोखरीलाई भर्र्ने प्रयास गरेपछि आफूले रोकेको र सम्बन्धित निकायमा समेत निवेदन दर्ता गराई सकेको बताएका छन् । उनले जनप्रतिनिधि विहीन रहेको बेलामा सार्वजनिक जग्गाहरु अतिक्रमण हुँदै आएको थियो । तर जनप्रतिनिधि भएपछि दायित्व र कानून अनुसार पनि रोक्न पाउने अधिकार रहेको दोहोर्याएका छन् ।
त्यस्तै कुटीका सचिव चन्देश्वर प्रसाद कापडीले गत चैत १० गते रामजानकी सुडी कुटीको वार्षिक साधारणसभामा पोखरीको स्वरुपनै परिवर्तन हुने गरी घर ठडयाइएपछि सुडी कुटीले पोखरीलाई भरेर मिनिमार्केट बनाउने योजना सर्वसम्मत रुपले निर्णय गरेको बताएका छन् । उनले रामजानकी कुटीका प्रमुख संरक्षण बलराम महतोले पोखरीलाई भरेर आफनो निजी खर्चमा अत्याधुनिक मिनी मार्केट बनाउने विडा उठाएको पनि बताएका छन् ।
कापडीले भने ‘टोलवासीलाई पटकपटक सो पोखरीमा फोहर नफाल्न आग्रह गरिएपनि उनीहरुले अटेरी गरेर फोहर फयाल्दै आएकोले पोखरी भरेर मिनि मार्केट बनाउन वाध्य भएको वताएका छन् । सो पोखरी यदि सौन्दर्यीकरणमा परेको छ भने नगरपालिकाले जिम्मेवारी लियोस ,सुडी कुटिले पोखरीमा भरेको माटो निकाल्न तयार रहेको सचिव कापडीले जिकिर गरेका छन् ।
यता जनकपुरधाम उपमाहानगरपालिकाका मेयर लालकिशोर साहले पोखरी भर्नु अथवा पोखरीमा घर बनाउनु कामलाई नियन्त्रण गर्ने काम सुरु भई सकेको बताएका छन् । पोखरीको डिल भन्दा १५ फिट अलगगै घर बनाउनुपर्ने प्रावधान छिटै बनाउने भन्दै मेयर साहले पोखरी भर्ने कार्य होस या पोखरीमा अतिक्रमण गरेर घर बनाउने कार्य होस त्यसलाई निस्तेज गर्ने प्रतिवद्धता जनाएका छन । उनले जनकपुरधाम उपमाहानगरपालिका भित्रमा भरिइसकेको पोखरीलाई पनि खोजबीन गरी जिर्णोद्धार गर्ने बताएका छन ।
जनकपुरधाम वार्ड नं ७ स्थित पुरानो बसपार्क नजिक परिक्रमा सडकको बगलमै रहेको सो पोखरी संरक्षणको अभावमा विगत केही वर्षदेखि डम्पीङ साइटमा परिणत भएको छ । मन्दिरमा दर्शनका लागि शुद्ध हुनका लागि तत्कालिन समयमा निमार्ण गरिएको पोखरीमा टोलभरिको भएभरको फोहर त्यसैमा फालिने गरिएको छ भने पोखरीमा पानीको अवस्था पनि नाम मात्रकै रहेको छ ।
पोखरीको दक्षिणतिर घर लक्ष्मण साहले चारवटा कोठा निर्माण गरिरहेका छन् । साहका अनुसार आफूले २०७२ सालमा जिवछ यादव र रामबाबु यादवसँग किनेर र सोको लालपूर्जा मात्र होइन, जनकपुर उपमहानगरपालिकाको मापदण्ड अनुसार नक्सा समेत पास गराएर घर निर्माण गरेको बताएका छन् । धनुषाकै कल्याणपुरका धनुषधारी शरणले तत्कालिन समयमा जनकपुरधाम दर्शन गर्न आउने भक्तजनहरुका लागि वस्नका लागि कुटी र रामजानकीको मुर्ति स्थापना गरी मन्दिर निमार्ण गरेका थिए भने बगलमै नुहाउन तथा शुद्ध हुनका लागि पोखरी खनाएकोे कबीर कुटीका वयोवृद्ध महन्थ रामनन्दन दासले बताएका छन् ।  पोखरीको भीड सहित चार कट्ठा जग्गा रहेको छ ।

राजपाले नेकाँ कार्यकर्ता कुटे

जनकपुरधाम, १८ चैत । नेपाली काँग्रेसका कार्यकर्ताले भोट नदिएको निहुँमा कुटपिट राजपा वडा अध्यक्षले कुटपिट गरेको आरोप लगाएका छन् ।
जनकपुर उपमहा नगरपालिका वडा नं. १६ कपिलेश्वरका वडा अध्यक्ष रामअशिष पजियार र वडा सदस्य किशोरी राउतले भोट नदिएको भन्दै नेकाँ कार्यकर्ता रामचन्द्र राउतले आरोप लगाएका छन् ।
जनकपुरधाममा आईतवार पत्रकार सम्मेलन गरी उनले वडा अध्यक्ष पजियारले तिम्रो नाउँ निवेदन आएको तिमी वडा कार्यालयमा आउँ भनेपछि आफूले लिखित रुपमा मलाई जानकारी चाहिन्छ भनेपछि उनीहरुले कुटपिट गरेको बताएका छन् ।
जनकपुर अञ्चल अस्पतालको वेडमा नै पत्रकार सम्मेलन गरी उनले भने, ‘आफू काँग्रेसको नेता भएकोले राजपालाई भोट नदिंदा आपूmलाई कुटपिट गरेको हो ।’ उनले आँखा, पिठ्युर खुट्टामा चोट लागेको बताएका छन् ।
यता वडा अध्यक्ष पजियारले मैले कसैलाई कुटपिट नगरेको भन्दै भाईभाईको झगडा हुँदा निवेदन आएको र सोहीका लागि आउन भनेपछि गाली गल्लोज गरेका थिए । राउतको भाईले नै धक्कमधक्का गरेको बताएका छन् ।

‘दस वर्षदेखि प्रतिशोध लिंदै आएको आरोप’

जनकपुरधाम, १८ चैत । जनकपुर उपमहानगरपालिका वडा नं. १७ कनकपट्टीका रविन्द कुमार यादवले राजनीतिको दम्भमा विगत १० वर्षदेखि भौतिक र मानसिक रुपमा प्रतिशोध लिंदै आएको आरोप लगाएका छन् ।
जनकपुरधाममा आईतवार पत्रकार सम्मेलन गरी यादवले तिलेश्वर यादव, विलेश्वर यादव, धनेश्वर यादव र उनका छोरा रामविनय यादव, प्रदीप यादव, शंकर यादवले पटक पटक कुटपिट र जग्गा कब्जा समेत गरेको बताएका छन् । उनले जिल्लादेखि चौकीसम्म न्यायको लागि गुहारेपनि न्याय नपाएकोले पत्रकार माझ आएको गुनासो पोखेका छन् ।
पीडित यादवले उनी सबै विभिन्न राजनीतिमा लागेका छन् । आफु बिलकुलै स्वतन्त्र रहेकोले कसैले सहयोग नगरेको बताएका छन् । उनले भने, ‘जेल परेका रामविनोद यादव लगायतले २०६५ सालमा मरन्नासन गरी आफू र बुवालाई कुटपिट समेत गरेको थियो । उनीहरुकै डरले २ वर्ष वैदेशिक रोजगारी पनि गए । एकवर्ष जनकपुरमै घर भाडा लिई विताए । तर स्थानीय निकायको निर्वाचन पश्चात गाउँ गएपनि उपद्रव दिने कार्य छोडेको छैन ।’
यादवले वैदेशिक रोजगारीबाट आएपछि घर निर्माणको आधी कार्य भई सकेको छ । छत ढलान मात्र बाँकी रहेकोले ढलान गर्न जाँदा उनीहरुले कुटपिट तथा प्रहरी प्रशासनलाई रकम खुवाएर तोडफोड गराँउर्दै आएको कुरा दोहोर्याएका छन् ।
पीडित यादवले तिलेश्वर, विलेश्वर र धनेश्वरले नगर डिहवारको जग्गा कब्जा गरेको र सोको विरोधमा जिल्ला अदालतमा मुद्दा दर्ता समेत गराएको थियो । जनकपुर उच्च अदालतले सो मुद्दालाई ०७३ चैत १२ गतेमा आफ्नै पक्षमा फैसला समेत सुनाएको छ । तर अहिलेसम्म त्यो जग्गा खाली गराएको छैन । डिहवारको बाटोबाटै हाम्रो घरको पनि बाटो रहेकोले आफूले मुद्दा दिएको बताएका छन् ।
उनले आफूले न्याय नपाएमा काठमाडौंसम्म जाने भन्दै राज्यले नसुनेमा धर्ना दिने बताएका छन् ।
यसरी साधियो रिश्वी
पीडित रविन्द्र यादवले पत्रकार सम्मेलनमा भने, ‘रामविनोद यादव, तिलेश्वर यादव, विलेश्वर यादव, धनेश्वर यादव विभिन्न राजनीतिक दलमा लागेका हुन । उनीहरुले गाउँ विकासका लागि आउने रकमहरु सचिवलाई मिलाएर झ्वाम्मै खाउने गरेको थियो । त्यति मात्र होइन गाउँघरमा झगडा हुँदा पचास हजार देखि एकलाखसम्म जरिवाना लगायत गर्ने गरेको र सो पंचायत गर्दा रकम समेत लिंदै आएको थियो ।’
उनले अगाडि भने, ‘उनीहरुसँग सबै गाउँवासीहरु डराउँदथे । तर आफूले युवाहरुको सहयोगमा सो गाउँमा २०६३ सालमा ‘हंस वाहिनी समाज सेवी युवा समिति’ गठन गरे ।  त्यसको जिल्ला प्रशासन कार्यालयमा ११४८ दर्ता नम्वर रहेको छ । त्यसपछि युवा समितिका युवाहरुले झै झगडा लगायतमा निःशुल्क रुपमा मिलाउने कार्य गर्ने गर्दथे । ०६३ सालमा कन्कपट्टी गाउँ विकास समिति रहेको थियो । गाउँ विकासको लागि ४२ लाख रुपैया आएको थियो । त्यसलाई कागजी भरपाई होइन, कार्यमा सदुपयोग हुनुपर्ने अडान राखेपछि उनीहरुले सोही दिनदेखि रिश्वी साध्दै आएको हो ।’

दैनिक करोडौ नोक्सान

जनकपुरधाम, १८ चैत । जनकपुर उपमहानगरपालिकाको विकासको क्रममा तोडफोड शुरु हुँदा यहाँका बजार व्यापार शुन्यमा झरेको छ ।
एशियाली विकास बैंकको ऋण सहयोगमा यहाँका सडक तथा नाला निर्माण कार्य तिव्रगतिमा हुँदैछ । तर बजार व्यापार बिलकुलै शुन्यमा झरेपछि व्यापारीहरु निक्कै चिन्तित बनेका छन् ।
‘जनकपुर शहरको बाटोघाटो बिलकुलै बन्द नै भएको अवस्थामा छ । पसलहरुमा राखिएको सामानहरु कहाँकहाँ छ अतोपतो छैन । जहाँ सेवाग्राही जान सकिदैन, त्यहाँ व्यापार नचल्नु स्वभाविकै हो’ ( जनकपुर उद्योग वाणिज्य संघका अध्यक्ष ललित साहले बताएका छन् ।
अध्यक्ष साहले भने, ‘सेवाग्राहीहरु अहिले जनकपुर आउनमा कतराई रहेका छन् । बजारमा सेवाग्राही नै शुन्य हो, यस्तो अवस्थामा व्यापार शुन्य हुनु स्वभाविकै हो । दैनिक रुपमा करोडौको घाटा व्यापारीहरुको छ ।’ तोडफोड हुँदा यहाँका व्यापारीहरु बोर्डरपारी जाने गरेको उनले बताएका छन् ।
अध्यक्ष साहले ‘जनकपुरको विकासको कुरामा यसको विरोध पनि गर्नु उचित मैलैले बुझेको छैन । आजको विनास भोलीको विकासको रुपमा देखिएको छ । राज्यलाई घरधनीहरुलाई मुआब्जा दिनुपर्ने थियो ।’
त्यस्तै जनकपुर उद्योग वाणिज्य संघका पूर्व वरिष्ठ उपाध्यक्ष विजय साहले यहाँको बजार शुन्य मात्र होइन, दोहरो घाटामा रहेको बताएका छन् । उनले घरहरु तोडफोड र निर्माण कार्य पनि व्यापारीहरुलाई गर्नु परिरहेको छ । व्यापार संघले गर्नुपर्ने कार्यमा मुकदर्शक बनेर बसेको आरोप लगाएका छन् । हप्तौदेखि पसलहरु पूर्ण रुपमा बन्द रहेको उनले जिकिर गरेका छन् । उनले भने, ‘संवैधानिक व्यवस्था अनुसार पनि अहिलेको विकास नीति गलत र जिम्मेवार विहीन रहेको छ ।’
जनकपुर नगरपालिका भित्रमा शिवचौकदेखि रेल्वे स्टेशनसम्म, जानकी चौकदेखि रामानन्द चौकसम्म घर भत्काउने कार्य चलिरहेको छ । निर्माण कार्यमा तिव्रता आएपनि कतिदिनसम्म यहाँको व्यापारहरु शुन्यमै रहने भन्न अप्ठ्यारो रहेको जनकपुर उद्योग वाणिज्य संघका महासचिव जितेन्द्र कुमार महासेठले बताएका छन् ।